“துப்பாக்கிய புடிங்க வாஷி.." அந்த 2 நிமிட பேச்சு.. தி கோட் ஸ்டைலில் வாஷிங்டன் சுந்தரிடம் பொறுப்பை ஒப்படைத்த அஸ்வின்

உங்களிடம் இருந்த ஒவ்வொரு தருணமும் சிறப்பு

உங்களுடன் களத்திலும், டிரெஸிங் ரூமிலும் பகிர்ந்து கொண்டதை மிக பெரிய கெளரவமாக கருதுகிறேன். தமிழ்நாட்டில் இருந்து கிரிக்கெட் விளையாட வந்திருக்கும் நான் சேப்பாக்கம் மைதானத்தின் ஓரங்களில் அமர்ந்து உங்களின் ஆட்டத்தை பார்த்துதான் வளர்ந்து, உங்களுக்கு எதிராகவும், உங்களுடனும் இணைந்து விளையாடியுள்ளேன். உங்களுடன் இருந்த ஒவ்வொரு தருணமும் சிறப்பு மிக்கது.

களத்தின் உள்ளேயும், வெளியேயும் உங்களிடம் கற்றக்கொண்ட விஷயங்களை நான் எப்போதும் தொடர்ந்து செயல்படுத்துவேன். அடுத்த உங்கள் உங்கள் வாழ்க்கையில் நடக்க போகும் விஷயங்களுக்கு வாழ்த்துகளை தெரிவித்து கொள்கிறேன்" என குறிப்பிட்டுள்ளார்.

துப்பாக்கியை புடிங்க வாஷி

சுந்தரின் இந்த எமோஷனலாக பதிவுக்கு தனது பாணியில் பதில் அளித்துள்ளார் அஸ்வின். தனது எக்ஸ் பக்கத்தில், " துப்பாக்கிய புடிங்க வாஷி. கெட்டூகெதரின் போது நீங்கள் பேசிய அந்த இரண்டு நிமிடங்கள் மிகவும் சிறப்பு" என வாஷிக்கு பதில் அளித்துள்ளார் அஸ்வின்.

சமீபத்தில் தளபதி விஜய் நடிப்பில் வெளியான வெளியான தி கோட் படத்தில் தன்னிடமிருக்கு துப்பாக்கியை சிவகார்த்திகேயன் கொடுத்து, "துப்பாக்கிய பிடிங்க" என்பார். தற்போது அந்த காட்சியை ரீகிரியேட் செய்யும் விதமாக வாஷிங்டன் சுந்தருக்கு, அஸ்வின் பதில் அளித்துள்ளார். இதன் மூலம் அஸ்வின் தற்போது ஓய்வு பெற்றுள்ளதால், இந்திய ஸ்பின் பவுலிங் கன்னை வாஷியிடம் அவரே ஒப்படைத்து விட்டார் என கூறி இந்த உரையாடல்களை ரசிகர்கள் பலரும் ஷேர் செய்து வருகிறார்கள்.

அஸ்வின் இடத்தை நிரப்ப இருக்கும் வாஷிங்டன் சுந்தர்

டெஸ்ட், ஒரு நாள், டி20 என மூன்று வகை கிரிக்கெட்டையும் சேர்த்து அஸ்வின் மொத்தம் 765 சர்வதேச விக்கெட்டுகளை வீழ்த்தியுள்ளார். அதுமட்டுமில்லாமல் பேட்டிங்கிலும் ஜொலித்த இவர், டெஸ்ட் போட்டிகளில் 6 சதங்களை அடித்துள்ளார். தற்போது அஸ்வின் இல்லாத நிலையில் இந்திய அணியின் ப்ரைம் ஸ்பின்னராக 25 வயதாகும் இளம் ஸ்பின் ஆல்ரவுண்டரும், தமிழ்நாட்டை சேர்ந்தவருமான வாஷிங்டன் சுந்தர் செயல்படவுள்ளார்.

இந்தியா - ஆஸ்திரேலியா இடையே நடைபெற்று வரும் பார்டர் கவாஸ்கர் கோப்பை டெஸ்ட் தொடரில் 3 போட்டிகளில் முடிவடைந்திருக்கும் நிலையில் இரு அணிகளும் தலா ஒரு வெற்றியை பெற்று 1-1 என சமநிலையில் உள்ளது. இரு அணிகளுக்கும் இடையே நான்காவது டெஸ்ட் போட்டி பாக்ஸிங் டே டெஸ்ட் தொடராக டிசம்பர் 26ஆம் தேதி மெர்போர்ன் மைதானத்தில் வைத்து நடைபெறவுள்ளது.