Top 10 Cinema News: குபேரா கிளிம்ப்ஸ் முதல் அதர்வா முரளியின் புதிய படம் வரை.. இன்றைய சினிமா செய்திகள்

• அரசியலுக்கு வரும்போது விஜய் மாதிரி தானும் உச்ச நடிகர் தான் எனவும், அதிக ரசிகர்கள் தியேட்டருக்குபோனது தனக்கு தான் எனவும் சரத்குமார் கூறியுள்ளார். மேலும், விஜய் மும்மொழிக் கொள்கை வேண்டாம் என்றுகூறிவிட்டு, அவர் குடும்பத்தில் எல்லோரும் இந்தி படிக்கிறார்கள் எனவும், அப்படி இருக்கும்போது இந்தி படிக்க வேண்டாம் என்றும், மும்மொழிக்கொள்கை வேண்டாம் எனவும் விஜய் எப்படி சொல்ல முடியும் என தமிழக வெற்றிக்கழகத் தலைவர் விஜயை சரத்குமார் விமர்சித்தார்.
• "ஒருத்தரை மட்டுமே நம்பி எல்லாரும் இந்த படம் பண்ணிருக்கோம். ஷூட் போகுறது முன்னாடி வரைக்கும் நிறைய கால் பண்ணி கேட்பேன். இந்த படம் செட் ஆகுமா.. பண்ணலாமான்னு.. நாங்க வித்தியாசமான படம் எடுத்திருக்கேன்னு நிறைய பேர் சொல்லுவாங்க. ஆனால், இது உண்மையாவே வித்தியாசமான படம்" என கார்த்திக் நரேன் இயக்கத்தில் உருவாகியுள்ள 'நிறங்கள் மூன்று' படத்தின் ப்ரொமோஷன் நிகழ்ச்சியில் கலந்துகொண்ட நடிகர் அதர்வா பேசியுள்ளார்.

கங்குவா முதல் நாள் வசூல் எவ்வளவு தெரியுமா?:

• சிறுத்தை சிவா இயக்கத்தில் சூர்யா நடிப்பில் உருவான 'கங்குவா' திரைப்படம் உலகம் முழுவதும் முதல் நாளில் ரூ.58.62 கோடி வசூலைப் பெற்றுள்ளது என அதிகாரப்பூர்வ அறிவிப்பினை ஸ்டுடியோ கிரீன் தயாரிப்புக்குழு வெளியிட்டுள்ளது.
• தனுஷ், நாகார்ஜூனா, ராஷ்மிகா மந்தனா உள்ளிட்டோர் நடிப்பில் உருவாகியுள்ள குபேரா படத்தின் கிளிம்ப்ஸ் வீடியோ வெளியானது.
• ’சூர்யா 45' இயக்குநர் ஆர்.ஜே. பாலாஜியின் ரீசண்ட் இன்ஸ்டா பதிவில், இந்த பிராசஸ் என்று குறிப்பிட்டு, சூர்யாவை வைத்து ஆர்.ஜே.பாலாஜி இயக்கும் 45ஆவது படத்தின் ஸ்கிரிப்ட் புத்தகத்தை வைத்து, அதனை தாங்கள் நம்புவதாக அவர் அறிவித்து இருக்கிறார்.
• அர்ஜூன் தாஸ், அதிதி சங்கர் உள்ளிட்டோர் நடிப்பில் உருவான ‘Once More’படத்தின் ‘இதயம்’பாடலின் கிளிம்ப்ஸ் வீடியோ வெளியானது. இப்படத்தை விக்னேஷ் ஸ்ரீகாந்த் என்னும் புதுமுக இயக்குநர் இயக்கியுள்ளார். முன்னதாக, இந்த டைட்டிலில் 1997ஆம் ஆண்டு, எஸ்.ஏ.சந்திரசேகர் விஜய் மற்றும் சிம்ரனை வைத்து இயக்கிய படமும் இருக்கிறது என்பது குறிப்பிடத்தக்கது.

தி டார்க் நைட் மாடல் கார் வருகிறது:

• கிறிஸ்டோபர் நோலனின் ’தி டார்க் நைட் டிரையாலஜி’படத்தில் வரும் பேட்மேன் காரின் மாதிரிகள் 3 மில்லியன் டாலருக்கு, அதாவது இந்திய ரூபாய் மதிப்பில் சுமார் 25 கோடி மதிப்பில் விற்பனைக்கு வந்துள்ளன. மேலும், 10 மாதிரிகள் மட்டுமே வடிவமைக்கப்பட்டுள்ளன. இந்த காரை முன்பதிவு செய்பவர்கள் காரை கையில் பெற 15 மாதங்கள் வரை காத்திருக்க வேண்டும் எனத் தெரிவிக்கப்பட்டுள்ளது.
• கங்குவா படத்தில் சத்தம் அதிகமாக இருப்பதாக எழுந்த விமர்சனங்களைத் தொடர்ந்து, ஒலி அளவு என்னும் வால்யூமை 2 புள்ளிகள் குறைக்கச் சொல்லி திரையரங்கு உரிமையாளர்களிடம் கூறியிருப்பதாக, தயாரிப்பாளர் ஞானவேல்ராஜா தகவல் தெரிவித்துள்ளார்.
• சென்னை தாம்பரத்தை அடுத்த சதானந்தபுரம் பகுதியில், நடிகர் சிவகார்த்திகேயனின் அடுத்த படத்திற்கான படப்பிடிப்பு நடைபெற்றது. இந்நிலையில் மேம்பாலத்தில் இருந்து சிவகார்த்திகேயன் கீழே குதிப்பது போன்ற காட்சி படமாக்கப்பட்டது. அதனை வாகன ஓட்டிகள் ஆங்காங்கே நின்றுகொண்டு ஷூட்டிங்கை வேடிக்கை பார்த்தனர். இதனால் அங்கு போக்குவரத்து பாதிப்பு ஏற்பட்டது.
• ஜெயம் ரவி -ஆர்த்தி விவாகரத்து வழக்கில் சமரச தீர்வு மையத்தில் சென்னை குடும்ப நல நீதிமன்றம் உத்தரவு பிறப்பித்தது. இந்நிலையில் ஜெயம் ரவி நேரிலும், ஆர்த்தி காணொலி வாயிலாகவும் 10 நிமிடங்கள் பேசினர். பின், உடம்பு சரியில்லை என ஆர்த்தி கூறவே, வரும் நவம்பர் 27ஆம் தேதிக்கு இந்த வழக்கு ஒத்திவைக்கப்பட்டது.