DC vs RR Innings Break: வந்துட்டாரய்யா பழைய அஸ்வின்! ராஜஸ்தானுக்கு எதிராக அதிரடியில் மிரட்டிய டெல்லி பேட்ஸ்மேன்கள்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Dc Vs Rr Innings Break: வந்துட்டாரய்யா பழைய அஸ்வின்! ராஜஸ்தானுக்கு எதிராக அதிரடியில் மிரட்டிய டெல்லி பேட்ஸ்மேன்கள்

DC vs RR Innings Break: வந்துட்டாரய்யா பழைய அஸ்வின்! ராஜஸ்தானுக்கு எதிராக அதிரடியில் மிரட்டிய டெல்லி பேட்ஸ்மேன்கள்

Muthu Vinayagam Kosalairaman HT Tamil Published May 07, 2024 09:24 PM IST
Muthu Vinayagam Kosalairaman HT Tamil
Published May 07, 2024 09:24 PM IST

அடிரடியான ஓபனிங்கும், பினிஷிங்கும் டெல்லி கேபிடல்ஸ் பேட்ஸ்மேன்கள் வெளிப்படுத்தி 221 ரன்கள் குவித்துள்ளனர். இந்த சீசன் முழுக்க பவுலிங்கில் பெரிதாக சாதிக்காமல் இருந்து வந்த ரவிச்சந்திரன் அஸ்வின் பழைய பாணியில் அற்புதமாக பந்து வீசி 3 விக்கெட்டுகளை கைப்பற்றினார்.

மூன்று விக்கெட்டுகளை வீழ்த்திய ரவிச்சந்திரன் அஸ்வின்,, அதிரடி காட்டிய டெல்லி பேட்ஸ்மேன்கள்
மூன்று விக்கெட்டுகளை வீழ்த்திய ரவிச்சந்திரன் அஸ்வின்,, அதிரடி காட்டிய டெல்லி பேட்ஸ்மேன்கள்
Share on Whatsappஎங்களை பின் தொடரலாம்
  • Share on Twitter
  • Share on Facebook

ஐபிஎல் 2024 தொடரின் 54வது போட்டி டெல்லி கேபிடல்ஸ் - ராஜஸ்தான் ராயல்ஸ் அணிகளுக்கு இடையே டெல்லி அருண் ஜெட்லி மைதானத்தில் நடைபெற்று வருகிறது. இந்த போட்டி தொடங்குவதற்கு ராஜஸ்தான் ராயல்ஸ் 10 போட்டிகளில் 8 வெற்றியுடன் இரண்டாவது இடத்தில் உள்ளது. டெல்லி கேபிடல்ஸ் 11 போட்டிகளில் 5 வெற்றியுடன் 7வது இடத்தில் இருக்கிறது.

இந்த போட்டியில் ராஜஸ்தான் ராயல்ஸ் அணியில் டோனோவன் ஃபெரேரா, ஷுபம் டூபே ஆகியோர் சேர்க்கப்பட்டுள்ளனர். அதேபோல் டெல்லி கேபிடல்ஸ் அணியில் இஷாந்த் ஷர்மா, குலாப்தீன் நயிப் ஆகியோர் விளையாடுகிறார்கள்.

ராஜஸ்தான் ராயல்ஸ் பவுலிங்

இந்த போட்டியில் டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன் பவுலிங்கை தேர்வு செய்துள்ளார். இதையடுத்து முதலில் பேட் செய்த டெல்லி கேபிடல்ஸ் 20 ஓவரில் 8 விக்கெட் இழப்புக்கு 221 ரன்கள் அடித்துள்ளது.

அதிகபட்சமாக அபிஷேக் போரல் 65, ஜேக் பிராசர் மெக்குர்க் 50, ட்ரிஸ்டன் ஸ்டப்ஸ் 41 ரன்கள் அடித்தனர். 

ராஜஸ்தான் ராயல்ஸ் பவுலர்களில் ரவிச்சந்திரன் அஸ்வின் 3 விக்கெட்டுகளை கைப்பற்றினார். ட்ரெண்ட் போல்ட், யஸ்வேந்திரா சஹால், சந்தீப் ஷர்மா ஆகியோர் தலா ஒரு விக்கெட்டை எடுத்தனர்.

அதிரடி தொடக்கம்

டெல்லி கேபிடல்ஸ் ஓபனர்கள் ஜேக்-பிராசர் மெக்குர்க் - அபிஷேக் போரல் ஆகியோர் அதிரடியான தொடக்கத்தை தந்தனர். முதல் விக்கெட்டுக்கு 4.2 ஓவரில் 60 ரன்கள் சேர்த்தனர். இதில் மெக்குர்க் மட்டும் 20 பந்துகளில் 50 ரன்கள் அடித்தார்.

மெக்குர்க் அவுட்டான பிறகு அவர் விட்டு சென்ற அதிரடியை தொடர்ந்தார் அபிஷேக் போரல். இதற்கிடையே ஷாய் ஹோப் ஒரு ரன்னில் துர்தஷ்டவசமாக ரன் அவுட்டானார்.

அடுத்தடுத்து பவுண்டரி, சிக்ஸரை விரட்டிய அபிஷேக் போரல் அரைசதமடித்தார். 36 பந்துகளில் 65 ரன்கள் எடுத்து தனது விக்கெட்டை பறிகொடுத்தார்.

அபிஷேக் போரல் அவுட்டாவதற்கு முன்பு அக்‌ஷர் படேல் 15 ரன்கள் அடித்து அவுட்டாகி வெளியேறினார். அதேபோல் போராலுக்கு அடுத்தபடியாக ரிஷப் பண்ட் 15 ரன்கள் அடித்து அவுட்டானார்கள்.

ட்ரிஸ்டன் ஸ்டப்ஸ் பினிஷ்

கடைசி கட்டத்தில் ராஜஸ்தான் பவுலர்களை அடித்து விரட்டிய ட்ரிஸ்டன் ஸ்டப்ஸ் 20 பந்துகளில் 41 ரன்கள் அடித்தார். கடைசி ஓவரில் அவர் அவுட்டாகி வெளியேறினார். இவர் தனது இன்னிங்ஸில் 3 பவுண்டரி, 3 சிக்ஸர்களை அடித்தார்.

அஸ்வின் கலக்கல்

இந்த சீசனில் இதுவரை விக்கெட்டுகள் எடுப்பதில் தடுமாறி வந்த அஸ்வின் இந்த போட்டியில் சிறப்பாக பவுலிங் செய்து டெல்லி பேட்ஸ்மேன்களை ரன் அடிக்க விடாமல் கட்டுப்படுத்தினார். அத்துடன் 3 முக்கிய விக்கெட்டுகளையும் கைப்பற்றினார். 4 ஓவர்களில் 24 ரன்கள் மட்டும் விட்டுக்கொடுத்து மெக்குர்க், அபிஷேக் போரல், அக்‌ஷர் படேல் ஆகியோரின் விக்கெட்டுகளை எடுத்தார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.