மாநாடு வேலை மும்முரம்..மாரடைப்பால் உயிரிழந்த கட்சி முக்கிய நிர்வாகி! விஜய் இரங்கல் - கதறி அழுத புஸ்ஸி ஆனந்த்

கழகத்துக்காக அயராது ஓடோடி உழைத்த கழகப் போராளி புதுச்சேரி திரு. சரவணன் அவர்கள் திடீர் உடல்நலக் குறைவால் காலமானது அதிர்ச்சியையும் மிகுந்த மன வேதனையையும் அளிக்கிறது.

அவரைப் பிரிந்து வாடும் அவரது குடும்பத்தினருக்கும் உறவினர்களுக்கும் என்னுடைய ஆழ்ந்த அனுதாபங்களைத் தெரிவித்துக்கொள்கிறேன்." என குறிப்பிட்டுள்ளார்.

கதறி அழுத புஸ்ஸி ஆனந்த்

புதுச்சேரியில் சரவணனின் உடல் பொதுமக்களின் அஞ்சலிக்காக வைக்கப்பட்டிருக்கிறது. அவரது உடலைப் பார்த்த தவெக கட்சியின் செயலாளர் புஸ்ஸி ஆனந்த் கதறி அழுதார். இதுதொடர்பான விடியோ காட்சிகள் வெளியாகியுள்ளன. முதல் மாநாட்டுக்கு முன்னர் கட்சியின் முக்கிய நிர்வாகியாக இருந்த வந்த சரவணன் மறையில் தொண்டர்களிடையே ஆழ்ந்த சோகத்தை ஏற்படுத்தியுள்ளது.

தவெக மாநாடு ஏற்பாடு பணிகளை முடித்து விட்டு புதுச்சேரியில் உள்ள தனது வீட்டுக்கு திரும்பியபோது, சரவணனுக்குவீட்டில் இருந்த போது லேசான நெஞ்சு வலி ஏற்பட்டதாகக் கூறப்படுகிறது. அதனால், குடும்பத்தினர் அவரை உடனடியாக அரசு மருத்துவமனைக்கு அழைத்துச் சென்றனர். அங்கு அவரைப் பரிசோதித்த மருத்துவர்கள் ஏற்கனவே அவர் உயிரிழந்து விட்டதாகத் தெரிவித்தனர்.

தவெக நிர்வாகி புதுச்சேரி சரவணன் பின்னணி

தவெக கட்சியின் புதுச்சேரி மாநில செயலாளரான சரவணன் (47), புதுச்சேரி சித்தன்குடி பகுதியைச் சேர்ந்தவராக உள்ளார். இவருக்கு மனைவி தேவி மற்றும் மகன் உள்ளனர்.

கல்லூரியில் படிக்கும் காலத்தில் இருந்தே நடிகர் விஜய்யின் தீவிர ரசிகராக இருந்த வந்த சரவணன், புதுச்சேரி மாநில விஜய் ரசிகர் மன்றத்தின் முக்கிய நிர்வாகி இருந்துள்ளார்.

விஜய் தவெக கட்சி தொடங்கியவுடன், புதுச்சேரி மாநிலச் செயலாளராகவும், கட்சி பொது செயலாளர் புஸ்ஸி ஆனந்துக்கு மிகவும் நெருக்கமானவராக இருந்து வந்துள்ளார்.

தவெக மாநில மாநாடு

தமிழக வெற்றிக் கழகத்தின் முதல் மாநில மாநாடு, விழுப்புரம் மாவட்டம் விக்கிரவாண்டி அருகே உள்ள வி. சாலையில் வரும் 27ஆம் தேதி மாலையில் நடைபெற இருக்கிறது.

இதையொட்டி விக்கிரவாண்டியில் தங்கி மாநாட்டுப் பணிகளில் கட்சி நிர்வாகிகள் இரவும் பகலுமாக ஈடுபட்டு வருகின்றனர்.

முன்னதாக, இந்த மாநாடு தொடக்க விழாவாக பூமி பூஜை கடந்த 4ஆம் தேதி அதிகாலை பிரம்ம முகூர்த்தத்தில் நடைபெற்றது. அதன் பின்னர் மாநாடு நடத்த சுமார் 120க்கு 70 அடி என்ற பரப்பளவில் மாநாட்டு மேடை அமைக்கப்பட்ட்து. அத்துடன் சுமார் 50 ஆயிரம் பேர் வரை அமரும் வகையில் இருக்கைகள் அமைக்கப்படுகிறது. மாநாடு மேடை முழுவதையும் தவெக கட்சி தலைவர் விஜய் சுற்றி வரும் வகையில் ராம்ப் வாக் பாதையும் அமைக்கப்பட்டுள்ளது.

பார்க்கிங், மருத்துவ வசதி, சிசிடிவி கண்காணிப்பு என மாநாட்டுக்கு தேவையான அனைத்து வசதிகளும் தீவிரமாக செய்யப்பட்டு வருகிறது.