CSK vs GT Preview: பழிதீர்க்க காத்திருக்கும் குஜராத் டைட்டன்ஸ்.. 'சிங்க நடையை' தொடரும் முனைப்பில் சிஎஸ்கே!

நடப்பு சாம்பியன் சென்னை சூப்பர் கிங்ஸ்-முன்னாள் சாம்பியன் குஜராத் டைட்டன்ஸ் அணிகள் இந்தியன் ப்ரீமியர் லீக் போட்டியின் 7வது லீக் ஆட்டத்தில் இன்று மோதுகின்றன.

இந்த மேட்ச் சென்னையில் சேப்பாக்கம் எம்.ஏ.சிதம்பரம் மைதானத்தில் நடைபெறவுள்ளது.

நடப்பு சாம்பியனான சிஎஸ்கே, சீசனின் முதல் ஆட்டத்தில் ராயல் சேலஞ்சர்ஸ் பெங்களூருவை (ஆர்சிபி) தோற்கடித்ததன் மூலம் நல்ல தொடக்கத்தில் உள்ளது. முதல் சுற்று ஆட்டங்கள் முடிந்து புள்ளிப்பட்டியலில் சிஎஸ்கே 2வது இடத்தில் உள்ளது. போட்டியில் அனைத்து அணிகளும் செல்ல இன்னும் மிக நீண்ட தூரம் உள்ளது. மற்றொரு சீசனுக்கு வரும் சிஎஸ்கே மிகவும் நிலையான அணியாகத் தெரிகிறது.

மற்றொரு புறம் குஜராத் டைட்டன்ஸ் அணி 5 முறை சாம்பியனான மும்பை இந்தியன்ஸை வீழ்த்தி வெற்றித் தொடக்கம் கொடுத்துள்ளது. அதுவும் உலகின் மிகப் பெரிய கிரிக்கெட் ஸ்டேடியமான அகமாதாபாத் மைதானத்தில் மும்பை இந்தியன்ஸை பஞ்சராக்கி இருக்கிறது.

இரு அணிகளிலும் பந்துவீச்சாளர்கள், பேட்ஸ்மேன்கள், ஃபீல்டர்களுக்கு பஞ்சம் கிடையாது. பக்காவான அணியாக இரு அணிகளும் இந்த சீசனில் திகழ்கிறது.

இதுவரை நேருக்கு நேர்

இதுவரை இரு அணிகளும் நேருக்கு நேர் 5 முறை மோதியிருக்கின்றன. அதில் 3 முறை குஜராத் டைட்டன்ஸ் அணியும், 2 முறை சிஎஸ்கேவும் ஜெயித்துள்ளன.

குஜராத் டைட்டன்ஸ் சிஎஸ்கேவிட ஓர் ஆட்டத்தில் அதிகம் வீழ்த்தி அட்வான்டேஜில் உள்ளது.

இந்த ஆண்டு அவர்களின் முந்தைய போட்டிகளின் செயல்திறன் அடிப்படையில், CSK பேட்டர்கள் நல்ல நிலையில் உள்ளனர். ஆர்சிபிக்கு எதிராக முன்னணியில் இருந்து கேப்டன் கெய்க்வாட் முன்னிலை வகித்தார். அனைத்து டாப் ஆர்டர் பேட்டர்களும் பயனுள்ள ரன்களை எடுத்தனர். பந்துவீச்சாளர்கள் சந்தர்ப்பத்திற்கு ஏற்ப பந்துவீசி அசத்தினர். காயமடைந்த பதீரனாவுக்குப் பதிலாக வங்கதேசத்தைச் சேர்ந்த முஸ்தாபிசுர் சிறப்பாக பந்துவீசினார்.

MI க்கு எதிராக GT பேட்டர்கள் நியாயமான முறையில் சிறப்பாக செயல்பட்டனர். அவர்களின் முக்கிய பேட்டர்களான கில் மற்றும் சாய் சுதர்சன் ஆகியோர் தங்கள் திறமைக்கு போதுமான ஆதாரங்களைக் காட்டினர். ஐபிஎல்லில் சிறந்த ஃபினிஷர்களில் ஒருவராக அவர் ஏன் கருதப்பட வேண்டும் என்பதை தெவாடியா நமக்குக் காட்டினார்.

இருப்பினும், ஜிடி பந்துவீச்சாளர்கள்தான் முதல் போட்டியில் வெற்றி பெற முக்கியப் பங்களித்தனர். MI எளிதாக வெற்றி பெறுவது போல் தோன்றினாலும் குஜராத் பவுலர்கள் முக்கியமான விக்கெட்டுகளை எடுத்தனர். ரச்சின் ரவீந்திரா, டேரில் மிட்செல் என அதிரடி நாயகர்கள் சிஎஸ்கேவில் உள்ளனர். அவர்கள் குஜராத் பவுலர்களை சமாளிப்பார்கள் என நம்பலாம்.

சிஎஸ்கே ஜிடியை வெல்லும் என்று நாம் எதிர்பார்க்கிறோம் என்றாலும், கிரிக்கெட் ரசிகர்களுக்கு சமபலம் வாய்ந்த இரு அணிகளும் மோதிக் கொள்வதை பார்ப்பது அதிக மகிழ்ச்சியைத் தரும் என எதிர்பார்க்கலாம்.

இன்றிரவு 7.30 மணிக்கு தொடங்கும் இப்போட்டிக்கான டாஸ் 7 மணிக்கு போடப்படும். இந்தப் போட்டியை ஜியோ சினிமா செயலியில் நேரலையில் கண்டு ரசிக்கலாம்.