Lice Problem : பேன் பிரச்சனை பெரிய பிரச்சனையா இருக்கா.. இந்த விஷயங்களை மட்டும் செஞ்சு பாருங்க!

அதேபோல எல்லோர் முன்னிலையிலும் தலையை நாம் சொறிந்து கொண்டு இருப்பது மிகவும் சங்கடமாக இருக்கிறது. தலை பேன் குழந்தைகள் முதல் பெரியவர்கள் வரை வயது வித்தியாசம் இன்றி பிரச்சனைகளை உண்டாக்கும். இந்த பிரச்சனை குறிப்பாக குழந்தைகளில் பொதுவாக காணப்படுகிறது. பள்ளிக்குச் சென்று மற்ற குழந்தைகளின் அருகில் உட்காரும் போது ஒருவரிடமிருந்து இன்னொருவருக்கு எளிதாக இடம் பெயர்ந்து விடுகிறது.  

பேன் மற்றும் ஈறுகள் என்று சொல்லக்கூடிய பிரச்சினை உடலில் அதிகமாக தலை பகுதியில் இருக்கும். அதிலும் குறிப்பாக பெண் பேன்கள்தான் முட்டையிட்டு உற்பத்தி செய்யும். மாதத்துக்கு ஆயிரம் முட்டைகளை போடும் தன்மை கொண்டது. அதிக அளவில் காதுகளின் பினபுறம் கழுத்து பகுதியின் பின் புறத்தில் தான் அதிகம் முட்டையிடும். இந்த முட்டை உள்ள முடி இன்னோருவருடைய முடியுடன் படும் போது எளிதில் அடுத்த நபருக்கு தொற்றி விடுகிறது. ஒருவர் பயன்படுத்தி கொள்ளும் தலையனை , உடைகள், தலைமுடியை வாரும் சீப்பு என்று பல்வேறு பொருட்களை மற்ற நபர்கள் பயன்படுத்தி கொள்ளும் பழக்கம் பரவலாக உள்ளது. இதனால் இந்த பிரச்சனை அதிகமாக இருக்கும்தலையில் ஈரும் பேனும் பெருகினால் வீட்டுக்கு ஆகாது என பெரியவர்கள் அந்த காலத்தில் சொல்லி வைத்திருப்பார்கள் போலும்.

தலையில் இருக்கக்கூடிய பேன்கள் உணவாக தலைபகுதியில் உள்ள ரத்தத்தை உறிஞ்சுகின்றன. இதனால் அரிப்பு போன்ற சரும பிரச்சனைகள் ஏற்படும். பேன்களைப் போக்க சில எளிமையான இயற்கை வீட்டு வைத்தியங்கள் உள்ளன.

பூண்டு: 

ஏராளமான ஆரோக்கிய நன்மைகளுடன், பூண்டுக்கு தலைவலியை போக்கும் சக்தியும் உள்ளது. பேன் பிரச்சனையையும் தீர்க்கிறது. பூண்டு சாற்றை அரைத்து எலுமிச்சை சாறுடன் கலந்து கூந்தலிலும் மயிர்கால்களிலும் தடவவும். அரை மணி நேரம் அப்படியே விட்டுவிட்டு, லேசான ஷாம்பூவுடன் உங்கள் தலைமுடியைக் கழுவவும். இது நுண்ணுயிர் எதிர்ப்பி, அல்லிசின் மற்றும் சல்பர் பண்புகளைக் கொண்டுள்ளது. அதிகப்படியான எண்ணெய் மற்றும் சருமம் சேர்வதை குறைக்கிறது. நீண்ட, வலுவான கூந்தலுக்கு இதைப் பயன்படுத்தவும். பூண்டு pH சமநிலையை பராமரிக்கவும் உதவுகிறது.

கற்பூரம்: 

கற்பூரம் கடவுள் வழிபாட்டிற்கு பயன்படுகிறது மற்றும் தோல் மற்றும் முடி பிரச்சனைகளுக்கு பயன்படுத்தலாம். கற்பூரத்தை நசுக்கி தேங்காய் எண்ணெயுடன் கலக்கவும். அதை உங்கள் உச்சந்தலையில் அடித்தளத்துடன் சேர்த்து மசாஜ் செய்யவும். ஒரு மணி நேரம் கழித்து ஷாம்பு போடவும். இது பேன்களை மட்டுமல்ல, அவற்றின் முட்டைகளையும் நீக்குகிறது.

பேக்கிங் சோடா: 

நாம் வீட்டில் பயன்படுத்தும் பேக்கிங் சோடா பேன் பிரச்சனைக்கும் பயன்படும். தேங்காய் எண்ணெய் அல்லது படிகாரத்துடன் சிறிது பேக்கிங் சோடாவை கலந்து உச்சந்தலையில் தடவவும். சுமார் 30 நிமிடங்களுக்குப் பிறகு, ஷாம்பு மற்றும் கண்டிஷனருடன் கழுவவும்.

வேப்ப எண்ணெய்: 

வேப்ப இலைகள் மட்டுமின்றி அதன் எண்ணெய்யும் சருமத்திற்கும் கூந்தலுக்கும் மிகவும் பயனுள்ளதாக இருக்கும். சிறிது வேப்ப எண்ணெயை சூடாக்கி, வேர்களுடன் சேர்த்து உங்கள் உச்சந்தலையில் தடவவும். பின்னர் 5-10 நிமிடங்கள் மசாஜ் செய்யவும். 1 மணி நேரம் கழித்து ஹெர்பல் ஷாம்பு கொண்டு முடியைக் கழுவவும். பொதுவாக பேன் தொல்லை என்பது வீட்டில் உள்ள ஒருவருக்கு வந்து விட்டால் போதும் . அவரிடம் இருந்து மிகவும் எளிதாக வீட்டில் உள்ள அனைத்து நபர்களுக்கும் பரவி விடும். ஆகவே சிகிச்சை எடுக்கும் போது ஒரே நேரத்தில் வீட்டில் உள்ள அனைவரும் எடுத்து கொள்வதே சிறப்பாக இருக்கும். அது போல தலை மற்றும் முடியை முறையாக பராமரிப்பு செய்து வந்தால் பேன் தொல்லை நீங்கும்.