அஜித் வைரல் வீடியோ முதல் இயக்குநர் அவதாரம் தரும் யுவன் வரை.. இன்றைய டாப் 10 சினிமா செய்திகள்!
முக்கிய சினிமா செய்திகளின் தொகுப்புகள் இங்கே தரப்பட்டுள்ளது. நடிகர் அஜித் தற்போது நடித்து வரும் 'குட் பேட் அக்லி' படத்தின் படப்பிடிப்பு தற்போது ஸ்பெயின் நாட்டில் நடைபெற்று வருகிறது. அங்கு கால் பந்து போட்டி ஒன்றை காண சென்ற போது அஜித் சுவாரஸ்யமான பல தகவல்களை பார்க்கலாம்.
டாப் 10 சினிமா செய்திகளின் தொகுப்புகள் இங்கே தரப்பட்டுள்ளது.
வைரலாகும் அஜித் வீடியோ
நடிகர் அஜித் தற்போது நடித்து வரும் 'குட் பேட் அக்லி' படத்தின் படப்பிடிப்பு தற்போது ஸ்பெயின் நாட்டில் நடைபெற்று வருகிறது. அங்கு கால் பந்து போட்டி ஒன்றை காண சென்ற போது அஜித் செல்பி வீடியோ ஒன்றை எடுத்துள்ளார். அந்த வீடியோ தற்போது சமூக வலை தளங்களில் வைரலாகி வருகிறது. அஜித் ரசிகர்கள் அந்த வீடியோவில் தங்களது கருத்துகளை குஷியாக பகிர்ந்து மகிழ்கின்றனர்.
தளபதி 69 படத்தில் காவல் அதிகாரியாக நடிக்கும் விஜய்?
தி கோட் பட வெற்றியை தொடர்ந்து நடிகர் விஜய் நடிக்கும் படத்திற்கு தற்காலிகமாக தளபதி 69 என்று பெயரிடப்பட்டுள்ளது. இதில் பிரகாஷ்ராஜ் பிரியாமணி, கவுதம் வாசுதேவ் மேனன், பூஜா ஹெக்டே, மமிதா பைஜூ, நரேன் ஆகியோர் நடிக்க உள்ளனர். இதில் விஜய் காவல் அதிகாரியாக நடிக்க உள்ளார் என்ற செய்தி இணையதில் வைரலாகி வருகிறது.
இன்று வெளியாகும் ரிவால்வர் ரீட்டா திரைப்பட டீசர்
நடிகை கீர்த்தி சுரேஷ் நடிப்பில் உருவாகியுள்ள ரிவால்வர் ரீட்டா திரைப்படத்தின் டீசர் இன்று வெளியாகவுள்ளதாக படக்குழு அறிவித்துள்ளது. சரஸ்வதி சபதம் படத்தை எடுத்த சந்துரு இயக்கத்தில் உருவான இப்படத்தின் படப்பிடிப்பு சில மாதங்களுக்கு முன் நிறைவடைந்த நிலையில், படக்குழு இந்த அறிவிப்பை வெளியிட்டுள்ளது. தி ரூட் மற்றும் தி பேஷன் ஸ்டூடியோஸ் தயாரித்த இந்தப் படத்தின் போஸ்டரும் இன்று வெளியாகும் எனப் படக்குழு தெரிவித்துள்ளது.
ரகுல் பிரீத் சிங் ஹெல்த் அப்டேட்
ரகுல் பிரீத் சிங் வெளியிட்ட வீடியோவில், நான் மிகவும் முட்டாள்தனமான ஒன்றைச் செய்தேன். அப்போது என் உடல் சொல்வதை கேட்கவில்லை. இதன் விளைவாக எனக்கு பிடிப்பு ஏற்பட்டது. அது ஒரு பெரிய காயமாக மாறியது. கடந்த ஆறு நாள்களாக நான் படுக்கையில் இருக்கிறேன். நான் முழுமையாக குணமடைய இன்னும் ஒரு வாரம் ஆகும் என்று நினைக்கிறேன். ஆனாலும் அதை விட வேகமாக குணமடைவேன் என்று நம்புகிறேன். இதன் மூலம் உங்கள் உடல் உங்களுக்கு வெளிப்படுத்தும் சிக்னல்களை கேளுங்கள் என்பது கற்றுக்கொண்ட பாடம். அதை விட்டு தள்ள முயற்சிக்க வேண்டாம். என் உடலை விட என் மனம் வலிமையானது என்று நினைத்தேன். எப்போதும் அப்படி நிகழாது. உங்கள் எல்லா வாழ்த்துக்களுக்கும், குறிப்பாக என்னை மிஸ் செய்யும் ரசிகர்களுக்கு மிக்க நன்றி. நான் வலுவாக மீண்டு வருவேன்." என பேசியுள்ளார்.
