தமிழ் செய்திகள்  /  தேசம் மற்றும் உலகம்  /  Prashant Kishore: ’பாஜகதான் ஆட்சி அமைக்கும்! மோடியை வீழ்த்தனும்னா இதை பண்ணுங்க!’ பிரசாந்த் கிஷோர் பேட்டி

Prashant Kishore: ’பாஜகதான் ஆட்சி அமைக்கும்! மோடியை வீழ்த்தனும்னா இதை பண்ணுங்க!’ பிரசாந்த் கிஷோர் பேட்டி

Kathiravan V HT Tamil
May 17, 2024 08:19 PM IST

’பாஜகவை வீழ்த்த வேண்டும் என்றால் வடக்கு மற்றும் மேற்கு இந்தியாவில் 100 தொகுதியில் தோல்வி அடைய செய்ய வேண்டும் என்று பிரசாந்த் கிஷோர் கூறி உள்ளார்’

’பாஜகதான் ஆட்சி அமைக்கும்! மோடியை வீழ்த்தனும்னா இதை பண்ணுங்க!’ பிரசாந்த் கிஷோரின் ஐடியா!
’பாஜகதான் ஆட்சி அமைக்கும்! மோடியை வீழ்த்தனும்னா இதை பண்ணுங்க!’ பிரசாந்த் கிஷோரின் ஐடியா! (HT_PRINT)

ட்ரெண்டிங் செய்திகள்

ஆந்திர ஊடகத்திற்கு பிரசாந்த் கிஷோர் பேட்டி

ஆர்டிவி ஆந்திரப் பிரதேசம் என்ற ஊடகத்திற்கு பிரசாந்த் கிஷோர் அளித்த பேட்டியில், பாஜகவை மத்தியில் ஆட்சியில் இருந்து வெளியேற்ற வேண்டுமானால், வடக்கு மற்றும் மேற்கு இந்தியாவில் 100 மக்களவைத் தொகுதிகளை அந்தக் கட்சி இழக்க வேண்டும், கிழக்கு மற்றும் தென் இந்தியாவில் எந்த இடங்களையும் பெறமால் இருக்க வேண்டும் என கூறினார். 

பாஜகாவல் 400 இடங்களில் வெல்ல முடியுமா?

மொத்தமுள்ள 543 மக்களவைத் தொகுதிகளில் பாஜக 370-க்கும் மேற்பட்ட இடங்களைக் கைப்பற்றும் என்றும், தேசிய ஜனநாயகக் கூட்டணி 400-க்கும் மேற்பட்ட இடங்களைக் கைப்பற்றும் என்றும் பிரதமர் நரேந்திர மோடி நம்பிக்கை தெரிவித்துள்ளது குறித்த கேள்விக்கு பதில் அளித்த அவர், "எல்லாம் யூகமே, யார் எத்தனை இடங்களில் வெற்றி பெறுவார்கள் என்பது யாருக்கும் தெரியாது" என்று கூறினார். ஆனால், "தேசிய ஜனநாயக கூட்டணி மற்றும் பாஜக வெற்றிபெறக்கூடிய இடங்கள் குறையும் என்று நான் நினைக்கவில்லை” என்று பிரசாந்த் கிஷோர் கூறி உள்ளார். 

பாஜகவை தோற்கடிப்பது எப்படி? - பிரசாந்த் கிஷோர் விளக்கம்

நாட்டின் கிழக்கு மற்றும் தெற்கு மாநிலங்களான பீகார், மேற்கு வங்காளம், அசாம், ஒடிசா, தெலுங்கானா, ஆந்திரப் பிரதேசம், தமிழ்நாடு மற்றும் கேரளாவில் குறைந்தது 240 லோக்சபா இடங்கள் உள்ளன என்ற பிரசாந்த் கிஷோர், இதில், பாஜவுக்கு, 50க்கும் குறைவான இடங்களே உள்ளன என கூறினார். 

"ஆனால் இன்னும், பாஜக 300 இடங்களில் வெற்றி பெறுகிறது. மேற்கு மற்றும் வட இந்திய மாநிலங்களில்  பாஜக அங்கு 260 முதல் 270 வரையிலான இடங்களை வென்றுள்ளது என்று பிரசந்த் கிஷோர் கூறினார். 

இந்தியாவின் வடக்கு மற்றும் மேற்கு மாநிலங்களில் 80 முதல் 100 இடங்களில் பாஜகவை தோற்கடிக்க முடியாவிடில் நடந்து வரும் மக்களவைத் தேர்தலில் பாஜகவை ஆட்சியில் இருந்து விலக்க முடியாது என அவர் கூறினார். 

பாஜகவை ஆட்சியில் இருந்து வெளியேற்ற வேண்டும் என்றால், அவர்கள் வடக்கு மற்றும் மேற்கு இந்தியாவில் 100 மக்களவை தொகுதிகளில் தோல்வியை சந்திக்க வேண்டும். மேலும் கிழக்கு மற்றும் தென் இந்தியாவில் பெரிய இடங்களில் வெற்றி பெறக்கூடாது  என பிரசாந்த் கிஷோர் கூறினார். 

பாஜக 100 இடங்களை இழக்க முடியுமா?

லோக்சபா தேர்தல் முடிவுகளை கணித்த கிஷோர், வடக்கு மற்றும் மேற்கு பகுதிகளில் பாஜக 100 இடங்களை இழக்கும் என நம்பவில்லை என்றார்.

"வடக்கு மற்றும் மேற்கில் பாஜக 100 இடங்களில் பாஜக தோற்கும் என நான் பார்க்கவில்லை. மேலும், தெற்கு மற்றும் கிழக்கு இந்தியாவில் 250 இடங்களில், பாஜகவின் வாக்கு சதவீதமும் இடங்களும் அதிகரித்து வருகின்றன" என்று கிஷோர் கூறினார்.

"வடக்கு மற்றும் மேற்கில் பெரிய இழப்பு இல்லை. ராஜஸ்தான் மற்றும் மகாராஷ்டிராவில் பாஜக தோல்வியடைந்ததாக மக்கள் கூறுவதை நம்பினாலும், பாஜக 20-30 இடங்களில் மட்டுமே பின்னடைவைச் சந்திக்கக்கூடும். ஆனால் தெற்கு மற்றும் கிழக்கு இந்தியாவில் அவர்கள் இந்த பல இடங்களை விட அதிகமாகப் பெறுவார்கள் என பிரசாந்த் கிஷோர் கூறினார்.

டி20 உலகக் கோப்பை 2024