வார்டனுக்கு தெரியவரும் உண்மை.. 'அழகனை தூக்கிப் போடச் சொல்லாதீங்க..' கண்ணீர் விட்டு கதறிய ஆனந்தி.. சிங்கப்பெண்ணே அப்டேட்

மகேஷை எதிர்த்து நிற்கும் ஆனந்தி

அந்த சமயத்தில், அன்பு இங்கேயே இருந்தால், தான் தான் அழகன் என்பதை ஆனந்தி கண்டுபிடித்து விடுவாள் என நினைத்து, அன்பு வெளிநாட்டிற்கு வேலைக்கு செல்ல திட்டமிட்டுள்ளான்.

இதையடுத்து, ஆனந்தியும், அன்பு வெளிநாடு போகாமல் இருக்க தன்னால் முயன்ற அனைத்து முயற்சிகளையும் எடுக்கிறார். அத்தோடு நில்லாமல், அன்புவிற்காக மகேஷை எதிர்த்து நிற்கிறாள்.

மகேஷ் பலமுறை வலியுறுத்தியும் ஆனந்தி அன்பு வீட்டில் தான் இருப்பேன். ஹாஸ்டலுக்கு போக மாட்டேன் என பிடிவாதம் பிடித்து வந்தார். ஆனால், அன்பு தன் முடிவில் விடாப்பிடியாக இருந்ததால், ஆனந்தி ஹாஸ்டலுக்கு செல்ல சம்மதித்தாள்.

கோபத்தில் கத்திய மகேஷ்

இதுதொடர்பான இன்றைய எபிசோடின் ப்ரோமோவை சன் டிவி வெளியிட்டுள்ளது. அதில், அன்பு, ஆனந்தியை மகேஷிடம் அழைத்துச் சென்றான். மகேஷும் ஆனந்தியும் புது ஹாஸ்டலுக்கு செல்ல தயாரான போது, ஆனந்தி கையில் இருக்கும் பையில் என்ன இருக்கிறது என மகேஷ் கேட்கிறான்,

இதில், அழகன் சம்மந்தப்பட்ட பொருட்கள் இருப்பதாக ஆனந்தி, கூறியதும் மகேஷால் கோவத்தை கட்டுப்படுத்தவே முடியவில்லை. எனவே, மகேஷ், ஆனந்தியின் கையில் இருந்த பையைப் பிடுங்கி தரையில் எரிகிறான். அத்துடன் எத்தனை முறை சொன்னாலும் ஏன் எதுவும் கேட்க மாட்டிங்குற என கத்துகிறார்.

கதறி அழுத ஆனந்தி

இதைக் கண்டு அதிர்ச்சி அடைந்த ஆனந்தி, என்கிட்ட அழகனை தூக்கிப் போடச் சொல்லாதிங்க.. அது மட்டும் என்னால முடியாது என விம்மி விம்மி அழுகிறாள். அந்த சமயத்தில், மகேஷ் கோவமாக கத்தி பையை தூக்கிப் போட்ட சத்தம் கேட்டு அன்பு, வண்டியை நிறுத்தி பார்க்கிறான்.

அழகனை தன்னால் மறக்க முடியாது என ஆனந்தி கூறியதைக் கேட்டு அன்பு செய்வது அறியாது தவிக்கிறான். இதற்கிடையில் ஆனந்தியின் பழைய ஹாஸ்டல் வார்டனுக்கு சில உண்மைகள் தெரிய வருகிறது.

உண்மையை அறியும் வார்டன்

காயத்ரி, அவரது நண்பர்களிடம் நான் செய்த தப்புக்கு ஆனந்தி கஷ்டப்பட்டுகிட்டு இருக்கா என கூறிக் கொண்டிருந்தார். இதைக் கேட்ட ஹாஸ்டல் வார்டன், கோபமாக காயத்ரியை அழைக்கிறார். இதையடுத்து சிங்கப் பெண்ணே சீரியலில் என்ன நடக்கிறது என்பதை இரவு 9 மணிக்குத் தான் பார்க்க வேண்டும்.

சொல்லாமல் கிளம்பிய ஆனந்தி

முன்னதாக, புது ஹாஸ்டலுக்கு ஆனந்தியை கூட்டிச் செல்வதற்காக கார்மெண்ட்ஸ் வாசலிலேயே காத்திருக்கிறார். ஆனால், ஆனந்தி அரை மணி நேரத்திற்கு முன்னதாகவே கிளம்பி சென்றுவிட்டதாக வாட்ச் மேன் மகேஷிடம் கூறினார். இதைக் கேட்டு ஆத்திரம் அடைந்த மகேஷ், ஆனந்தி எங்கு சென்றார் எனத் தெரிந்து கொள்ள அவருக்கு போன் செய்கிறார். ஆனால் அவரது போன் சுவிட்ச் ஆஃப் ஆனதால் மேலும் கோபப்படுகிறார்.

பிடிவாதம் பிடிக்கும் அன்பு

இந்நிலையில், ஆனந்தி, ஹாஸ்டலுக்கு செல்லாமல் அன்பு வீட்டிற்கு வந்து ஷாக் கொடுக்கிறார். இதைக் கண்ட அன்பு ஆனந்தியிடம் மகேஷ் சாருடன் ஹாஸ்டலுக்கு போகுமாறு வற்புறுத்தி வருகிறார். ஆனால், ஆனந்தி இன்று இங்கு தான் இரு்ககப் போகிறேன் என திட்டவட்டமாக கூறுகிறார்.

அதற்குள் மகேஷ் அன்புவிற்கு போன் செய்து, ஆனந்தி அங்கு இருக்கிறாரா எனக் கேட்கிறார். மேலும் மகேஷ் எவ்வளவு வற்புறுத்தியும் ஆனந்தி ஹாஸ்டலுக்கு வர மறுக்கிறார். இந்நிலையில், அன்புவை எப்படியாவது வெளிநாடு செல்ல விடாமல் தடுக்க ஆனந்தி முயற்சி செய்து வருகிறார்.

புலம்பும் அன்பு

ஆனால், அன்பு தான் நிச்சயம் வெளிநாடு சென்று விடுவேன். நான் தான் அழகன் என்பதை நீ எப்படியும் கண்டுபிடித்து விடுவாய் என அன்பு ஆனந்தி தூங்கிக் கொண்டிருக்கும் போது புலம்புகிறார். இதற்கிடையில், அன்புவின் தங்கை கொஞ்ச நாளா எனக்கு உங்கள பிடிச்சிருந்தது. இப்போ நீங்களும் வீட்டை விட்டு போறீங்க, அண்ணனும் வீட்டை விட்டு போறாங்க என மிகவும் சோகமாக பேசினார். இதை ஏற்றுக் கொள்ள முடியாமல் ஆனந்தி அழுகிறார்.