வகையினம்

தமிழ் செய்திகள் / லைஃப்ஸ்டைல் / சமையல் செய்யும்போது இத மட்டும் செஞ்சுடாதீங்க! உங்கள் உணவு ருசிக்க உதவும் சமையல் குறிப்புகள் இதோ!

சமையல் செய்யும்போது இத மட்டும் செஞ்சுடாதீங்க! உங்கள் உணவு ருசிக்க உதவும் சமையல் குறிப்புகள் இதோ!

Priyadarshini R HT Tamil Updated Oct 06, 2024 01:45 PM IST

எங்களை பின் தொடரலாம்

Priyadarshini R HT Tamil

Updated Oct 06, 2024 01:45 PM IST

சமையல் செய்யும்போது இத மட்டும் செஞ்சுடாதீங்க! உங்கள் உணவு ருசிக்க உதவும் சமையல் குறிப்புகள் இதோ!

சமையல் செய்யும்போது இத மட்டும் செஞ்சுடாதீங்க! உங்கள் உணவு ருசிக்க உதவும் சமையல் குறிப்புகள் இதோ!

எங்களை பின் தொடரலாம்

சமையலில் நாம் செய்யக் கூடியவைகள் என்ன என்பது குறித்து பல வழிகாட்டுதல்கள் உள்ளது. ஆனால் செய்யக்கூடாதவைகள் குறித்து நீங்கள் தெரிந்துகொள்ளவேண்டியது என்னவென்று பாருங்கள். ஏனென்றால் நீங்கள் மெனக்கெட்டு சமைக்கும்போது, சிலவற்றை தவறி செய்துவிடுவதால் அதன் சுவை கெட்டுவிடுகிறது. எனவே நீங்கள் சமைக்கும்போது எதை செய்யக்கூடாது என்பதில் கவனம் செலுத்துங்கள். சிறிய சிஷயங்கள்தான் இதில் கவனம் செலுத்தினால்போதும், உங்கள் சமையல் மணக்கும்.

ரசம்

ரசம் வைக்கும்போது அதை அதிகம் கொதிக்கவிடக்கூடாது. அடுப்பை சிம்மில் வைத்து நுரை கூடி வரும்போது இறக்கவேண்டும். கடைசியாக மல்லித்தழையை தூவிவிடவேண்டும். அப்போதுதான் ரசம் சுவையாகவும், மணமாகவும் இருக்கும்.

காபி

காபி என்பது நமக்கும் சுறுசுறுப்பைத் தரும் பானம். ஒரு சிலருக்கு காபியை குடித்தால்தான அந்த நாளே துவங்கும். அந்த காபி சுவையானதாக இருக்க வேண்டாமா? அதற்கு காபி போடுவதற்கு பாலை நன்றாக காய்ச்சக்கூடாது. முக்கால் பதம் காய்ந்த பாலில் சர்க்கரை மற்றும் கொஞ்சம் தூக்கலாக காபித்தூளை சேர்த்து ஸ்ட்ராங்காக குடித்தால் உங்களுக்கு புத்துணர்வு தரும்.

மோர் குழம்பு

மோர் குழம்பு சூப்பர் சுவையில் உங்கள் அசத்தும் ஒன்றாகும். மோர் குழம்பை வைத்து சூடாக அதை மூடக்கூடாது. ஆறவைத்து நன்றாக ஆறிய பின்னர்தான் அதை மூடிவைக்கவேண்டும். அப்போதுதான் அதன் சுவை அப்படியே தக்கவைக்கப்படும்.

கீரை

அனைத்து வகை கீரைகளையும் சமைக்கும்போது மூடிபோட்டு மூடிவைத்து சமைக்கக் கூடாது. கீரைகளை மூடிவைத்து சமைத்தால் அதன் சுவை மாறிவிடும். எனவே கீரைகளை சமைக்கும்போது சுவையை அதிகரிக்க பருப்பு மற்றும் தேங்காய் சேர்த்தால் சுவை கூடுதலாக இருக்கும்.

காய்கறிகள்

சமைப்பதற்கு காய்கறிகளை நறுக்கும்போது அதை மிகவும் பொடியாக நறுக்கக்கூடாது. மிகவும் பொடியாக நறுக்கினால் அதன் சத்துக்கள் அனைத்தும் போய்விடும். எனவே காய்கறிகளை சிறிய துண்டுகளாக மட்டுமே நறுக்கவேண்டும்.

எலுமிச்சை பழம்

எலுமிச்சை பழ சாதம் செய்யும்போது சூடான சாதத்தில் எலுமிச்சை பழத்தை பிழிந்துவிடக் கூடாது. ஆறியபின்தான் பிழியவேண்டும். அப்போதுதான் எலுமிச்சை சாதம் சுவையானதாக இருக்கும். சூடான தண்ணீரிலும் எலுமிச்சையை பிழிந்துவிடக்கூடாது. இளஞ்சூடாக இருக்கும்போது பிழிந்துகொள்ள வேண்டும்.

தக்காளி – வெங்காயம்

தக்காளி மற்றும் வெங்காயம் தொக்கும் அல்லது சட்னிகாக வதக்கும்போது, இரண்டையும் ஒன்றாக சேர்த்து வதக்கக்கூடாது. முதல்லி வெங்காயத்தை சேர்த்து பொன்னிறமாகும் வரை வதக்கிய பின்னர்தான், தக்காளியை சேர்த்து மசியும் வரை வதக்கவேண்டும். அப்போதுதான் துவையலோ அல்லது தொக்கோ நன்றாக இருக்கும்.

ஃபிரிட்ஜ்

ஃபிரிட்ஜில் தக்காளி மற்றும் உருளைக்கிழங்கை வைக்கக்கூடாது. வெளியில் வைத்தால் தக்காளி மற்றும் உருளைக்கிழங்கை ஒரே தட்டில் வைக்கக்கூடாது. வெங்காயத்துடனும் சேர்த்து வைக்கக்கூடாது. அனைத்தையும் தனித்தனித்தனியாகத்தான் வைக்கவேண்டும். வாழைப்பழத்தையும் ஃபிரிட்ஜில் வைக்கக்கூடாது.

பெருங்காயம்

பெருங்காயத்தை தாளிக்கும்போது எண்ணெய் முழுவதும் காய்ந்திருக்கக்கூடாது. பாதி காய்ந்தவுடனே பெருங்காயத்தை சேர்க்கவேண்டும். அப்போதுதான் பெருங்காயம் மணம் நிறைந்ததாக இருக்கும்.

தேங்காய்ப் பால்

தேங்காய்ப்பால் சேர்த்து நீங்கள் கிரேவிகள் அல்லது பால்கறி அல்லது குழம்பு செய்கிறீர்கள் என்றால் தேங்காய்ப்பாலை சேர்த்தவுடன் அதை அதிகம் கொதிக்கவிடக்கூடாது, ஒருமுறை கொதித்தவுடனே இறக்கிவிடவேண்டும்.

ஜாமூன்

குலாப் ஜாமூனை பொரித்தெடுக்க நெய்யோ, எண்ணெயோ நன்றாக கொதிக்கக்கூடாது. முக்கால் வாசி சூடானவுடனே பொரித்து எடுக்கவேண்டும்.

மல்லித்தழை

நீங்கள் கிரேவி, குழம்பு, பொரியல் என எதில் மல்லித்தழையை சேர்த்தாலும், அதை அடுப்பில் இருக்கும்போது சேர்க்கக்கூடாது. இறக்கியவுடன்தான் மல்லித்தழை சேர்க்கவேண்டும்.