Banana Walnut Pan Cake : வாழைப்பழம், வால்நட் சேர்த்து பேன் கேக்கள் செய்யலாமா? குழந்தைகளை குஷிப்படுத்தும் ரெசிபி இதோ!

இதை காலை உணவாகவும் எடுத்துக்கொள்ளலாம் அல்லது ஸ்னாக்சாகவும் செய்து சாப்பிடலாம். எதற்காக தாமதிக்கிறார் கீழே உள்ள பொருட்களை எடுத்து கடகடவென்று பேன் கேக் செய்துவிட்டு வாங்க, சாப்பிடலாம்.

6 பேர் சாப்பிட தேவையான அளவு பொருட்கள் இங்கு கொடுக்கப்பட்டுள்ளது.

பெரிய மாம்பழம் - 1

ப்ளுபெரி - கால் கப்

சர்க்கரை, நாட்டுச்சர்க்கரை, பிரவுன் சுகர் எது வேண்டுமானாலும் உங்கள் சாய்ஸ்க்கு எடுத்துக்கொள்ளுங்கள்

தேவையான அளவு - 2 ஸ்பூன்

கொழுப்பு நிறைந்த பால் - ஒன்றரை கப்

நறுக்கிய வால்நட்கள் - அரை கப்

உப்பு - தேவையான அளவு

ஆலிவ் எண்ணெய் - 1 தேக்கரண்டி

ஸ்ட்ராபெரி - கால் கப்

மைதா அல்லது கோதுமமை உங்கள் சாய்ஸ்

ஒன்றரை கப்

முட்டை - 1

பேக்கிங் பவுடர் - 1 தேக்கரண்டி

மசித்த வாழைப்பழம் - அரைக்கப்

மேப்பிள் சிரப் தேவையான அளவு

முதல் மாம்பழம், ஸ்ட்ராபெரி, ப்ளுபெரி ஆகிய அனைத்து பழங்களையும் தோல் சீவி சிறிய துண்டுகளாக்கி வைத்துக்கொள்ளவும். ஒரு பாத்திரத்தில் அனைத்து பழங்களையும் நன்றாக கலந்து வைத்துக்கொள்ள வேண்டும்.

அடுத்ததாக காய்ந்த பொருட்கள் அனைத்தையும் நன்றாக கலக்க வேண்டும்.

ஒரு பாத்திரத்தில் மாவு, சர்க்கரை, பேக்கிங் பவுடர் மற்றும் உப்பு சேர்த்து தண்ணீர் ஊற்றாமல் ஒருமுறை நன்றாக கலந்து வைத்துக்கொள்ளவும்.

அடுத்ததாக மற்றொரு பாத்திரத்தில், வாழைப்பழத்தை மசித்து, அதனுடன் முட்டை, பால், நறுக்கி வால்நட்களை சேர்த்து கலந்து வைத்துக்கொள்ள வேண்டும். பின்னர் மாவை இதில் கொட்டி நன்றாக கலந்து விடவேண்டும். அந்தக்கலவை மிக கெட்டியானதாக இருந்தால் பால் சேர்த்து நன்றாக தோசை மாவு பதத்திற்கு கலக்கிக்கொள்ள வேண்டும்.

அடுப்பில் தோசைக்கல்லை வைத்து, எண்ணெய் அல்லது நெய் உங்களுக்கு விருப்பமான ஒன்றை நன்றாக தடவி, மாவை சிறு சிறு தோசைகளாக ஊற்றி, இரு பக்கமும் நன்றாக வேகவைத்து எடுத்துக்கொள்ள வேண்டும். இவ்வாறு அனைத்து மாவிலிருந்தும் பேன்கேக்குகளை செய்து எடுத்துக்கொள்ள வேண்டும்.

ஏற்கனவே நறுக்கி வைத்துள்ள பழங்களுடன் சிறிது தேன் அல்லது மேப்பிள் சிரப்பை அதன் மேல் ஊற்றி பரிமாறலாம்.

யம்மியான பேன்கேக்குகளை பார்த்தவுடன் உங்கள் வீட்டில் உள்ள குழந்தைகள் முதல் பெரியவர்கள் வரை அனைவரும் குதூகலம்டைவார்கள்.