மல்லித்தழை மற்றும் பச்சை மிளகாய் தொக்கு! மழைக்கு இதமானது; சூடான சாதத்தில் பிசைந்து சாப்பிட அடடா!

பச்சை மிளகாய் – 15

புளி – சிறிய அளவு

உப்பு – தேவையான அளவு

பூண்டு – 10 பல்

தாளிக்க தேவையான பொருட்கள்

கடுகு – ஒரு ஸ்பூன்

எண்ணெய் – கால் கப்

உளுந்து – கால் ஸ்பூன்

வறுத்துப் பொடிக்க தேவையான பொருட்கள்

வெந்தயம் – ஒரு ஸ்பூன்

பெருங்காயத் தூள் – ஒரு ஸ்பூன்

(கடாயில் எண்ணெய் சேர்க்காமல் வறுத்து பொடித்துக்கொள்ளவேண்டும்)

செய்முறை

மல்லித்தழையை நன்றாக அலசிவிட்டு, தண்ணீரை பிழிந்து எடுத்து, ஒரு வெள்ளை துணியில் பரப்பி காயவிடவேண்டும். அது நன்றாக உலர்ந்தவுடன் எடுத்துக்கொள்ளவேண்டும்.

ஒரு கடாயில் எண்ணெய் ஊற்றி அது சூடானவுடன், கடுகு, மிளகாய், பூண்டு, புளி என அனைத்தும் சேர்த்து 2 நிமிடங்கள் வதக்கிக்கொள்ளவேண்டும். அடுத்து உலர்ந்த மல்லித்தழையை சேர்த்துக்கொள்ளவேண்டும். இதையும் வதக்கி, எடுத்து அனைத்தையும் ஆறவிடவேண்டும்.

அடுத்து அனைத்தையும் அரைத்து, அதில் வறுத்து பொடித்த, வெந்தயம் மற்றும் பெருங்காயத் தூளை கலந்துவிடுங்கள். அவ்வளவுதான் நிமிடத்தில் தயாராகிவிடும் சூப்பர் சுவையான மல்லித்தழை – பச்சை மிளகாய் தொக்கும்.

இதை சூடான சாதத்தில் பிசைந்து சாப்பிட்டால் இந்த மழைக்கு சுள்ளென்று இருக்கும். இதற்கு தொட்டுக்கொள்ள அப்பளம், ஊறுகாய் இருந்தாலே போதும். சூப்பர் சுவையாக இருக்கும். மழைக்கு சமையலறையில் கிடந்து அவதிப்படவேண்டாம். இதையே டிஃபனுக்கும் தொட்டுக்கொண்டு சாப்பிடலாம்.

கொத்தமல்லித்தழையின் நன்மைகள்

நீரழிவு அளவை கட்டுப்படுத்துகிறது - நீரழிவு பாதிப்புக்கான அபாயம் இருந்தால் உங்கள் உணவில் கொத்தமல்லி தவறாமல் சேர்த்துக்கொள்ள வேண்டும். இதில் உள்ள என்சைம்கள் உடல் ரத்தத்திலுள்ள குளுகோஸ் அளவை நிர்வகிப்பதுடன், அதிலுள்ள சர்க்கரை அளவை நீக்குகிறது என்று பல்வேறு ஆய்வுகளின் மூலம் தெரியவந்துள்ளது. இதனால் நீரழிவு பாதிப்பானது கட்டுப்படுத்தப்படுகிறது.

செரிமானத்தை எளிதாக்குகிறது - கொத்தமல்லியில் அதிகப்படியான நார்ச்சத்துகளும், ஆன்டிஆக்ஸிடன்ட்களும் நிரம்பியுள்ளன. இவை செரிமானத்தை மேம்படுத்துவதுடன், வளர்சிதை மாற்றத்தை அதிகரிக்கிறது. அதேபோல் வயிறு உப்புசம் ஆவது தவிர்க்கப்படுவதுடன், மலச்சிக்கல் ஏற்படாமல் இருக்க உதவுகிறது. உங்களுக்கு நிறைவான உணர்வை தருவதுடன், குடலையும் ஆரோக்கியமாக வைக்க உதவுகிறது.

மனஅழுத்தம் ஏற்படுவதை தடுக்கிறது - கொத்தமல்லியை உணவில் சேர்ப்பதால் மனஅழுத்தம் ஏற்படுவது குறைக்கப்படுகிறது. செரிமானத்தை எளிதாக்கி, உடலில் ஏற்படும் மனஅழுத்தத்தை கட்டுக்குள் வைக்கிறது. செரிமான மண்டலத்தை சுத்தப்படுத்தி, ஆக்ஸிஜனேற்ற அழுத்தத்தை குறைத்து நல்ல மனநிலையை ஏற்படுத்துகிறது.

இதய ஆரோக்கியத்தை மேம்படுத்துகிறது - இதயத்துக்கு நண்பனாக திகழும் கொத்தமல்லி இலை ரத்த அழுத்தத்தை குறைக்க உதவுகிறது. ஆன்டிஆக்ஸிடன்ட்கள், நார்ச்சத்து அதிகமாக இருப்பதால் இதய நோய் பாதிப்புக்கான அபாயம் குறைவாக உள்ளது.

நோய் எதிர்ப்பு சக்தியை வலுப்படுத்துகிறது - கொத்தமல்லி இலையில் டெர்பினீன், க்வெர்செடின் மற்றும் டோகோபெரோல்ஸ் உள்பட ஆன்டிஆக்ஸிடன்ட்கள் அதிகமாக உள்ளது. இவை செல்களின் பாதிப்பு ஏற்படாமல் போராடி, நோய் எதிர்ப்பு சக்தியை வலுப்படுத்துகிறது. அதுமட்டுமில்லாமல் இவை வீக்கத்தை குறைத்து புற்றுநோய் பாதிப்பு ஏற்படாமல் தடுக்கிறது.

கண்களுக்கு நன்மை தருகிறது - கொத்தமல்லியில் வைட்டமின் ஏ, சி, ஈ காரோடெனாய்ட்ஸ் போன்றவை இருப்பதால் உங்கள் பார்வையை கூர்மையாக்குகிறது. வயது முதிர்வின்போது பார்வைக் குறைபாடு ஏற்படுத்தும் மாகுலர் நோய் சிதைவு ஏற்படுத்துவதை தாமதப்படுத்துகிறது.

எலும்புகளை வலுப்படுத்துகிறது - கொத்தமல்லியில் கால்சீயம், பாஸ்பரஸ், மக்னீசியம் போன்ற தாதுக்கள் இருப்பதால் எலும்புகளின் அடர்த்தி அதிகரிப்பதுடன், மூட்டு வலிகளிலிருந்து உங்களை பாதுகாக்கிறது.

இதுபோன்ற எண்ணற்ற தகவல்கள், ஜோக்குள், வித்யாசமான ரெசிபிக்கள், குழந்தைகளின் பெயர்கள், தோட்டக்கலை பராமரிப்பு குறிப்புகள், பண்டிகைக் கால சிறப்பு உணவுகள், பழக்கங்கள், மரபுகள், குழந்தைகளுக்கு அர்த்தமுள்ள பெயர்கள், அழகு குறிப்புகள் மற்றும் ஆரோக்கிய குறிப்புக்கள் தேர்ந்தெடுத்து வழங்கப்பட்டு வருகிறது. எனவே தகவல்களை தொடர்ந்து பெற்று ஆரோக்கியமான வாழ்வு வாழ வாழ்த்துக்கள்.