Director Mari Selvaraj: வரிசையில் காத்திருக்கும் நடிகர்கள்..அடுத்தடுத்து படம்.. இது வெற்றிக்கான நேரம்..

இந்நிலையில், இவரின் வாழ்க்கையை மையப்படுத்தி எடுக்கப்பட்ட வாழை திரைப்படம் பல இயக்குநர்களையும் கலங்க வைத்தது. நடிகர்கள் பலரும் மாரி செல்வராஜை பாராட்டிய நிலையில் அவருடன் இணைந்து பணியாற்ற விரும்புவதாக கருத்து தெரிவித்து வந்தனர். இதற்கிடையில், மாரி செல்வராஜ் வாழை படத்தின் வெற்றியைத் தொடர்ந்து, நடிகர் கார்த்தியை வைத்து படம் எடுக்க உள்ளதாகத் தெரிவித்துள்ளார்.

தமிழ் சினிமாவில் கார்த்தி

இயக்குநர் அமீரின் பருத்தி வீரன் திரைப்படம் மூலம் திரைத்துறைக்கு ஹீரோவாக அறிமுகமானவர் கார்த்தி. நடிகர் சிவக்குமாரின் மகன், நடிகர் சூர்யாவின் தம்பி என அறிமுகப்படுத்தப்பட்ட இவர், வெவ்வேறு கதைக்களத்தில் நடித்து ரசிகர்களிடம் தனக்கான இடத்தை பிடித்துக்கொண்டார். தனது முதல் படத்திலேயே அசாத்தியமான கதாப்பாத்திரத்தை ஏற்று மக்களை அசரவைத்தார். பின், காதல், குடும்பப் படங்களை கையிலெடுத்து தமிழ் சினிமாவில் மெல்ல மெல்ல கால்தடம் பதித்தார்.

மெய்யழகன் வெற்றி

தற்போது, 96 படத்தின் இயக்குநர் பிரேம் குமார் இயக்கத்தில், அவர் நடித்த மெய்யழகன் திரைப்படம் குடும்ப ரசிகர்களை வெகுவாகவே கவர்ந்தது. இருப்பினும், படத்தின் நீளம், பேசும் வசனங்கள் குறித்து விமர்சனங்கள் எழுந்தது.

தன் சிறுவயதிலே சொந்த ஊரை விட்டுச் சென்ற ஒருவர், மீண்டும் பல வருடங்களுக்குப்பின் ஊருக்கு வந்தால், என்னென்ன நடக்கும் என்பதை இந்தப் படத்தின் மூலம் கூறியிருக்கிறார் இயக்குநர்.

சர்தார் 2

இந்தப் படம் வெளியான நிலையில், நடிகர் கார்த்தி சர்தார் 2 படத்தில் நடித்து வருகிறார். தண்ணீர் பாட்டில் விற்பனையில் இருக்கும் சர்வதேச பிரச்சனை குறித்து பேசி இருக்கும் இந்தப் படம், பலராலும் பாரட்டப்பட்டது. இந்தப் படம் பேசி இருக்கும் கதை மிகவும் நுணுக்கமானது. இந்நிலையில், இந்தப் படத்தின் வெற்றியைத் தொடர்ந்து கார்த்தி சர்தார் படத்தின் 2ம் பாகத்தில் நடித்து வருகிறார்.

கார்த்தி- மாரி செல்வராஜ் கூட்டணி

இதற்கிடையில், நடிகர் கார்த்தியின் அடுத்த படத்தின் அப்டேட் ஒன்று வெளியாகி உள்ளது. அதில், நடிகர் கார்த்தி, இயக்குநர் மாரி செல்வராஜின் அடுத்த படத்தில் இணைந்து நடிக்க உள்ளதாக தகவல் வெளியாகியுள்ளது. இவர்கள் இருவரின் கூட்டணியில் உருவாகும் இந்தப் படத்தை பிரின்ஸ் பிக்சர்ஸ் தயாரிக்க உள்ளது. இதற்கான அறிவிப்பு விரைவில் வெளியிடப்படும் எனவும் தயாரிப்பு நிறுவனம் அறிவித்துள்ளது.

எப்போது படப்பிடிப்பு?

தற்போது, வாழை படத்தின் வெற்றியைத் தொடர்ந்து இயக்குநர் மாரி செல்வராஜ் நடிகர் விக்ரமின் மகன் துருவ் விக்ரமை வைத்து பைசன் திரைப்படத்தை எடுத்து வருகிறார்.

மாரி செல்வராஜ் இந்தப் படத்தை முடித்த பிறகும், கார்த்தி சர்தார் 2 படத்தின் படப்பிடிப்பை முடித்த பிறகும் இவர்களது படத்தின் பணிகள் தொடங்கும் எனத் தெரிகிறது.

கார்த்தியின் படத்தை முடித்த பிறகு, இயக்குநர் மாரி செல்வராஜ் நடிகர் தனுஷை வைத்து புதிய படம் ஒன்றை இயக்க உள்ளதாகத் தெரிகிறது.