Jailer: இந்த முறை இருக்கு.. ஜெயிலர் ஆடியோ லான்ச் எப்போது?

கோலமாவு கோகிலா, டாக்டர், பீஸ்ட் படங்களை தொடர்ந்து நெல்சன் திலீப்குமார் இயக்கி இருக்கும் படம் ஜெயிலர். அண்ணாத்த படத்தையடுத்து ரஜினிகாந்த் நடித்திருக்கும் படம் இதுவாகும்.

முத்துவேல் பாண்டியன் என்ற ஜெயிலராக ரஜினிகாந்த் நடித்து உள்ளார். அவருடைய மாஸ் கேரக்டர் அறிமுகம் ஏற்கனவே பலரது இதயங்களை வென்று உள்ளது. சூப்ப ர்ஸ்டார் ரஜினிகாந்தின் பிறந்தநாளில் (டிசம்பர் 12) இந்த காட்சி வெளியிடப்பட்டது. அது உடனடியாக இணையத்தில் தீயை உண்டாக்கியது.

சென்னை, கடலூர், ஹைதராபாத், மங்களூர், பெங்களூர், கொச்சி மற்றும் ராஜஸ்தான் ஆகிய நாடுகளின் பல்வேறு இடங்களில் ஜெயிலரின் படப்பிடிப்பு நடைபெற்றது. படத்தின் இசையமைப்பாளராக அனிருத் ரவிச்சந்தர் பேட்ட மற்றும் தர்பார் படங்களுக்குப் பிறகு சூப்பர் ஸ்டார் படத்தில் இசையமைத்து இருக்கிறார்.

இப்படத்தில் ரம்யா கிருஷ்ணன், தமனா, யோகி பாபு, வசந்த் ரவி, ரெடின் கிங்ஸ்லி, விநாயகன், ஜாஃபர் சாதிக் உள்ளிட்ட பலர் நடித்துள்ளனர். ரம்யா கிருஷ்ணனும் இரண்டு தசாப்தங்களுக்குப் பிறகு ரஜினிகாந்துடன் இணைந்துள்ளார். கடைசியாக படையப்பா படத்தில் இணைந்து பணியாற்றினர். சிவராஜ்குமார், ஜாக்கி ஷெராஃப், மோகன்லால் மற்றும் சுனில் ஆகியோர் நடித்து உள்ளனர். ஆகஸ்ட் 10 ஆம் தேதி படத்தின் ரிலீஸ் தேதி குறித்த அப்டேட் வெளியாகி உள்ளது.

இந்நிலையில் ஜெயிலர் படத்தின் இசை வெளியீட்டு விழா சென்னை நேரு விளையாட்டு அரங்கில் ஜூலை மாதம் நடைபெற உள்ளது. படத்தில் நடித்த நடிகர் மற்றும் நடிகைகள் அனைவரையும் அழைத்து படக்குழு கவுரவிக்க இருப்பதாக சொல்லப்படுகிறது.

ரஜினியின், தர்பார், பேட்ட படங்களுக்கு இசை வெளியீடு நடந்தது. ஆனால் அண்ணாத்த படத்திற்கு இசை வெளியீட்டு விழா நடக்கவில்லை என்பதால், ஜெயிலர் இசை வெளியீட்டு விழாவை மிகப் பிரமாண்டமாக நடத்தத் திட்டமிட்டு வருகின்றனர் படக்குழு.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews  

https://www.facebook.com/HTTamilNews 

https://www.youtube.com/@httamil