விஜய் நடத்தும் தவெக மாநாட்டிற்கு செல்வேன்! உறுதியளித்த நடிகர் ஜீவா!

இப்படத்திணை இயக்குனர் சுப்பிரமணி இயக்கியுள்ளார். பொடேன்ஷியல் ஸ்டுடியோ சார்பில் தங்க பிரபாகரன் இப்படத்தினை இயக்கியுள்ளார். மேலும் த்ரில்லர் படங்களின் இசைக்கு பெயர் போன இசையமைப்பாளர் சாம் சி. எஸ் இசையமைத்துள்ளார்.  

பிளாக்கின் கதை

ஜீவா மற்றும் பிரியா பவானி சங்கர் காதலித்து திருமணம் செய்துக் கொள்கின்றனர். வசந்த் எனும் கதாபாத்திரத்தில் ஜீவாவும் ஆரண்யாவாக பிரியா பவானி சங்கரும் நடித்துள்ளனர். புதிதாக கட்டிய கம்யூனிட்டி வில்லா ஒன்றை வாங்கிய இவர்கள் அந்த இடத்திற்கு ஒரு நாள் தங்குகின்றனர். அன்று அந்த வீட்டில் நடக்கும் த்ரில் சம்பவங்களும், அதன் காரணங்களும் என படம் நகர்கிறது. முழுக்க ஆச்சர்யப்படுத்தும் திரைக்கதையால் ரசிகர்களை படம் வெகுவாக கவருக்கிறது. 

படக்குழுவினர் விழா 

பிளாக் திரைப்படத்தின் வெற்றியைத் தொடர்ந்து படக்குழுவினருக்கு நன்றி தெரிவிக்கும் விழா வடபழனி பிரசாத் லேபில் நடைபெற்றது. இதில் நடிகர் ஜீவா, இசையமைப்பாளர் சாம் சி எஸ், விவேக் பிரசன்னா, இயக்குனர் பாலசுப்ரமணி, எடிட்டர் பிலோமின் ராஜ் ஆகியோர் பங்கேற்று பேசினர். படம் குறித்தும், படக்குழுவினர் குறித்தும் நடிகர் ஜீவா நகைச்சுவையாக பேசினார். 

அந்த விழா நிறைவில் ஜீவா செய்தியாளர்களை சந்தித்து பேசினார், ‘நாங்கள் எல்லாம் கைத்தட்டலுக்கு ஏங்கும் ஜாதி. அதரகுதான் இது போன்ற படங்களை தேர்வு செய்து நடிக்கிறோம்’ எனக் கூறினார். பிளாக் திரைப்படம் வேட்டையன் வெளியாகத நாளில் இருந்தாலும் குறைவான திரையரங்குகளைத் தான் பெற்றிருக்கும் எனவும் தெரிவித்தார். பிளாக் படம் பல மாதங்களுக்கு முன்பே வெளியாக வேண்டிய படம். ஆனால் அதற்கான சூழ்நிலை அமையவில்லை எனவும் கூறினார். 

தவெக மாநாடு 

மேலும் பேசுகையில் சிவா மனசுல சக்தி திரைபடத்தின் இரண்டாம் பாகம் உருவானால் அதில் நிச்சயமாக சந்தானம் இருப்பார் எனவும் தெரிவித்தார். மேலும் சரியான கதை இருந்தால் சிவா மனசுல சக்தி படம் வருவது உறுதி எனவும் தெரிவித்தார். மேலும் விஜய் நடத்தும் தவெக மாநாட்டிற்கு செல்வீர்களா என ஒரு பத்திரிக்கையாளர் கேட்ட கேள்விக்கு, “தவெக மாநாட்டிற்கு செல்ல வாய்ப்பு கிடைத்தால் கண்டிப்பாக செல்வேன்”எனவும் தெரிவித்தார். 

பிளாக் படத்தின் 2 ஆம் பாகம் நிச்சயம் வருவதாகவும் உறுதியளித்தார். நடிகர் ஜீவா தயாரிப்பாளர் ஆர். பி. சௌத்ரியின் மகன் ஆவார். ஆசை ஆசையாய் படத்தின் மூலம் அறிமுகாகி தற்போது பல படங்களில் நடித்துள்ளார். இவர் நண்பன் படத்தின் நடிகர் விஜயுடன் சேர்ந்து நடித்து இருப்பார். அந்த படத்தில் இருந்தே இருவரும் நட்புடன் பழகி வருவது குறிப்பிடத்தக்கது. இந்நிலையில் மாநாட்டிற்கு செல்வார் எனவும் எதிர்பார்க்கப்படுகிறது.