கோவா ஒயின் ஷாப்பில் வாங்கிய சரக்கு..ஸ்பெஷல் நபருக்கு! மனைவியிடம் வாங்கிய அடி - உண்மையை சொன்ன அல்லு அர்ஜுன்

இதையடுத்து பிரபல ஓடிடியான ஆஹா தளத்தில் தெலுங்கு டாப் நடிகர் நந்தமுரி பாலகிருஷ்ணா தொகுத்து வழங்கி வரும் அன்ஸ்டாப்பபிள் வித் என்பிகே சீசன் 4 நிகழ்ச்சியில் அல்லு அர்ஜுன் பங்கேற்றார். அந்த உரையாடலின் போது இருவரும் வேடிக்கை, குறும்புத்தனமான பல விஷயங்களை பேசினர். இந்த ஷோவில், கோவாவில் உள்ள மதுபான கடைக்கு அல்லு அர்ஜுன் சென்றதாக சர்ச்சையை கிளப்பிய விடியோ குறித்து பேசியுள்ளனர்.

கோவா ஒயின் ஷாப்பில் அல்லு அர்ஜுன்

தெலுங்கு சினிமாவின் ஐகான் ஸ்டார் என்று ரசிகர்களால் அழைக்கப்படும் அல்லு அர்ஜுன், கோவாவில் உள்ள ஒயின்ஷாப்பில் மதுபானம் வாங்கும் விடியோ வைரலானது. அப்போது இந்த மதுபானம் அவருக்காக வாங்கிக்கொண்டதா அல்லது வேறு யாருக்கும் வாங்கியதா என அப்போது பெரும் விவாதமே நடந்தது. இதுதொடர்பாக மற்ற நடிகர்களின் ரசிகர்கள் அல்லு அர்ஜுன் ட்ரோல் செய்தும், அவர் குறித்து அவதூறுகளும் பரப்பினர். அல்லு அர்ஜுன் ரசிகர்கள் அவர் செல்லவில்லை எனவும் கருத்துகளை பகிர்ந்தனர்.

இந்த விடியோ குறித்து, பாலைய்யா என்று ரசிகர்களால் செல்லமாக அழைக்கப்படும் பாலகிருஷ்ணா கேட்டபோது, சிரித்தவாறே, "நான் ஒயின் ஷாப்புக்கு சென்றது உண்மை தான். ஆனால் மதுபானம் எனக்கு வாங்கவில்லை. அதுவொரு ஸ்பெஷல் நபருக்காக வாங்கப்பட்டது" என்றார். இதை கேட்டை பாலைய்யா அந்த ஸ்பெஷல் நபர் யார் என்பதை அல்லு அர்ஜுன் இந்த ஷோவில் செல்வார் என கூறும் விதமாக புரொமோ விடியோ வெளியாகியுள்ளது.

தெலுங்கு ரசிகர்கள் மத்தியில் ஆர்வத்தை ஏற்படுத்தியிருக்கும் இந்த எபிசோட் ஆஹா ஓடிடி தளத்தில் இரவு 8.30 மணிக்கு ஸ்டிரீமிங் ஆகிறது.

சிறு வயதில் அம்மா, இப்போ மனைவி

அல்லு அர்ஜுன் எபிசோட் தொடர்பாக சுமார் 4 நிமிட புரொமோ விடியோ வெளியிடப்பட்டுள்ளது.இதில் பல்வேறு விஷயங்களை அல்லு அர்ஜுன் பேசியுள்ளார். "சிறு வயதில் தவறு ஏதும் செய்தால் என தாயார் தன்னை அடித்து வெளுத்துவிடுவார். இப்போது அம்மா என்கிற ஆயுதம் மனைவியாக மாறியுள்ளது. நான் செய்யும் தவறுக்கு மனைவி சிநேகா ரெட்டி கவனிப்பு கொடுப்பார். அவரிடம் தான் செய்யும் தவறுக்கு அடி வாங்குகிறேன்" என்றார்.

ஆறு அடி உயரம் தங்க மனசுக்காரன்

அத்துடன் நிகழ்ச்சியில் தெலுங்கு சினிமாவில் டாப் நடிகர்கள் புகைப்படங்கள் காண்பிக்கப்பட்டு அவர்கள் பற்றியும் கேட்கப்பட்டது. இதில் பிரபாஸ் புகைப்படத்தை காட்டியபோது, " பிரபாஸை அப்போது, இப்போது என எப்போது சந்தித்தாலும் மாறாமல் இருக்கிறார். ஆறு அடி உயரத்தில் இருக்கும் தங்க மனசுக்காரர்.

தெலுங்கு மெகா ஸ்டார் சிரஞ்சீவியின் உறவினராக இருந்தாலும், அவரது குடும்பத்துக்கும், அல்லு அர்ஜுன் குடும்பத்துக்கும் இடையே லேசான உரசல், கருத்து வேறுபாடுகள் இருந்து வருகிறது. இந்த சூழ்நிலையில், சிரஞ்சீவி, பவன் கல்யாண் ஆகியோரின் புகைப்படங்களும் காண்பிக்கப்பட, அவர்கள் பற்றியும் மனம் திறந்துள்ளார் அல்லு அர்ஜுன்.

ராஷ்மிகா - பூஜை ஹெக்டே ஆகியோரில் ஒருவரில் ஜோடியாக தேர்ந்தெடுக்க வேண்டும் என்கிற கேள்விக்கும் அல்லு அர்ஜுன் சுவாரஸ்யமாக பதில் அளித்துள்ளார். வேடிக்கை மிகுந்து இந்த எபிசோடை காண ரசிகர்கள் ஆர்வமாக உள்ளார்கள்.

புஷ்பா 2 ரிலீஸ்

அல்லு அர்ஜுன் தற்போது நடித்து வரும் புஷ்பா 2 படம் டிசம்பர் 5ஆம் தேதி ரிலீஸ் ஆக உள்ளது. பான் இந்தியா படமாக வெளிவரும் இந்த படத்தில் ராஷ்மிகா, ஃபஹத் பாசில், ஜெகபதி பாபு, பிரகாஷ் ராஜ், சுனில் உள்பட பலரும் நடித்துள்ளார். நடிகை ஸ்ரீலீலா ஒரு குத்து பாடலுக்கு நடனமாடுகிறார். சுகுமார் இயக்கியிருக்கும் இந்த படம் மிக பெரிய எதிர்பார்ப்பை ஏற்படுத்தியிருக்கும் நிலையில் தெலுங்கு தவிர தமிழ், இந்தி, மலையாளம், கன்னடம் ஆகிய மொழிகளிலும் வெளியாகிறது.