தமிழ் செய்திகள்  /  தேசம் மற்றும் உலகம்  /  World Rainforest Day 2024: ’மேற்கு தொடர்சி மலைகளும்! பூமியின் நுரையீரலும்!’ உலக மழைக்காடுகள் தினம் இன்று!

World Rainforest Day 2024: ’மேற்கு தொடர்சி மலைகளும்! பூமியின் நுரையீரலும்!’ உலக மழைக்காடுகள் தினம் இன்று!

Kathiravan V HT Tamil
Jun 22, 2024 06:00 AM IST

World Rainforest Day 2024: மழை காடுகள் உலகளாவிய ஆக்ஸிஜன் உற்பத்திக்கு முக்கிய பங்கு வகிக்கின்றது. வளிமண்டலத்தில் இருந்து கணிசமான அளவு கார்பன் டை ஆக்சைடு வாயுக்களை உறிஞ்சி சமச்சீரான காலநிலையை பராமரிப்பதன் மூலம் மழைக்காடுகள் "பூமியின் நுரையீரல்" ஆக மாறி உள்ளது.

World Rain forest Day
World Rain forest Day

ட்ரெண்டிங் செய்திகள்

2017ஆம் ஆண்டு முதல்…!

மழைக்காடு பாதுகாப்பில் கவனம் செலுத்தும் சர்வதேச லாப நோக்கற்ற அமைப்பான ’ரெயின் ஃபாரெஸ்ட் பார்ட்னர்ஷிப் (The collaborative efforts of Rainforest Partnership)’என்ற அமைப்பு மற்றும் உலகம் முழுவதும் உள்ள பல்வேறு தனிநபர்கள், நிறுவனங்கள் மற்றும் அரசாங்கங்களின் ஆதரவு காரணமாக 2017ஆம் ஆண்டு முதல் உலக மழைக்காடுகள் தினம் கொண்டாடப்படுகிறது.

பருவநிலை மாற்றத்தை தடுக்கும் மழைக்காடுகள்

’உலக மழைக்காடு தினம்’ அனைத்து தரப்பு மக்களுக்கும் கல்வி கற்பதற்கும் ஈடுபடுத்துவதற்கும் ஒரு சந்தர்ப்பமாக செயல்படுகிறது. பருவநிலை மாற்றத்தைத் தணிப்பதிலும், பல்லுயிர் பெருக்கத்தை ஆதரிப்பதிலும், நீர் சுழற்சிகளை ஒழுங்குபடுத்துவதிலும், சுற்றுச்சூழல் அமைப்பு சேவைகளை வழங்குவதிலும் மழைக்காடுகள் முக்கிய பங்கு வகின்றது. 

தனிநபர்கள், நிறுவனங்கள் மற்றும் அரசாங்கங்கள் ஒன்றிணைந்து இந்த விலை மதிப்பற்ற சுற்றுச்சூழல் அமைப்புகளைப் பாதுகாக்க உறுதியான நடவடிக்கை முன்னெடுக்கும் நாளாக இந்த நாள் அமைந்து உள்ளது. 

பூமியின் நுரையீரல்

மழை காடுகள் உலகளாவிய ஆக்ஸிஜன் உற்பத்திக்கு முக்கிய பங்கு வகிக்கின்றது. வளிமண்டலத்தில் இருந்து கணிசமான அளவு கார்பன் டை ஆக்சைடு வாயுக்களை உறிஞ்சி சமச்சீரான காலநிலையை பராமரிப்பதன் மூலம் மழைக்காடுகள் "பூமியின் நுரையீரல்" ஆக மாறி உள்ளது. 

மழையை உறிஞ்சி வெளியிடுகின்றன

நீரின் சுழற்சிகளை ஒழுங்குபடுத்துவதில் மழைக் காடுகள் முக்கிய பங்கு வகிக்கின்றன. அவை மழை நீரை உறிஞ்சி படிப்படியாக வெளியிடுகின்றன. இந்த செயல்முறையானது மலைகளின் மேல் இருந்து மழைநீரானாது வேகமாக வெளி வெள்ளம் உண்டாகாமல் தடுக்க உதவுகின்றது. 

இந்திய மழைக்காடுகள்

இந்தியாவின் மழைக்காடுகள் முதன்மையாக மேற்கு தொடர்ச்சி மலைகள் மற்றும் வடகிழக்கு மாநிலங்களில் நிறைந்து காணப்படுகின்றன. இந்த மழைக்காடுகள் ஒவ்வொன்றும் தனித்துவமான பல்வேறு பண்புகளை கொண்டுள்ளன. 

