என்னை யூஸ் பண்ணிகிட்டாங்க! நான் தான் செலவு பண்ணுனேன்.. பேசகூட மாட்டிங்கிறாங்க.. பொங்கிய வீரன்..

மஞ்சள் வீரன் திரைப்படத்திலிருந்து நீக்கம்

இந்த நிலையில், டிடிஎஃப் வாசன் மஞ்சள் வீரன் திரைப்படத்தில் இருந்து நீக்கப்பட்டுள்ளார் என மஞ்சள் வீரன் படத்தின் இயக்குநர் செல் அம் அறிவித்துள்ளார்.

இந்த அறிவிப்பில், டிடிஎஃப் வாசனுடன் இணைந்து பணியாற்ற எண்ணினேன். ஆனால், சூழ்நிலை ஒத்துழைக்கவில்லை எனக் கூறினார். மேலும், டிடிஎஃப் வாசன் தான் சூப்பர் ஸ்டார். அவர் படத்திலிருந்து நீக்கப்பட்டாலும் அவருடனான உறவு தொடரும் எனக் கூறினார்.

அத்துடன் வரும் அக்டோபர் 15ம் தேதி மஞ்சள் வீரன் படத்திற்கான புதிய கதாநாயகன் அறிவிக்கப்படுவார் எனவும் கூறியுள்ளார்.

டிடிஎஃப் வீடியோ

இந்த நிலையில், யூடியூபர் டிடிஎஃப் வாசன், இதுகுறித்து விளக்கமளித்துள்ளார். அதில், மஞ்சள் வீரன் படத்திலிருந்து தன்னை நீக்குவது குறித்து இயக்குநர் செல் அம் என்னுடன் பேசியதே இல்லை. இதுபற்றி தனக்கு எதுவுமே தெரியாது. நான் மஞ்சள் வீரன் படப்பிடிப்பிற்கு ஒத்துழைக்கவில்லை என இயக்குநர் கூறியிருந்தார்.

ஆனால், மஞ்சள் வீரன் படத்திற்காக வெறும் பூஜையும் போட்டோ சூட்டும் மட்டுமே நடந்தது. இதற்கும் நான் தான் செலவு செய்தேன்.

தயாரிப்பாளருக்காக இந்த அறிவிப்பா?

அதைப்பற்றி கூட எனக்கு கவலையில்லை. இயக்குநர் என்னிடம் பேசாமலே நேரடியாக மீடியாவிடம் பேசிவிட்டார். விசாரித்துப் பார்த்தால், இயக்குநர் செல் அம்மிற்கு புதிய தயாரிப்பாளர் கிடைத்துள்ளது தெரியவந்துள்ளது.

அந்தப் படத் தயாரிப்பாளரே நடிக்க வேண்டும் என ஆசைப்பட்டுள்ளாராம். அதனால் தான் இப்படி இயக்குநர் பேசியுள்ளார். அதுமட்டுமல்லாமல், இந்த விஷயம் குறித்து பேச இயக்குநர் செல் அத்தை பல முறை அழைத்தேன். அவர் தரப்பிலிருந்து எந்த பதிலும் வரவில்லை. என் வாழ்வில் ஏற்கனவே பல பிரச்சனைகள் உள்ளது. இப்போது இந்தப் பிரச்சனை புதிதாக சேர்ந்துள்ளது என தன் மனதில் உள்ள ஆதங்கத்தை குமுறியுள்ளார்.

கோவை மாவட்டத்தைச் சேர்ந்த டிடிஎஃப் வாசன், விலை உயர்ந்த பைக்குகளில் சாகசங்கள் செய்து அதனை யூடியூப்பில் பதிவேற்றம் செய்து வந்தார். மேலும், சாகசங்கள், அதிலுள்ள சிக்கல்கள், பைக்கிற்கு தேவையான விஷயங்கள் குறித்தும் விளக்கிவந்தார். இதனால், இவருக்கு தமிழ்நாடு மட்டுமின்றி, பல மாநிலங்களிலும் ரசிகர்கள் ஏராளமாக உள்ளது குறிப்பிடத்தக்கது.