Fibre Rich Foods : உங்கள் டயட்டில் நார்ச்சத்துக்கள் நிறைந்த உணவுகளை எவ்வளவு சேர்க்கவேண்டும் தெரியுமா?

ஒரு நாளைக்கு 25 முதல் 30 கிராம் வரை நார்ச்சத்துக்களை உணவில் சேர்க்கவேண்டும் என்று சான்பிரான்சிஸ்கோ கலிபோர்னியா பல்கலைக்கழகம் கூறுகிறது. நார்ச்சத்துக்கள் நிறைந்த உணவுகள் எவை என்று தெரிந்துகொள்ளுங்கள். அவற்றை சாப்பிட்டு மகிழுங்கள்.

பருப்பு வகைகள்

ஒரு கப் வேகவைத்த பருப்பில் 18 கிராம் நார்ச்சத்துக்கள் உள்ளது. இது நார்ச்சத்து அதிகம் எடுத்துக்கொள்ள விரும்புபவர்களின் நார்ச்சத்து உட்கொள்ளும் அளவை அதிகரிக்கிறது. இதில் உள்ள நார்ச்சத்துக்கள், கொழுப்பு அளவை குறைக்க உதவுகிறது. இதனால் இது இதய ஆரோக்கியத்தை மேம்படுத்துகிறது.

ராஜ்மா

ஒரு கப் சமைத்த ராஜ்மாவில் 12 கிராம் நார்ச்சத்துக்கள் உள்ளது. இதில் புரதம் மற்றும் உடலுக்கு தேவையான அனைத்து ஊட்டச்சத்துக்களும் நிறைந்துள்ளன. இந்த பீன்ஸை நீங்கள் அடிக்கடி உணவில் சேர்த்துக்கொள்ளும்போது, அது உங்கள் குடல் ஆரோக்கியத்தை அதிகரிக்கிறது, உங்களுக்கு குடல் புற்றுநோய் ஏற்படும் ஆபத்தை குறைக்கிறது.

கொண்டடைக்கடலை

கொண்டைக்கடலைகளில் அதிகளவில் நார்ச்சத்துக்கள் உள்ளன. ஒரு கப் வேகவைத்த கொண்டைக்கடலையில், 12 கிராம் நார்ச்சத்துக்கள் உள்ளது. கொண்டைக்கடலைகள், உடல் எடையை பராமரிப்பதிலும், ரத்த சர்க்கரை அளவைக் கட்டுப்படுத்துவதிலும் உதவுகிறது. இதில் நார்ச்சத்துக்கள் அதிகம் உள்ளது.

சியா விதைகள்

ஒரு டேபிள் ஸ்பூன் சியா விதைகளில், 10 கிராம் நார்ச்சத்துக்கள் உள்ளது. இந்த விதைகளில் ஒமேகா 3 ஃபேட்டி ஆசிட்கள் மற்றும் ஆன்டிஆக்ஸிடன்ட்கள் உள்ளது. சியா விதைகள், செரிமான ஆரோக்கியத்தை மேம்படுத்துகிறது மற்றும் மலச்சிக்கலைப்போக்குகிறது.

உருளைக்கிழங்கு

தோலுடன் உள்ள ஒரு மீடியம் அளவு உருளைக்கிழங்கில், 3.63 கிராம்கள் நார்ச்சத்துக்கள் உள்ளது. உருளைக்கிழங்குகளில் உள்ள நார்ச்சத்துக்கள், செரிமான ஆரோக்கியத்தை மேம்படுத்துகிறது. ரத்த சர்க்கரை அளவை முறைப்படுத்துகிறது.

ஓட்ஸ்

ஓட்ஸ்கள், காலை உணவுக்கு சிறந்தவை. சமைத்த ஓட்ஸில் 5 கிராம் நார்ச்சத்துக்கள் உள்ளது. இதில் பீட்டா குளுட்டன் என்ற நார்ச்சத்துக்கள் உள்ளது. இதில் கெட்ட கொழுப்புகள் குறைவான அளவுதான் உள்ளது. ஓட்ஸ், இதய ஆரோக்கியம் மற்றும் எடை மேலாண்மைக்கு பெரிதும் உதவுகிறது.

ப்ராக்கோலி

ஒரு கப் சமைத்த ப்ராக்கோலியி ல் 5 கிராம் நார்ச்சத்துக்கள் உள்ளது. இதில் வைட்டமின் சி மற்றும் கே அதிகம் உள்ளது. ப்ராக்கோலியில் உள்ள அதிகப்படியான நார்ச்சத்துக்கள், வீக்கத்தை குறைக்க உதவுகிறது. மேலும், செரிமான பாதையின் ஆரோக்கியத்தை மேம்படுத்துகிறது.

ஆப்பிள்

ஒரு மீடியம் அளவு உள்ள ஆப்பிளில் 4.5 கிராம் நார்ச்சத்துக்கள் உள்ளது. ஆப்பிளியில் உள்ள நார்ச்சத்துக்கள், உங்கள் உடலில் உள்ள கெட்ட கொழுப்பை குறைக்க உதவுகிறது. இதனால் உடல் எடையும் குறைகிறது.

ஃப்ளாக்ஸ் விதைகள்

ஒரு ஸ்பூன் ஃப்ளாக்ஸ் விதையில், 2 கிராம் நார்ச்சத்துக்கள் உள்ளது. இதில் ஒமேகா 3 ஃபேட்டி ஆசிட்கள் நிறைந்துள்ளது. இதில் ஆன்டி ஆக்ஸிடன்ட்களும் உள்ளது. உங்கள் உணவில் நீங்கள் ஃப்ளாக்ஸ் விதைகளை சேர்த்துக்கொண்டால் அது உங்கள் உடலில் வீக்கத்தை குறைத்து செரிமான ஆரோக்கியத்தை அதிகரிக்கிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9