சமந்தா மாமியார் செய்யாத வேலையா? சைதன்யாவுக்கு இந்தப் பிரச்சனை இருக்கு- நடிகை சொன்ன ஷாக் தகவல்

தனியார் யூடியூப் சேனல் ஒன்றுக்கு அவர் அளித்த பேட்டி ஒன்றில், இங்குள்ள பெரும்பால மக்கள் சமந்தா கிளாமர் உடை அணிந்து, குத்துப் பாடல் ஒன்றிற்கு நடனமாடியதன் காரணமாகவே தம்பதிக்குள் பிரச்சனை ஏற்பட்டு விவாகரத்து நடந்துள்ளது எனக் கூறுகின்றனர். எனக்கு என்ன சந்தேகம் என்றால் சமந்தா திருமணத்திற்கு முன்பும் சினிமாவில் இருந்து வந்துள்ளார். அப்போதும் அவர் கிளாமர் உடைகளை அணிந்துள்ளார். அதுமட்டுமின்றி, சமந்தா திருமணம் செய்து சென்ற குடும்பத்தினர் அனைவரும் சினிமா துறையில் உள்ளவர்களே. அவரது மாமியார் அமலாவும் சினிமாவில் இருந்தவர் தான். அனைவருக்கும் தெரிந்த ஒரு விஷயத்தை பெரிதாக்கி அதனை குற்றம் சொல்வது ஏற்புடையது அல்ல.

உண்மையில், திருமணத்திற்கு பின்னும் சமந்தாவிற்கு பட வாய்ப்புகள் வந்துகொண்டு தான் இருந்தது. அவர், இருக்க இருக்க சினிமாவின் உச்சத்தை அடையத் தொடங்கினார். நாக சைதன்யாவைக் காட்டிலும் சமந்தாவின் புகழ் நாளுக்கு நாள் அதிகரித்து வந்தது. இதனால், சைதன்யாவிற்கு ஈகோ பிரச்சனை ஏற்பட்டு விட்டது. இதை கட்டுப்படுத்த முடியாததால் தான் சமந்தாவை விவாகரத்து செய்து உறவை முறித்துக் கொண்டார் எனக் கூறியிருந்தார். இந்த வீடியோ தற்போது பலரால் பகிரப்பட்டு வருகிறது.

சினிமா எண்ட்ரி

தமிழ் ரசிகர்ளின் மனங்களில் காதல் திரைப்படம் என்றால் இதுதான் என முத்திரை குத்திய படங்களில் ஒன்று தான் கௌதம் வாசுதேவ் மேனனின் விண்ணைத் தாண்டி வருவாயா. இந்தப் படத்தில் சிறு கதாப்பாத்திரத்தில் நடித்து சினிமாவில் எண்ட்ரி கொடுத்தவர் சமந்தா. பின் இதே படத்தின் தெலுங்கு வெர்ஷனில் திரிஷாவிற்கு பதிலாக கதாநாயகியாக அறிமுகமானார் சமந்தா. இந்தப் படத்தில் கதாநாயகனாக நடித்தவர் நாக சைதன்யா.

திருமணம்- விவாகரத்து

இந்தப் படத்தின் மூலம் அறிமுகமான இருவரும் காதல் வலையில் விழுந்தனர். பின் இருவரும் அவர்கள் கெரியரை பார்த்துக் கொண்டே காதலர்களாக வலம் வந்தனர். இதற்கிடையில், தமிழ், தெலுங்கு என இரு மொழிகளிலும் சமந்தா முன்னணி நடிகையாக வலம் வரத் தொடங்கியிருந்தார்.

பின் சமந்தாவும்- நாக சைதன்யாவும் இருவீட்டார் சம்மதத்துடன் கடந்த 2017ம் ஆண்டு திருமணம் செய்து கொண்டனர். திருமணத்திற்கு பின்னும் இருவரும் சினிமாவில் நடித்து வரத் தொடங்கிய நிலையில், சமந்தா ரசிகர்கள் கொண்டாடும் மாபெரும் நடிகையாக உருவெடுத்தார்.

அந்த சமயத்தில் நாக சைதன்யாவிற்கும் சமந்தாவிற்கும் இடையே நாளுக்கு நாள் கருத்து வேறுபாடுகள் அதிகரித்து வந்தது. இந்தத் தகவல்கள் மீடியாவில் கசியத் தொடங்கியது. இதைத் தொடர்ந்து இருவரும் திருமண வாழ்வில் இருந்து விலகுவதாக கூட்டாக அறிவித்தனர். இது அவர்களது ரசிகர்களுக்கு பேரதிர்ச்சியாக இருந்தது. இவர்களின் பிரிவுக்கு பல காரணங்கள் கூறப்பட்டு வந்த நிலையில், சமந்தா மீண்டும் கெரியரில் கவனம் செலுத்தத் தொடங்கினார்.

டாப் கியரில் கெரியர்

ஆனால், சில நாட்களிலேயே அவர் மையோசிடிஸ் எனும் அரியவகை நோயினால் பாதிக்கப்பட்டார். காதல் கணவரின் பிரிவும் நோயும் ஒருசேர சமந்தாவை தாக்கிய நிலையில், தமிழ், தெலுங்கு திரையுலக ரசிகர்கள் பலரும் சமந்தாவிற்காக சோகத்தில் மூழ்கினர்.

பின், சிகிச்சைக்காக சினிமாவிலிருந்து சில காலம் ஓய்வெடுத்து வந்தார். பின், சிகிச்சை முடிந்து நடிப்பைத் தொடங்கிய சமந்தா தற்போது டாப் கியரில் பறந்து வருகிறார். இவர் தற்போது திரைப்படங்களைத் தொடர்ந்து வெப் சீரிஸ்களிலும் முக்கியமாக கவனம் செலுத்தி வருகிறார். தனது அடுத்தடுத்த சினிமா பயணங்கள் குறித்த அறிவிப்பை வெளியிட்டு ரசிகர்களை குஷியாக்கி வருகிறார்.

சந்தோஷத்தை கண்டுபிடித்தோம்

மறுபுறம், சமந்தாவை விவாகரத்து செய்த பின் நாக சாதன்யா, பொன்னியின் செல்வன் திரைப்படத்தின் மூலம் தமிழ் ரசிகர்களுக்கு பரிட்சையமான சோபிதா துலிபாலாவை காதலித்து இருவீட்டார் சம்மதத்துடன் அவரை நிச்சயதார்த்தமும் செய்துள்ளார். இதனால், தனது மகனின் சந்தோஷம் என்ன என்பதை நாங்கள் கண்டுபிடித்து விட்டோம் எனவும் நாக சைதன்யாவின் தந்தையும் நடிகருமான நாகார்ஜூனா கூறியிருந்தார்.

அமைச்சர் சர்ச்சை கருத்து

இதற்கிடையில், தெலங்கானா காங்கிரஸ் அமைச்சரான சுரேகா, சமந்தாவும் சைதன்யாவும் பிரிந்ததற்கு முன்னாள் அமைச்சர் கேடிஆர் தான் காரணம், அவரால் பல பெண்கள் சினிமாவை விட்டு சென்றுள்ளனர் எனக் கூறி பகீர் கிளப்பினார். இதனால், நாக சைதன்யா குடும்பம் அவர் மீது புகார் அளித்துள்ளது குறிப்பிடத்தக்கது.