Raadhika Sarathkumar: விருதுநகரில் ராதிகா சரத்குமார்! மதுரையில் ராம சீனிவாசன்! பாஜக பட்டியல் வெளியானது!
”வட சென்னையில் பால் கனகராஜ், நாமக்கலில் கே.பி.ராமலிங்கம், கரூரில் செந்தில் நாதன், சிதம்பரத்தில் கார்த்தியாயினி, நாகையில் ரமேஷ் உள்ளிட்டோர் போட்டியிடுகின்றனர்”
நாடாளுமன்றத் தேர்தல் அறிவிக்கப்பட்டுள்ள நிலையில் தமிழ்நாடு பாஜகவின் இரண்டாம் கட்ட வேட்பாளர் பட்டியல் வெளியிடப்பட்டுள்ளது.
தமிழ்நாட்டை பொறுத்தவரை பாஜக தலைமையிலான தேசிய ஜனநாயக கூட்டணியில் பாமக, தமிழ் மாநில காங்கிரஸ், அமமுக, அதிமுக தொண்டர்கள் உரிமை மீட்பு குழு, இந்திய ஜனநாயக கட்சி, புதிய நீதிக்கட்சி, தமமுக, இந்திய மக்கள் கல்வி உரிமை கழகம் உள்ளிட்ட கட்சிகள் இடம்பெற்று உள்ளன.
நாடாளுமன்றத் தேர்தல் 2024
தமிழகம் மற்றும் புதுச்சேரியில் வரும் ஏப்ரல் 19ஆம் தேதி அன்று ஒரே கட்டமாக நாடாளுமன்றத் தேர்தல் நடைபெறுகிறது. இதற்கான வேட்பு மனுத்தாக்கல் கடந்த மார்ச் 20ஆம் தேதி நடந்து வருகிறது. வேட்புமனு தாக்கல் செய்ய கடைசி நாள் மார்ச் 27 ஆகும். மார்ச் 28ஆம் தேதி வேட்புமனுக்கள் மீதான பரிசீலனை நடைபெறும் நிலையில், வேட்புமனுக்களை திரும்பப் பெற மார்ச் 30ஆம் தேதி கடைசி நாள் ஆகும். பதிவு செய்யப்பட்ட வாக்குகள் வரும் ஜூன் 4ஆம் தேதி எண்ணப்பட்டு அன்றே முடிவுகள் அறிவிக்கப்படுகின்றன.