ரவீந்தரை தொடர்ந்து பிக்பாஸில் இருந்து வெளியேறப் போகும் நபர் யார்? வெளியானது தகவல்

24 மணி நேரத்திற்குள் எலிமினேஷன்

இந்நிலையில், போட்டியாளர்கள் பிக்பாஸ் வீட்டிற்குள் நுழைந்த 24 மணி நேரத்திற்குள் வாக்கெடுப்பு நடத்தப்பட்டு சாச்சனா பிக்பாஸ் வீட்டை விட்டு வெளியேறினார். பின் 3 நாட்கள் மக்களுடன் மக்களாக இந்த விளையாட்டை பார்த்து வந்த சாச்சனா மீண்டும் அதிரடியாக பிக்பாஸ் வீட்டிற்குள் நுழைந்தார்.

ஃபேட்மேன் ரவீந்தர் வெளியேற்றம்

இதையடுத்து, பிக்பாஸ் வீட்டில் உள்ளவர்களால் ஃபேட் மேன் ரவீந்தர் தனிமைப்படுத்தப்பட்டதாக உணர்ந்தார். இந்நிலையில், ஒரு வாரமாக அவர் செய்த சேட்டைகளின் காரணமாகவும், அவரின் உடல்நிலையை கருத்தில் கொண்டும் பிக்பாஸ் வீட்டிலிருந்து வெளியேற்றப்பட்டார்.

இந்நிலையில், பிக்பாஸ் வீட்டின் 2வது வாரத்தில் யார் எலிமினேட் செய்யப்படுவார் என்ற கேள்வி மக்களிடையே அதிகரித்துள்ளது.

சம்பவம் செய்த பெண்கள் அணி

2ம் வாரத்தின் தொடக்கத்திலேயே ஆண்கள் அணி சரியாக ஆலோசிக்காமல் சென்றதால், பெண்கள் அணியிலுள்ள குறிப்பிட்ட சிலரை மட்டும் நாமினேட் செய்துள்ளனர். ஆனால், பெண்கள் அணியினரோ, பிக்பாஸ் வீட்டின் கேப்டனாக உள்ள சத்யாவைத் தவிர்த்து அனைவரையும் நாமினேட் செய்துள்ளனர்.

இதனால், 2ம் வாரத்திலேயே பிக்பாஸ் வீட்டிலுள்ள ஜே விஷால், தர்ஷா குப்தா, சௌந்தர்யா, ரஞ்சித், ஜெஃப்ரி, முத்துக்குமரன், தீபக், ஜாக்குலின், அர்னவ், சச்சனா ஆகிய 10 பேர் நாமினேஷனில் உள்ளனர். இவர்களில் அர்னவ் மற்றும் தர்ஷா குப்தா ஆகிய இருவரும் குறைவான வாக்குகள் பெற்று டேஞ்சர் ஜோனில் உள்ளனர்.

தப்பிய தர்ஷா, சிக்கிய அர்னவ்

இந்நிலையில், கடந்த ஒரு வாரமாக நடைபெற்ற போட்டிகளில் அதிக மதிப்பெண்களை பெற்ற அணியினர் தங்கள் அணியிலிருந்து டேஞ்சர் ஜோனில் இருக்கும் நபரை காப்பாற்றலாம் என பிக்பாஸ் கூறியிருந்தது.

அப்படி பார்த்தால், இதுவரை நடந்த போட்டிகளில் பெண்கள் அணியினர் தான் அதிக மதிப்பெண்களை பெற்றுள்ளனர். இதனால், தர்ஷா குப்தா இந்த வார எலிமினேஷனில் இருந்து தப்பியுள்ளார் எனவும் அர்னவ் பிக்பாஸிலிருந்து எலிமினேட் செய்யப்படுவார் எனவும் எதிர்பார்க்கப்படுகிறது.

பாய்ஸ் vs கேர்ள்ஸ்

பிக்பாஸ் வரலாற்றில் முதல் முறையாக ஆண்கள் , பெண்கள் என தனித்தனி வீடுகளில் தங்க வைக்கப்பட்டனர், பின், ஆண்கள் அணியிலிருந்து ஒருவரும் பெண்கள் அணியிலிருந்து ஒருவரும் வீடு மாறி தங்கள் அணிக்காக விளையாடி வருகின்றனர்.

இதனால் பார்ப்பதற்கு கொஞ்சம் பரபரப்பார இருந்தாலும், பெரும்பாலான நேரத்தில் பிக்பாஸ் வீட்டில் அழுகையே மிஞ்சி இருப்பதால் கொஞ்சம் அசதியை ஏற்படுத்துகிறது. மேலும், பிக்பாஸ் நிகழ்ச்சியின் டிஆர்பியும் மிகவும் கணிசமாக குறைந்ததால், இனி வரப்போகும் வாரங்களில் அதிரடி மாற்றங்களைக் கொண்டுவந்து, பிக்பாஸ் மக்களை தன்வசம் இழுக்கும் என்ற நம்பிக்கை உள்ளது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.