யுனெஸ்கோ அமைப்பின் உலக பாரம்பரிய தளமான மேற்கு தொடர்ச்சி மலை ஆனது கேரளா, கர்நாடகா, தமிழ்நாடு, மகாராஷ்டிரா மற்றும் கோவா ஆகிய மாநிலங்களில் பரவி நிறைந்த மழைக்காடுகளை கொண்டு உள்ளன. 

மேற்குத் தொடர்ச்சி மலை

மேற்குத் தொடர்ச்சி மலையின் மழைக்காடுகள் பல்லுயிரியலுக்கு பெயர் பெற்று விளங்குகின்றது. பூமியில் வேறு எங்கும் காணப்படாத ஏராளமான உள்ளூர் தாவரங்கள் விலங்கு இனங்கள் இங்கு உள்ளன. இந்த காடுகளில் சிங்கவால் மக்காக், மலபார் ராட்சத அணில், நீலகிரி லாங்கூர் போன்ற கவர்ச்சியான உயிரினங்கள் உள்ளன. மேலும் மலபார் பைட் ஹார்ன்பில் மற்றும் அழிந்து வரும் பெரிய இந்திய ஹார்ன்பில் உட்பட ஏராளமான பறவை இனங்கள் உள்ளன.

வடகிழக்கு மாநிலங்கள்

அசாம், அருணாச்சல பிரதேசம், மேகாலயா, நாகாலாந்து மற்றும் மணிப்பூர் போன்ற மாநிலங்களை உள்ளடக்கிய இந்தியாவின் வடகிழக்கு பகுதி, மழைக்காடுகளின் பொக்கிஷமாகும். 

இந்த பகுதியில் உள்ள பசுமையான மழைக்காடுகள், பெரும்பாலும் "செவன் சிஸ்டர்ஸ்" என்று குறிப்பிடப்படுகின்றன, அவற்றின் அடர்த்தியான மலைகள், மின்னும் நீர்வீழ்ச்சிகள் மற்றும் மூடுபனி நிறைந்த பள்ளத்தாக்குகள் ஆகியவற்றால் இவை வகைப்படுத்தப்படுகின்றன.

அழிந்து வரும் விலங்குகளின் காப்பிடம்

வடகிழக்கின் மழைக்காடுகள் பல அழிந்து வரும் மற்றும் சின்னமான வனவிலங்குகளின் இருப்பிடமாகவும் உள்ளன. கம்பீரமான வங்காளப் புலி, இந்திய யானை, ஒற்றைக் கொம்பு காண்டாமிருகம்,சிறுத்தை மற்றும் ஹூலாக் கிப்பன் உள்ளிட்ட உயிரினங்கள் தஞ்சம் அடையும் காப்பகமாக இந்த மழைக்காடுகள் உள்ளது. அஸ்ஸாமில் உள்ள காசிரங்கா தேசியப் பூங்கா, அதன் வெள்ளப்பெருக்கு மழைக்காடுகளுடன், இந்திய காண்டாமிருகங்களை வெற்றிகரமாகப் பாதுகாப்பதற்காகப் புகழ் பெற்று விளங்குகிறது.

அழிக்கப்படும் இந்திய மழைக்காடுகள்

இந்திய மழைக்காடுகள் பல்வேறு அச்சுறுத்தல்களை எதிர்கொள்கின்றன, அவை பாதுகாப்பு முயற்சிகள் தேவைப்படுகின்றன. காடழிப்பு, முதன்மையாக நீடித்து நிலைக்க முடியாத மரம் வெட்டுதல், விவசாயம் மற்றும் உள்கட்டமைப்பு மேம்பாடு ஆகியவற்றால் இயக்கப்படுகிறது, இது ஒரு குறிப்பிடத்தக்க சவாலாக உள்ளது. வேட்டையாடுதல் மற்றும் வனவிலங்கு கடத்தல் உள்ளிட்ட சட்டவிரோத நடவடிக்கைகள், இந்த பலவீனமான சுற்றுச்சூழல் அமைப்புகளின் மீதான அழுத்தத்தை மேலும் அதிகரிக்கின்றன. பருவநிலை மாற்றத் தாக்கங்கள், மாற்றப்பட்ட மழைப்பொழிவு முறைகள் மற்றும் காட்டுத் தீயால் ஏற்படும் பாதிப்பு அதிகரித்தல் போன்றவையும் இந்த காடுகளின் நுட்பமான சமநிலைக்கு ஆபத்துக்களை ஏற்படுத்துகின்றன.

WhatsApp channel

டாபிக்ஸ்

தேசிய மற்றும் சர்வதேச சமீபத்திய செய்திகளை எங்கள் இந்துஸ்தான் டைம்ஸ் தமிழின் செய்தி தளத்தின் தேசம் மற்றும் உலகம் பிரிவில் காணலாம்.