Cholesterol : ஆச்சரியமான வகையில் இந்த சமையல் மூலப்பொருள் கெட்ட கொழுப்பைக் குறைக்குமாம் - ஆய்வில் தகவல்!
Cholesterol : உடலில் உள்ள கெட்ட கொழுப்பின் அளவைக் கட்டுப்படுத்துவதில் சோள மாவு ஒரு ஆரோக்கியமான மாற்றாக இருக்கும் என சமீபத்திய ஆய்வு வியத்தகு முடிவுகளை நிரூபித்துள்ளது.
Cholesterol : இன்றைய அவசர உலகில் முறையான சரிவிகித உணவு உட்கொள்ளாமை, உரிய உடற்பயிற்சி இல்லாதது மற்றும் ஒரே இடத்தில் நீண்ட நேரம் அமர்ந்து பணியாற்றுவது போன்ற காரணங்களால் நமக்கு அடிக்கடி நோய்கள் ஏற்படுகிறது. இதில் கொலஸ்ட்ரால் பிரச்சனை இன்று பலருக்கும் ஏற்பட்டுள்ளது. இதனால் மாரடைப்பு முதல் கொழுப்பு கல்லீரல் வரை பலரும் உடல் ரீதியான சவால்களை சந்திக்க வேண்டி உள்ளது.
இந்த சூழலில்தான் ஒரு ஆச்சரியமான பேக்கிங் மூலப்பொருள் சமீபத்தில் உடலில் உள்ள கெட்ட கொழுப்பின் அளவைக் கட்டுப்படுத்துவதில் பெரும் ஆற்றலை நிரூபித்துள்ளது. அரிசோனா ஸ்டேட் யுனிவர்சிட்டி விஞ்ஞானிகளால் நடத்தப்பட்ட சமீபத்திய ஆய்வில் , சோள மாவு கெட்ட கொழுப்பின் அளவைக் கட்டுப்படுத்த உதவும் இரகசியப் பொருட்களில் ஒன்றாகும் என்று கூறியது. கெட்ட கொலஸ்ட்ரால் அளவுகளுடன் போராடுபவர்களுக்கு - சோள மாவு வேலை செய்கிறது என்று கண்டறியப்பட்டுள்ளது.
முழு தானிய சோள உணவு, சுத்திகரிக்கப்பட்ட சோள உணவு மற்றும் சோள தவிடு சேர்க்கப்பட்ட சுத்திகரிக்கப்பட்ட சோள உணவின் தனித்துவமான கலவை என மூன்று வெவ்வேறு வகையான சோள மாவுடன் ஆய்வு நடத்தப்பட்டது. ஆய்வில் பங்கேற்பாளர்கள் அவர்களின் உயர் கொலஸ்ட்ரால் அளவை அடிப்படையாகக் கொண்டு தேர்ந்தெடுக்கப்பட்டனர். பின்னர் பங்கேற்பாளர்கள், நான்கு வாரங்களுக்கு, பிட்டா ரொட்டிகள் மற்றும் மஃபின்களில் இணைக்கப்பட்ட இந்த மாவுகளை உட்கொண்டனர்.