Budget: ’பாஜக கூட்டணிக்கு என்ன 25 எம்.பியா கொடுத்து இருக்கீங்க பட்ஜெட்ல தமிழ்நாடு பெயர் வர!’ விட்டு விளாசிய அன்புமணி!
Published Jul 24, 2024 03:19 PM IST
PMK leader Anbumani Ramadoss: பட்ஜெட் குறித்து கருத்து தெரிவித்த முதலமைச்சர் மு.க.ஸ்டாலின், பட்ஜெட்டில் தமிழ்நாடு என்ற வார்த்தையே இல்லை என்றும், பட்ஜெட்டில் வழக்கமாக இடம்பெறும் திருக்குறளும் இல்லை, தமிழ்நாடும் இல்லை என கூறி இருந்தார்.
’பாஜக கூட்டணிக்கு என்ன 25 எம்.பியா கொடுத்து இருக்கீங்க பட்ஜெட்ல தமிழ்நாடு பெயர் வர!’ விட்டு விளாசிய அன்புமணி!
பட்ஜெட்டில் தமிழ்நாடு பெயர் இடம்பெற்று இருக்க வேண்டும் என்றால் 25 எம்.பிக்களை ஜெயித்து கொடுக்க வேண்டும் என பாமக தலைவர் அன்புமணி ராமதாஸ் கூறியது சர்ச்சையை ஏற்படுத்தி உள்ளது.
மூன்றாவது முறையாக பொறுப்பேற்று உள்ள மோடி அரசின் சார்பில் முதல் நிதிநிலை அறிக்கை நாடாளுமன்ற மக்களவையில் நேற்று தாக்கல் செய்யப்பட்டது.
நிர்மலா சீதாராமன் உரை
நாடாளுமன்ற மக்களவையில் பட்ஜெட் உரையை வாசித்த நிதியமைச்சர் நிர்மலா சீதாராமன், "பிரதமர் மோடி தலைமையிலான அரசாங்கத்தின் மீது இந்திய மக்கள் நம்பிக்கை வைத்து, வரலாற்று சிறப்புமிக்க மூன்றாவது முறையாக அதை மீண்டும் தேர்ந்தெடுத்துள்ளனர். ஏழைகள், பெண்கள், விவசாயிகள், இளைஞர்களை மையப்படுத்தி பட்ஜெட் தயாரிக்கப்பட்டு உள்ளது என தெரிவித்தார்.