சோஷியல் மீடியாவில் யூடியூப்பர், டான்ஸர்..இப்போ ஹீரோயினாக அவதாரம் எடுக்கும் கிரிக்கெட் வீரர் சஹால் மனைவி - முழு விபரம்

தனாஸ்ரீ வர்மா அறிமுகமாகும் படம்

இவர் நடிக்கும் படத்தை தெலுங்கு சினிமாவின் முன்னணி தயாரிப்பாளரான தில் ராஜு தயாரிக்கிறார். பிரபல டான்ஸ் மாஸ்டர் யாஷ் நடிக்கும் இந்த படத்துக்கு ஆகாஷ் தாதி வஸ்தவா என பெயர் வைக்கப்பட்டுள்ளது. ரெமான்டிக் கதையம்சத்துடன் உருவாகும் இந்த படத்தில் மலையாள நடிகையான கார்த்திகா முரளிதரன் ஹீரோயினாக நடிக்கிறார். இவர் தமிழில் சபாநாயகன், மலையாளத்தில் சிஐஏ போன்ற படங்களில் நடித்துள்ளார். 

தனாஸ்ரீ வர்மா நடிக்கும் படத்தை அடுத்த ஆண்டில் வெளியிட திட்டமிட்டுள்ளனராம். படத்துக்கு பாடகர் கார்த்திக் இசையமைக்கிறார். 

இரண்டாவது ஹீரோயின்

கிரிக்கெட் வீரர் யஸ்வேந்திரா சஹால் மனைவியான தனாஸ்ரீ வர்மா படத்தில் இரண்டாவது ஹீரோயினாக நடிக்க இருப்பதாக தகவல்கள் தெரிவிக்கின்றன. படத்தின் முக்கியமான கதாபாத்திரமாக திகழும் இதில் நடிப்பதற்கு பல்வேறு நடிகைகள் பரிசீலனை செய்யப்பட்ட நிலையில், இறுதியில் தனாஸ்ரீ வர்மா தேர்வு செய்யப்பட்டதாக கூறப்பட்டது.

அத்துடன் படம் டான்ஸுக்கு முக்கியத்துவம் அளிக்கும் கதையாக இருப்பதால், இதில் நடிக்க தனாஸ்ரீ வர்மா சம்மதம் தெரிவித்ததாக சொல்லப்படுகிறது. தனாஸ்ரீ வர்மா நடிக்கும் முக்கிய காட்சிகள் மும்பையில் படமாக்கப்படுள்ளது. விரைவில் படத்தின் அடுத்தகட்ட படப்பிடிப்பு ஹைதராபாத்தில் நடைபெற இருக்கும் நிலையில், அதில் தனாஸ்ரீ வர்மா பங்கேற்க உள்ளாராம்.

அடிப்படையில் டான்ஸராக இருந்து வரும் தனாஸ்ரீ வர்மா, ஏராளமான பாலிவுட் படங்களுக்கு நடனம் அமைத்துள்ளார். அத்துடன் பாலிவுட் முன்னணி ஹீரோயின்களான பிரியங்கா சோப்ரா, ஷ்ரத்தா கபூர், ஆலியா பட் போன்ற பலருக்கு பெர்ஷனல் கோரியோகிராபராக இருந்துள்ளார். தனாஸ்ரீ வர்மா ஸ்டுடியோஸ் என்கிற பெயரில் டான்ஸ் அகாடமி ஒன்றையும் நடத்தி வருகிறார்.

தனாஸ்ரீ வர்மா நடித்த பாலிவுட் படங்கள்

கோரியோகிராபராக இருந்த போதிலும் பாலிவுட்டில் சில படங்களில் முக்கிய கதாபாத்திரங்களில் நடித்துள்ளார் தனாஸ்ரீ வர்மா. பாலி பேட்ச் சாஹியே, அபர்சக்தி குரானா, ஓய் ஹோயே ஹோயே போன்ற படங்களில் நடித்திருக்கும் இவர் சிறிய இடைவெளிக்கு பிறகு மீண்டும் நடிகையாக தோன்றவுள்ளார். இந்த முறை இரண்டாவது ஹீரோயினாக நடிக்கவுள்ளார்.

கொரோனா காலகட்டத்தில் திருமணம்

கிரிக்கெட்டர் சஹால், லாக்டவுன் சமயத்தில் நடனம் கற்றுக்கொள்வதற்காக தனாஸ்ரீ வர்மாவை சந்தித்துள்ளார். அப்போது இருவருக்கும் இடையே பழக்கம் ஏற்பட்டு நட்பாகி, காதலாகி 2020ஆம் ஆண்டில் திருமணம் செய்து கொண்டனர்.

திருமணத்துக்கு பிறகு தனது நடன பள்ளியை நடத்துவதில் கவனம் செலுத்தி வந்த தனாஸ்ரீ வர்மா, தற்போது நடிகையாக களமிறங்குகிறார். 28 வயதாகும் தனாஸ்ரீ வர்மா இன்ஸ்டாவில் 6 மில்லியன் பாலோயர்களை கொண்டுள்ளார். இவரது ரீல்ஸ், விடியோவுக்கு என தனி ரசிகர்கள் கூட்டமே இருக்கிறது.

தனது 6 வயதில் பரதநாட்டியம் கற்றுக்கொண்ட இவர் பல்வேறு டான்ஸ் பெர்பார்மென்ஸ்களால் தனக்கென ரசிகர்கள் கூட்டத்தை உருவாக்கினார். டான்ஸர், யூடிப்பராக மட்டுமல்லாமல் டென்டிஸ்டாகவும் இருக்கிறார். டான்ஸ் மீதான ஆர்வத்தால் அதில் அதிக ஈடுபாடு செலுத்தி வருகிறார்.