Jyotika: 25 ஆண்டுகளுக்கு பிறகு இந்தியில் ரீ என்ட்ரி;மாஸ் படத்தில் இணைந்த ஜோதிகா.. யார் ஹீரோ தெரியுமா?

இந்தியில் பிரபல நடிகராக வலம் வரும் அஜய் தேவ்கன் நடிப்பில் இறுதியாக வெளியான திரைப்பட ‘போலா’. தமிழில் லோகேஷ் கனகராஜ் இயக்கத்தில் வெளியான கைதி படத்தின் ரீமேக்காக வெளியான இந்தத்திரைப்படம் எதிர்மறையான விமர்சனங்களை பெற்று படுதோல்வி அடைந்தது. 

இந்தப்படத்திற்கு அடுத்தபடியாக அஜய் தேவ்கன் சூப்பர் நேச்சுரல் த்ரில்லர் படம் ஒன்றை தயாரித்து நடிக்கிறார்.இந்தப்படத்தில் அவர் உடன் நடிகர் மாதவனும் நடிக்க இருப்பதாக தெரிவிக்கப்பட்டி ருந்த நிலையில் தற்போது நடிகை ஜோதிகாவும் இந்தப்படத்தில் கமிட் செய்யப்பட்டுள்ளதாக அறிவிக்கப்பட்டு இருக்கிறது. அவர் இந்தப்படத்தில் முக்கிய கதாபாத்திரம் ஒன்றில் நடிக்க இருக்கிறாராம். 

நடிகை ஜோதிகா இந்தியில் கடைசியாக 1998 ஆம் ஆண்டு வெளியான ‘டோலி சாஜா கே ரக்னா’ என்ற படத்தில் அக்‌ஷய் கண்ணாவுக்கு ஜோடியாக நடித்திருந்தார். தற்போது அஜய்தேவ்கன் -மாதவன் படத்தில் கமிட் ஆனதன் மூலம் 25 ஆண்டுகளுக்குப் பிறகு மீண்டும் இந்தியில் ரீ -என்ட்ரி கொடுக்கிறார்

இந்தத்திரைப்படத்தை பாலிவுட் இயக்குநர் விகாஸ் பால் இயக்குகிறார். இவர் முன்னதாக ‘குயின்’ ‘சூப்பர் 30’ ‘குட் பை’ உள்ளிட்ட படங்களை இயக்கியவர் என்பது குறிப்பிடத்தக்கது.