இந்தியாவில் இன்றைய வெள்ளி விலை நிலவரம்

தங்கத்தை விட வெள்ளி மலிவானதாக கருதப்படுகிறது. உதாரணமாக, இன்று ஒரு கிராம் வெள்ளி ரூ.61.40 என்றால், 1 கிலோ வெள்ளியை ரூ.61,400-க்கு வாங்கலாம். ஆனால் இதே விலையில் இன்றைய மதிப்புக்கு எக்ஸ்சேஞ்ச் விகிதத்தை பொறுத்து நீங்கள் 10 கிராமுக்கு கொஞ்சம் அதிகமாகதான் தங்கம் வாங்க முடியும். நகை வியாபாரிகள் மற்றும் தொழில் நிறுவனங்களிடையே தங்கத்தை விட வெள்ளிக்கு எப்போதும் அதிக தேவை உள்ளது.

ஏனென்றால், இதன் பயன்பாடு நகைப் பொருட்களுக்கு மட்டும் அல்ல; சில தயாரிப்புகளை உற்பத்தி செய்ய தொழில்துறை மற்றும் வணிக நிறுவனங்களாலும் அதிக அளவு பயன்படுத்தப்படுகிறது. வெள்ளிக்கு எப்போதுமே அதிக தேவை இருப்பதால், இந்த உலோகத்திற்கான தேவை எதிர்காலத்தில் மேலும் அதிகரிக்கும். நீங்கள் இப்போது வெள்ளியில் முதலீடு செய்திருந்தால், எதிர்காலத்தில் வெள்ளி விலை விண்ணைத் தொடும் சமயத்தில் நீங்கள் நிதி ரீதியாக பலனடைவதற்கான வாய்ப்புகள் மிக மிக அதிகம்.

இந்தியாவில் தங்கத்தின் விலை போன்ற பல்வேறு காரணிகளால் வெள்ளியின் விலை நிர்ணயிக்கப்படுகிறது. தங்கம் விலை உயர்ந்தால் வெள்ளியின் விலையும் உயரும். அதிக அளவில் வெள்ளி வாங்கப்படும்போதும் அதன் விலை உயரக் காரணமாக அமைந்து விடுகிறது. தூய வெள்ளியின் தரம் 999.9, 999.5 அல்லது 999 ஆகும். வெள்ளி நகைகள் மற்றும் கலைப்பொருட்களுக்கு, தூய்மை தரம் 970, 925, 900, 835 ஆகும்.

வெள்ளி அதன் முழுமையான வடிவத்தில் பயன்படுத்தப்படுவதில்லை. நகைக்கடைக்காரர்கள் ஸ்டெர்லிங் வெள்ளியைத்தான் பயன்படுத்துகிறார்கள். இது 92.5 சதவிகிதம் வெள்ளி மற்றும் 7.5 சதவிகிதம் மற்ற உலோககத்தின் கலவையாக இருக்கும்.

இந்தியா, தனது வெள்ளி தேவையை பெரும்பாலும் இறக்குமதி மூலம்தான் பூர்த்தி செய்து கொள்கிறது. ஜார்கண்ட், குஜராத் மற்றும் ராஜஸ்தான் ஆகிய மாநிலங்கள் தான் அதிக அளவு வெள்ளியை நமது நாட்டில் உற்பத்தி செய்து வருகிறது. வெள்ளியின் தேவைகளைப் பூர்த்தி செய்ய நமது நாட்டின் உற்பத்தி போதுமானதாக இல்லை.

இதன்காரணமாக, சீனா, இங்கிலாந்து, ஐரோப்பிய யூனியன், ஆஸ்திரேலியா மற்றும் துபாய் ஆகிய நாடுகளில் இருந்து வெள்ளியை நமது நாடு இறக்குமதி செய்து வருகிறது. தற்போது, ​​இந்தியாவில் தங்கத்தின் மீதான இறக்குமதி வரி 10 சதவீதமாக உள்ளது. தேவைக்கு ஏற்ப இறக்குமதியை கட்டுப்படுத்தும் நோக்கில் இறக்குமதி வரியை மத்திய அரசு மாற்றிக்கொண்டே இருக்கிறது.