Black Urad Tirupathi vadai : ‘கோவிந்தா கோவிந்தா’ இதோ கருப்பு உளுந்து திருப்பதி வடை! இதையும் வீட்டிலே செய்யலாம்!

தேவையான பொருட்கள்

எண்ணெய் – தாராளமாக பொரிக்க தேவையான அளவு

கருப்பு உளுந்து – கால் கப்

மிளகு – ஒரு ஸ்பூன்

சீரகம் – ஒரு ஸ்பூன்

செய்முறை

கருப்பு உளுந்தை நன்றாக கழுவி 4 மணி நேரம் ஊறவைக்கவேண்டும். பின்னர் அதை மிக்ஸி ஜாரில் சேர்த்து அரைத்து எடுத்துக்கொள்ளவேண்டும். மிளகு மற்றும் சீரகத்தை பொடித்து அரைத்த மாவில் சேர்த்துக்கொள்ளவேண்டும்.

ஒரு ஆழமான கடாயில் எண்ணெய் சேர்த்து நன்றாக சூடானவுடன், அதில் வடைகளை பொறுமையாக தட்டி, சேர்த்து, இருபுறமும் பொன்னிறமானவுடன் பொரித்து எடுத்துக்கொள்ளவேண்டும்.

இதை மாலை நேரத்தில் டிஃபன் அல்லது ஸ்னாக்ஸ் என எடுத்துக்கொள்ளலாம் அல்லது இதை தயிர் சாதத்துக்கு தொட்டுக்கொண்டு சாப்பிட சுவை அள்ளும். குறிப்பாக இந்த வடையை நல்லெண்ணெயில் வறுத்து பூப்பெய்திய பெண்களுக்கு கொடுத்தால் நல்லது.

கருப்பு உளுந்தின் நன்மைகள்

சர்க்கரை நோயாளிகள் கருப்பு உளுந்தை உணவில் தினமும் சேர்த்துக்கொண்டால் ரத்தத்தில் சர்க்கரை அளவு முறையாக பராமரிக்கப்படும்.

கருப்பு உளுந்தில் உள்ள நார்ச்சத்து செரிமானத்துக்கு உதவுகிறது.

கருப்பு உளுந்து சருமத்துக்கு நல்லது.

கரும்புள்ளிகள், முகப்பரு மற்றும் கறைகளை எதிர்த்து போராட உதவும்.

இதய ஆரோக்கியத்துக்கு நல்லது.

செரிமானத்துக்கு நல்லது. குடல் இயக்கத்தை மேம்படுத்துகிறது.

மலச்சிக்கலுக்கு நல்லது. வயிற்றுப்போக்கை எதிர்த்து போராட உதவுகிறது.

உடல் உறுப்புக்களுக்கு ஆக்ஸிஜனேற்றப்பட்ட ரத்தத்தை வழங்குகிறது.

உடலின் ஆற்றல் அதிகரிக்க உதவுகிறது.

எலும்புகளை வலுவாக்குகிறது.

மூட்டு வலி மற்றும் எலும்பு பிரச்னைகளை தடுக்கிறது.

உடலில் இரும்புச்சத்தை அதிகப்பதால் பெண்களுக்கு மாதவிடாய் காலத்தில் நல்லது.

உடலில் உள்ள ஊட்டச்சத்துக்கள் உறிஞ்சப்படுவதை மேம்படுத்துகிறது.

இதுபோன்ற பல்வேறு வித்யாசமான மற்றும் ஆரோக்கியமான ரெசிபிக்களை தினமும் ஹெச்.டி தமிழ் உங்களுக்கு தொகுத்து வழங்கிவருகிறது. எனவே இதுபோன்ற தகவல்களை தெரிந்துகொள்ள எங்கள் இணையப் பக்கத்துடன் இணைந்திருங்கள். ஆரோக்கிய வாழ்வு வாழ வாழ்த்துக்கள்!

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.