‘ஆயிரம் தாமரை மொட்டுகளே’ மாதவிடாய், வயிற்றுப்போக்கு தீர்வுகள் என நன்மைகளை அள்ளி வழங்கும் தாமரை பூக்கள்!

ரத்தச் சர்க்கரையை குறைக்கவும் மற்றும் ரத்தத்தில் உள்ள கொழுப்பின் அளவை குறைக்கவும் உதவுகிறது

தாமரையின் தண்டில் அதிகளவில் நார்ச்சத்துக்கள் மற்றும் கார்போஹைட்ரேட்கள் உள்ளது. இதை சாப்பிடும்போது உங்கள் உடலில் உள்ள கொழுப்பு மற்றும் ரத்தச்சர்க்கரை அளவு கட்டுக்குள் வைக்கப்படுகிறது. உங்கள் செரிமானத்தை மெதுவாக நடக்கச்செய்கிறது.

வீக்கம்

வீக்கம் உங்கள் உடல் சூடான உணர்வைத்தரும். இது பல ஆரோக்கிய குறைபாடுகளுக்கு ஏற்றதல்ல. இது நச்சு வேதிப்பொருட்களுடன் பணி செய்வது மற்றும் காயங்களால் ஏற்படுவது ஆகும். வெள்ளை மற்றும் சிவப்பு தாமரையின் விதைகளை சாப்பிடுவது உங்கள் உடலில் ஏற்படும் வீக்கத்தைக் குறைக்க உதவும் என்று ஆய்வுகள் கூறுகின்றன. தாமரை விதையில் இரண்டு பாலிசாச்சரைட்கள் உள்ளது. அது ஆன்டிஆக்ஸிடன்ட் விளைவுகள் மற்றும் வீக்கத்துக்கு எதிரான சக்திவாய்ந்த ஆற்றல் புரியும்.

உடலுக்கு ஊட்டம் தரும்

தாமரை தண்டுகளில் எண்ணற்ற மினரல்கள் உள்ளது. முக்கிய ஊட்டச்சத்துக்களும் உள்ளது. குறிப்பாக வைட்டமின் சி உள்ளது. உடலில் வைட்டமின் சி சத்துக்கள், உடலின் இயக்கத்துக்கு உதவுகிறது. தாமரை தண்டில் உள்ள பொட்டாசியச் சத்துக்கள் ரத்த அழுத்தத்தை முறைப்படுத்துகின்றன. ஆசிய உணவகங்களில் தாமரையின் வேரும் பயன்படுத்தப்படுகிறது. தாமரையின் வேர்களை வேகவைத்து சாப்பிடும்போது அது உங்கள் உடலுக்கு சிறப்பான ஊட்டச்சத்துக்களைக் கொடுக்கிறது.

முகப்பருக்கள்

உங்கள் உடலில் சீபம் அதிகம் உற்பத்தி செய்யப்பட்டால் முகத்தில் பருக்கள் தோன்றும். அது அதிகம் சேரும்போது, இது உங்கள் சருமத்தில் உள்ள துவாரங்களை அடைத்து, இதனால் முகப்பருக்கள் ஏற்படும். தாமரை முகப்பருக்கள் ஏற்படுத்தும் சரும பிரச்னைகளை தாமரை குணப்படுத்தும். தாமரை பூக்களை கிரீன் டியுடன் சேர்த்து உங்கள் முகத்தில் பூசினால், அது சீபத்தின் அளவைக் குறைக்கும். அடைக்கப்பட்ட துவாரங்கள் திறக்கப்படும்.

மாதவிடாய் சுழற்சியை முறைப்படுத்த உதவும்

தாமரை இலை மற்றும் தாமரையின் வேர்கள் இரண்டும் இந்திய மற்றும் சீன பாரம்பரிய மருத்துவத்தில் பயன்படுத்தப்படும். இது உங்கள் மாதவிடாய் சுழற்சியை முறைப்படுத்த உதவும். தாமரை வேரின் சாறை பருகும்போதும், அதன் சூப் சாப்பிடும்போதும், அது மாதவிடாய் சுழற்சிக்கு முன்னர் ஏற்படும் அனீமியாவைத் தடுக்கும். இது உங்கள் உடலில் இழக்கும் ரத்தத்தை உடல் உற்பத்தி செய்ய மாதவிடாயின்போது தூண்டும்.

இருமல்

இருமலைப்போக்க தாமரை விதைகளுடன் தேன் கலந்து சாப்பிடலாம்.

நுரையீரல் புற்றுநோய் செல்கள்

தாமரை விதையில் உள்ள நெஃப்ரின் என்ற உட்பொருள், நுரையீரல் புற்றுநோயை ஏற்படுத்தும் செல்களை கொல்லும் தன்மை கொண்டது என ஆய்வுகள் தெரிவிக்கின்றன.

தாமரை விதைகள் ஏற்படுத்தும் பக்கவிளைவுகள்

தாமரை விதைகளை சாப்பிடுவது உடலுக்கு நன்மை பயக்கும் என்றாலும், அதை அதிகம் சாப்பிடுவது குழந்தைகளுக்கு அலர்ஜியை ஏற்படுத்தும். ஏனெனில் அவர்களின் செரிமான மண்டலம் முழுவளர்ச்சியை அடைந்திருக்காது. 

அதனால் அதில் உள்ள ஊட்டச்சத்துக்களை முழுமையாக கிரிகிக்க முடியாது எனவே அளவாக மட்டுமே எடுத்துக்கொள்ளவேண்டும். தாமரை விதைகள் அலர்ஜி ஏற்படுத்தினால் குழந்தைகளுக்கு மூச்சு விடுவதில் சிரமம், சிவத்தல், அரிப்பு, எரிச்சல், வாந்தி, மயக்கம், வயிற்றுப்போக்கு மற்றும் கடும் அலர்ஜியை ஏற்படுத்தும்.

தாமரை விதைகளை கஞ்சியில் கலந்து பருகவதும் செரிமான பிரச்னைகளை ஏற்படுத்தும். இது செரிமான கோளாறுகள், வயிறு உப்புசம் ஆகியவற்றை ஏற்படுத்தும். குழந்தைக்கு தாமரை விதை அலர்ஜி ஏற்பட்டால் பெற்றோர்கள் உடனே அவர்களை மருத்துவமனைக்கு அழைத்துச் செல்ல வேண்டும். தீவிர ஒவ்வாமை ஏற்பட்டால் உயிரிழக்கக் கூட வாய்ப்பு உள்ளது.

செரிமான கோளாறுகள் உள்ளவர்களும் தாமரை விதைகளை அளவாக மட்டுமே எடுத்துக்கொள்ளவேண்டும். இது மண்ணீரல் நோய்களை குணப்படுத்தி, செரிமான ஆரோக்கியத்தை அதிகரித்தாலும் அதிகம் சாப்பிட்டால் ஆபத்துதான். வயிறு உப்புசம், மலச்சிக்கல், செரிமான கோளாறு ஆகிய பிரச்னைகளை ஏற்படுத்தும்.

இதய நோய் உள்ளவர்கள் தாமரை விதைகளை அதிகம் எடுத்துக்கொள்ளக்கூடாது. தாமரை விதையில் உள்ள ஆல்கலைட்கள், உடலுக்கு ஆபத்தை ஏற்படுத்தும். எனவே அளவாகப்பயன்படுத்தி பலன்பெறுங்கள்.