பிக்பாஸ் வீட்டிலும் வேலையை ஆரம்பித்த ரவீந்தர்.. ஜாக்குலினிடம் மோதப் போகிறாரா? வெயிட் அண்ட் வாட்ச்..

ஆண்கள் Vs பெண்கள்

இந்த பிக்பாஸ் நிகழ்ச்சியின் அடிப்படை நாதம் ஆண்கள் Vs பெண்கள் என்பதை பிக்பாஸ் வீட்டிற்குள் வந்த உடனேயே போட்டியாளர்களிடம் நெற்றிப்பொட்டில் அடித்தவாறு சொல்லிவிட்டார். அதை வைத்தே ஆட்டத்தையும் ஆரம்பித்த அவர், வீட்டின் நடுவில் இருக்கும் கோட்டை சுட்டிக்காட்டி, வீடு இரண்டாக பிரிந்திருப்பதை போட்டியாளர்களை கவனிக்க சொன்னார்.

யாருக்கு எந்தப்பக்கம்?

தொடர்ந்து, யாருக்கு எந்தப்பக்கம் வேண்டும் என்பதை போட்டியாளர்களையே கலந்து யோசித்து முடிவெடுக்கச் சொல்ல, முட்டி மோதிய போட்டியாளர்கள் முடிவெடுக்க முடியாமல் தவித்தனர்.

இதனையடுத்து கடுப்பான பிக்பாஸ் என்ன எல்லாரும் வெளியே படுக்கிறீர்களா என்று நெருக்கடி கொடுக்க, இறங்கி வந்த ஆண்கள் அணி, நாங்கள் அதிக வசதிகள் கொண்ட பகுதியை பெண்களாகிய உங்களுக்கு விட்டுத்தருகிறோம். ஆனால், ஒரு கண்டிஷன். நாங்க கூறும் ஒரு வாரத்தில் ஆண்கள் யாரையும் நீங்கள் நாமினேட் செய்யக்கூடாது என்று டீல் பேசினர்.

சொகுசுக்கு ஆசைப்பட்ட பெண்கள் ஓகே என்று கூறினர். ஆனால் இறுதியாக வந்த தர்ஷிகாவும், ஜாக்குலினும் சொகுசுக்காக இவ்வளவு பெரிய விஷயத்தையா விட்டுக்கொடுப்பீர்கள் என்று கூறி, தங்களுக்கான மைலேஜை ஏற்ற விவாதம் நடத்தினர்.

விடாப்பிடியான ஜாக்குலின்

நிகழ்ச்சியின் முதல் நாளே, ஜாக்குலின் ரூமில் சௌகரியமாக இருப்பதற்காக என்னுடைய விளையாட்டை பணயம் வைக்க முடியாது. நான் வேண்டுமென்றால் என்னுடைய கட்டிலை ஆண்கள் அணிக்கு விட்டுக் கொடுத்து விடுகிறேன். என்னை 4 வாரம் நாமினேட் செய்யாமல் இருக்கிறீர்களா எனக் கேட்டுள்ளார். பெண்கள் குழு நாமினேஷனுக்கு ஒத்துப் போனதில் தனக்கு உடன்பாடு இல்லை எனவும் தொடர்ந்து கூறி வருகிறார். அத்துடன் நிகழ்ச்சிக்கு வந்த இரவிலிருந்து இதை ரவீந்தர், தீபக் மற்றும் குமரனிடம் கூறி வருகிறார்.

ரிவியூவர் வேலையை ஆரம்பித்த ரவீந்தர்

இதனை தொடர்ந்து கவனித்து வந்த ஃபேட் மேன் ரவீந்தர், பிக்பாஸ் நிகழ்ச்சிக்குள்ளேயே இருந்து அந்த நிகழ்ச்சியை விமர்சனம் செய்துள்ளார். இதுகுறித்து பேசிய ரவீந்தர், ஜாக்குலினின் நடவடிக்கை குறித்து எனக்கு 3 பார்வை உள்ளது. முதலில் பெண்கள் அணி ரூமை தேர்வு செய்ததற்கான காரணத்தை கூறியும் அவர் சமாதானம் ஆகவில்லை. அடுத்ததாக முழுவதும் என்ன நடந்தது என்பதை நான் உள்பட ஆண்கள் அணியினர் விளக்கி கூறினோம் அப்போதும் அவர் விடாப்பிடியாகவே இருந்தார். அதுமட்டுமின்றி, நான் வெளியே தான் படுத்து தூங்குவேன் என பிடிவாதம் செய்தார்.

அந்த சமயத்தில் தான் எனக்கு புரிந்தது, ஜாக்குலின் தனது கன்டன்டை ஆரம்பித்துவிட்டார் என்று என கூறியுள்ளார். இவரின் இந்த பேச்சு பிக்பாஸ் வீட்டிற்குள் சலசலப்பை உண்டாக்கிய நிலையில், ரவீந்தர் பிக்பாஸ் வீட்டிற்குள்ளேயே தனது வேலையை ஆரம்பித்து விட்டாரே என பலரும் கிண்டலடித்து வருகின்றனர்.