Arvind Kejriwal: ‘சிறையில் டெல்லியை நினைத்து அரவிந்த் கெஜ்ரிவால் கவலை என்பது டிராமா’-பாஜக கடும் விமர்சனம்

செய்தியாளர் கூட்டத்தில் உரையாற்றிய பரத்வாஜ், சிறையில் இருந்தபோதிலும், அரவிந்த் கெஜ்ரிவால் டெல்லி மக்களின் உடல்நலம் குறித்து கவலைப்படுகிறார் என்று கூறினார். ஆனால், ‘இதெல்லாம் டிராமா’ என பாஜக விமர்சித்துள்ளது.

'முதல்வர் கெஜ்ரிவால் எனக்கு உத்தரவு பிறப்பித்துள்ளார். டெல்லி மருத்துவமனைகள் மற்றும் மொஹல்லா கிளினிக்குகளில் சில இலவச மருந்துகள் கிடைப்பதில்லை என்று அவர் கூறினார். தவிர, அவற்றில் சிலவற்றில் இலவச சோதனைகளும் நடத்தப்படவில்லை" என்று பரத்வாஜ் கூறினார். "இந்த பிரச்சினைகளை தீர்க்க அவர் எனக்கு உத்தரவிட்டுள்ளார்." என்றார்.

கலால் கொள்கை வழக்கு தொடர்பான குற்றப்பத்திரிகைகளில் கெஜ்ரிவாலின் பெயர் பல முறை குறிப்பிடப்பட்டதை அடுத்து அமலாக்க இயக்குநரகம் மார்ச் 21 அன்று கெஜ்ரிவாலை கைது செய்தது. அவர் மார்ச் 28 வரை அமலாக்கத்துறை காவலில் வைக்கப்பட்டுள்ளார்.

மார்ச் 23 அன்று, கெஜ்ரிவால் அமலாக்க இயக்குநரகம் (இ.டி) காவலில் இருந்து தனது முதல் உத்தரவை பிறப்பித்தார், நகரத்தில் நீர் மற்றும் கழிவுநீர் தொடர்பான குறைகளை நிவர்த்தி செய்யுமாறு நீர்வளத்துறை அமைச்சர் அதிஷிக்கு உத்தரவிட்டார்.

முதல்வர் அலுவலகத்தில் இருந்து கையெழுத்திட்ட உத்தரவில், கெஜ்ரிவால் தலைமைச் செயலாளர் நரேஷ் குமாருக்கு பொருத்தமான வழிமுறைகளை வழங்க வேண்டும் என்றும், தேவை ஏற்பட்டால் லெப்டினன்ட் கவர்னர் (எல்ஜி) வி.கே.சக்சேனாவின் உதவியை நாட வேண்டும் என்றும் எழுதியிருந்தார். அவர் (துணை நிலை ஆளுநர்) நிச்சயமாக தனது உதவியை வழங்குவார்" என்று கெஜ்ரிவால் எழுதினார்.

இருப்பினும், முதல்வரின் கடிதங்கள் "வெறும் டிராமா" என்று பாரதிய ஜனதா கட்சி (பாஜக) கூறியுள்ளது.

"இன்று காலை ஒரு செய்தியாளர் கூட்டத்தில், அரவிந்த் கெஜ்ரிவால் டெல்லி மக்களைப் பற்றி கவலைப்படுவதாகவும், சுகாதாரத் துறைக்கு புதிய உத்தரவை பிறப்பித்துள்ளதாகவும் சவுரப் பரத்வாஜ் கூறினார். சில நாட்களுக்கு முன்பு, அவர் டெல்லி ஜல் போர்டு தொடர்பாக அதிஷிக்கு ஒரு உத்தரவை பிறப்பித்தார். திடீரென அவர் இப்போது டெல்லியை நினைத்து கவலைப்படுகிறார். இது வெறும் டிராமா" என்று பாஜக தலைவர் ஹரிஷ் குரானா கூறினார்.

அரவிந்த் கெஜ்ரிவால் கைது

கலால் கொள்கை வழக்கு தொடர்பான குற்றப்பத்திரிகைகளில் கெஜ்ரிவாலின் பெயர் பல முறை குறிப்பிடப்பட்டதை அடுத்து அமலாக்க இயக்குநரகம் மார்ச் 21 அன்று கெஜ்ரிவாலை கைது செய்தது. இந்த வழக்கில் அமலாக்கத்துறை அவருக்கு ஒன்பது முறை சம்மன் அனுப்பியது, ஆனால் அவர் விசாரணை அமைப்பு முன் ஆஜராகவில்லை.

ஆம் ஆத்மி கட்சியின் தேசிய அமைப்பாளர் சலுகைகளுக்கு ஈடாக மதுபான வியாபாரிகளிடமிருந்து லஞ்சம் கேட்டதாக குற்றம் சாட்டப்பட்டுள்ளது. இப்போது ரத்து செய்யப்பட்ட கொள்கையில் அவர் "மூளையா செயல்பட்டார்" என்றும் அமலாக்க இயக்குநரகம் குற்றம்சாட்டியுள்ளது.

கெஜ்ரிவால், குற்றச்சாட்டுகளை மறுத்துள்ளார், மேலும் பாஜக தலைமையிலான மத்திய அரசு "அரசியல் நோக்கங்களுக்காக விசாரணை அமைப்புகளை கையாளுகிறது" என்று குற்றம் சாட்டியுள்ளார்.

கெஜ்ரிவால் கைது செய்யப்பட்டதற்கு எதிர்ப்பு தெரிவிக்கும் விதமாக ஹோலி பண்டிகையை கொண்டாட வேண்டாம் என்று ஆம் ஆத்மி தலைவர்கள் முடிவு செய்துள்ளனர்.

"ஹோலி ஒரு பண்டிகை மட்டுமல்ல, தீமைக்கு எதிரான நன்மையின் வெற்றியின் சின்னம், கொடூரத்திற்கு எதிரான நீதியின் சின்னம். இன்று, ஆம் ஆத்மி கட்சியின் ஒவ்வொரு தலைவரும் இந்த தீமை, கொடுமை மற்றும் அநீதியை இரவும் பகலும் எதிர்த்துப் போராடுகிறார்கள். இந்த ஆண்டு, நாங்கள் வண்ணங்களுடன் விளையாட மாட்டோம், ஹோலி கொண்டாட மாட்டோம் என்று ஆம் ஆத்மி கட்சி தீர்மானித்துள்ளது" என்று அதிஷி எக்ஸ் தளத்தில் எழுதினார்.