10ம் வகுப்பு முடித்தவர்களுக்கு தபால்துறை வேலை – விவரங்கள் உள்ளே…

இதில், தமிழ்நாட்டில் மட்டும் 3 ஆயிரத்து 167 காலிப்பணியிடங்கள் நிரப்பப்பட உள்ளன. இந்த பணியிடங்களுக்கு விண்ணப்பிக்க 10ம் வகுப்பு மதிப்பெண்கள் போதுமானது. மேலும் தமிழ் படித்திருக்கவேண்டும். இந்த பணியிடங்களுக்கு சம்பளம் ரூ.10 ஆயிரம் முதல் ரூ.29 ஆயிரத்து 380 வரை வழங்கப்பட உள்ளது. 

மேலும் இந்த பணிகளுக்கு தேர்வு இல்லாமல் 10ம் வகுப்பில் பெற்ற மதிப்பெண்கள் அடிப்படையில் மட்டும் தேர்வு செய்யப்பட உள்ளனர். இந்த பதவிகளுக்கான விண்ணப்ப செயல்முறை ‘ஆன்லைன்' மூலமாக மட்டுமே நடைபெறும். அதற்கு தபால் துறையின் அதிகாரப்பூர்வ இணையதளத்தின் மூலம் விண்ணப்பிக்க வேண்டும். இந்தப்பணிகளுக்கு விண்ணப்பிக்க வரும் 16ம் தேதி கடைசி நாளாகும்.

விண்ணப்பதாரர்கள் அவர்கள் அளித்துள்ள தகவல்களின் அடிப்படையில் தற்காலிகமாக தேர்வு செய்யப்பட்டவர்களின் பட்டியல் வெளியிடப்படும். அந்த பட்டியலில் இடம்பெறுபவர்கள், சான்றிதழ் சரிபார்ப்புக்கு அழைக்கப்படுவார்கள். அப்போது 10ம் வகுப்பு தேர்ச்சி பெற்றதற்கான மதிப்பெண் சான்றிதழ், சாதி சான்றிதழ், மாற்றுத்திறனாளி என்றால் அதற்கான சான்றிதழ், திருநங்கை என்றால் அதற்கான சான்றிதழ், பிறப்பு சான்றிதழ், மருத்துவ சான்றிதழ் உள்ளிட்ட உண்மையான சான்றிதழ்களுடன், 2 நகல்களும் வைத்திருக்கவேண்டும்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.