Bayilvan: ‘என் மனைவி நல்லவங்க தான்.. என் மாமியார் தான் கொடுமைக்காரி..’ புலம்பிய ஜெயம் ரவி.. பயில்வான் ரங்கநாதன் பகீர்

ஜெயம் ரவி பிரதர் பட ஆடியோ லாஞ்ச்-க்கு கூட வாடகை காரில் வந்தார் என்பது உண்மைதான். சென்னை - அடையாறில் அவருக்கு ஃபிளாட் இருக்கு. அவர் அங்க இருந்து தான், எனக்கு பேட்டி கொடுத்தார். மற்றபடி, அவர் சம்பாதிச்ச பெரும்பணம் ஆர்த்திகிட்டேயும், ஆர்த்தியின் அம்மாவிடமும் தான் இருக்குதுன்னு சொன்னார். இன்ஸ்டாகிராம் பக்கத்தை முடக்கிட்டாங்க. செக் புக்கை கூட எனக்குத் தரலை, அப்படின்னு சொன்னார்.

நான் ஜெயம் ரவிகிட்ட, உங்களது பிரச்னையை அப்பாகிட்ட சொன்னீங்களான்னு கேட்டேன். நான் என்னுடைய விவகாரத்தை முழுதாகச் சொன்னேன்னு சொன்னார். அதன்பின், தான் அப்பா சொன்னார், உன் விருப்பப்படி என்ன முடிவு எடுக்கிறயோ, அதை எடு. அதற்கு நான் முழு சப்போர்ட் செய்கிறேன் என்று ரவியின் தந்தை சொல்லியிருக்கிறார். இரண்டு தடவை ரவி டைவர்ஸ் நோட்டீஸ் அனுப்பிவிட்டதாகவும், முதல் நோட்டீஸின்போது தனது மாமியார் சுஜாதா விஜயகுமார் தன் அப்பாவிடம் வந்து பேசியதாகக் கூறினார். அந்தப் பேச்சுவார்த்தையில் ஜெயம் ரவியின் அப்பா, தன் மகன் சார்பில் வைத்த கேள்விகளுக்கு சுஜாதா விஜயகுமார் தரப்பில் எந்தவொரு பதிலையும் கூறாமல் திரும்பிவிவிட்டதாக ஜெயம் ரவி என்னிடம் கூறினார். இதுதான் நடந்தது.

ஆர்த்தி சொல்வது பொய்: பயில்வான் ரங்கநாதன்

இந்தப் பிரச்னை ஒரு மாத காலமாகத் தான் இருந்திருக்கும். அந்தப் பிரச்னையில் இன்ஸ்டாகிராமில் ஜெயம் ரவியின் புகைப்படங்களை எல்லாம், ஆர்த்தி நீக்கிட்டாங்க. அப்படி என்றால் அவர்களும் விவாகரத்துக்கு தயார் ஆகிட்டாங்க என்று தானே அர்த்தம்.

விவாகரத்துக்கு இருதரப்பிலும் ஆதரவு இருந்துருக்கு. சுஜாதா விஜயகுமாரும் ஆதரவு தெரிவிச்சு இருக்காங்க. ஜெயம் ரவியும் ஆதரவு தெரிவிச்சு இருக்கார். அதன் அடிப்படையில்தான், அவர் வக்கீல் நோட்டீஸ் விட்டிருக்கார். ஆனால், சுஜாதா விஜயகுமார் தரப்பிலும், ஆர்த்தி தரப்பிலும் தனக்கு எதுவுமே தெரியாது அப்படின்னு சொல்றது பொய்.

ஜெயம் ரவியின் அப்பாவிடம் சுஜாதா விஜயகுமார் பேச்சுவார்த்தைக்கு வரும்போது, அதனை தன் மகள் ஆர்த்தியிடம் சொல்லாமலா வந்திருப்பாங்க.

தன் மனைவியைப் பற்றி ஜெயம் ரவி மாறுபட்ட கருத்தோ,சந்தேகமான கருத்தோ சொல்லவே இல்லை. ரவி தரப்பில் சொன்னது என்ன என்றால், மனைவி நல்லவர், மாமியார் கொடுமைக்காரி என்றும், தன் சினிமா கேரியரை அழிக்க நினைக்கிறாங்க அப்படின்னு சொன்னார், ஜெயம் ரவி.

நான் எவ்வளவு கஷ்டப்பட்டு நல்லபெயரை சினிமாவில் சம்பாதிச்சேன். அதை ஒன்னும் இல்லாமல் ஆக்க சதி பண்றாங்க. நான் அதை விடமாட்டேன்னு ஜெயம் ரவி சொல்றார்.

ஹவுஸ் ஹஸ்பண்டாக இருந்த ஜெயம் ரவிக்கு கிடைத்த டார்ச்சர்: பயில்வான் ரங்கநாதன்

ஜெயம் ரவி ஹவுஸ் ஹஸ்பண்டாகத்தான் இருந்திருக்கிறார். சின்ன வயசில் இருந்து அம்மாவின் பேச்சை மட்டுமே கேட்டு வளர்ந்திருப்பதால், ஆர்த்தி தனியாக வராமல் இருந்திருக்கலாம். தன் கணவர் ரவியின் குடும்பத்தினரின் பேச்சைக் கேட்க பிடிக்காமல் ஆர்த்திக்கு இருந்திருக்கலாம்.

ஒருவேளை ஆர்த்தி வெளியில் வந்தால் வெளிநாடு போவதற்கு முடியாமல் போகலாம். ஜெயம் ரவி கணக்கு சரியாக கொடுக்கணும். ஜெயம் ரவி ஆர்த்திமேல் சந்தேகப்பட்டிருக்கார். ஆர்த்தி, ஜெயம் ரவிமேல் சந்தேகப்பட்டிருக்கார். அதுமட்டும் தெளிவாகத் தெரியுது.

இரண்டு குடும்பத்தையும் ஒப்பிடும்போது சொத்துக்களை வைத்துப் பார்க்கும்போது, ஜெயம் ரவியின் குடும்பம் தான் பெரியது. என் மாமியாருக்கு வீடு இருக்குதுன்னுதான் பேரு, 5 பேர் கேஸ் போட்டு இருக்காங்க எனவும், என் மாமனார் சும்மாதான் இருக்கார் என்றும் ஜெயம் ரவி ஏன்கிட்ட சொன்னார். எப்போவாவது வெளிநாடு கார் விற்றால்தான் கமிஷன் கொஞ்சம் கிடைக்கும்போல, விஜயகுமார் அவர்களின் வருமானம்.

நான் அவங்க வீட்டுக்கு பொன் முட்டை இடும் வாத்தாக இருந்தேன் என்றும், அதனால், தான் அவர்கள் என்னை வெளியில் விட சம்மதிக்கமாட்டியுறாங்க எனவும், இதுதான் விவாகரத்துக்கு சம்மதிக்காததற்குக் காரணம் எனவும் ஜெயம் ரவி கூறினார்’’ இவ்வாறு பயில்வான் ரங்கநாதன் ஜெயம் ரவி - ஆர்த்தி விவாகரத்தைப் பேசி முடித்தார். 

நன்றி: மெட்ரோ ரயில் 

பொறுப்புத்துறப்பு: இந்தப் பேட்டியில் கூறப்பட்ட கருத்துக்கும் இந்துஸ்தான் டைம்ஸ் நிறுவனத்துக்கும் அதை எழுதியவருக்கும் எந்த தார்மீக உரிமையும் கிடையாது. இது முழுக்க முழுக்க பேட்டியளிப்பவரின் தனிப்பட்ட கருத்து மட்டுமே!