சமந்தாவின் புதிய வெப் சீரிஸ் சிட்டாடல்: ஹனி பன்னி
தென்னிந்திய சினிமாவில் டாப் நடிகையாக வலம் வரும் சமந்தா நடிப்பில் புதிய வெப் சீரிஸ் சிட்டாடல்: ஹனி பன்னி ட்ரெய்லர் வெளியாகியுள்ளது. சுமார் 2.51 நிமிடங்கள் ஓடக்கூடிய சிட்டாடல்: ஹனி பன்னி ட்ரெயல்ர் முழுவதிலும் தெறிக்கவிடும் ஆக்ஷன் காட்சிகளில் மிரட்டியுள்ளார் சமந்தா. பாலிவுட் நடிகர் வருண் தவான் ஜோடியாக நடித்திருக்கும் சமந்தா, பெண் குழந்தைகளுக்கு தாயாகவும், சீக்ரெட் ஏஜெண்டாகவும் தோன்றுகிறார்.
எந்த வித சண்டையும் இல்லை உடைத்து பேசிய போஸ் வெங்கட்
முதலில் மாபொசி என்ற பெயர் தான் படத்திற்கு வைக்கப்பட்டது. ஆனால், நடிகர் சிவக்குமார் இந்த பெயரை வைத்து ஆவணப்படம் ஒன்றை இயக்கவுள்ளதாக கூறினார். இந்தப் பெயரில் சில மாற்றங்கள் செய்தாலும் இருவரின் படத்தையும் அது பாதிக்கும் என்பதால் நான் படத்தின் பெயரை சார் என மாற்றினேன். மற்றபடி எனக்கும் நடிகர் சிவக்குமார் குடும்பத்திற்கும் எந்தவித சண்டையும் இல்லை என விளக்கமளித்தார்.
"பிளடி பெக்கர்" படத்தின் டிரெய்லர் அப்டேட்
நடிகர் கவின் நடிப்பில் உருவாகி வரும் "பிளடி பெக்கர்" படத்தின் டிரெய்லர் நாளை வெளியாக உள்ளது. இது குறித்த பதிவை படக்குழு வெளியிட்டுள்ளது. இந்த படத்தில் கவினுடன் ரெடின் கிங்ஸ்லி, மாருதி பிரகாஷ்ராஜ், சுனில் சுகாதா, அக்ஷயா ஹரிஹரன் மற்றும் பலர் நடித்துள்ளனர்.
இயக்குநர் அவதாரம் எடுக்கும் யுவன்!
யுவன் சங்கர் ராஜா இசை அமைப்பதோடு மட்டும் இல்லாமல் பியார் பிரேமா காதல், மாமனிதன் போன்ற படங்களை தயாரித்தார். தற்போது யூடியூப் சேனல் ஒன்றுக்கு பேட்டி அளித்த யுவன் சங்கர் ராஜா தான் புதிதாக இயக்க போகும் படத்தில் கதாநாயகனாக சிம்புவை நடிக்க வைப்வேன் என்று தெரிவித்துள்ளார்.
பிருத்வி ராஜின் பிறந்தநாளில் எம்புரான் படத்தின் சிறப்பு போஸ்டர்
நடிகர் பிருத்வி ராஜ் தனது பிறந்த நாளை நேற்று கொண்டாடிய நிலையில் அவர் நடித்து வரும் எம்புரான் படத்தின் சிறப்பு போஸ்டரை படக்குழுவினர் வெளியிட்டுள்ளனர்.
அனிரூத் பிறந்த நாளுக்கு பாடல் வெளியிட்ட லைகா!
எல்.ஐ.கே படத்தில் உள்ள தீமா என்ற பாடல் நேற்று வெளியாகி உள்ளது. இந்தப் பாடலை அனிருத் பாடியுள்ளார். பாடல் வரிகளை விக்னேஷ் சிவன் எழுதிய நிலையில் பிறந்த நாளை முன்னிட்டு பாடல் வெளியாகி உள்ளது.
தொடர்புடையை செய்திகள்
டாபிக்ஸ்