பாய் பாய் ரவீந்தர்.. ‘ எல்லா நான் பண்ண சேட்டைதான்..’ -பிக்பாஸிருந்து வெளியேற்றப்பட்ட ரவீந்தர்? - உண்மை என்ன?

பிக்பாஸ் வரலாற்றில், முதன்முறையாக பெண்கள் அணியும், ஆண்கள் அணியும் தனித்தனியாக பிரிக்கப்பட்டு இருக்கும் நிலையில், பெண்கள் அணியில் இருந்து அபியும், ஆண்கள் அணியில் இருந்து முத்துக்குமரனும் வீட்டை மாற்றி இருக்கின்றனர்.

வீடு மாறிய போட்டியாளர்கள்

ஆண்கள் அணியில் இந்தத் தேர்வு மிகவும் சுமூகமாகச் சென்றாலும், பெண்கள் அணியில் அப்படி செல்லவில்லை. தர்ஷா, அபியா, ஜாக்குலின் ஆகியோரில் யார் பெண்கள் அணிசார்பாக ஆண்கள் வீட்டிற்குள் செல்வது தொடர்பான மோதல் பூதகரமாக வெடித்தது. இதில் ஏற்கனவே பெண்கள் அணி தன்னைக் கேட்காமல் ஆண்கள் அணிக்கு கொடுத்த எலிமினேஷன் சலுகையை குறிப்பிட்டு, வீட்டிற்குள் செல்லாமல் கவனம் ஈர்த்துக்கொண்டிருக்கும் ஜாக்குலினை எல்லோரும் சேர்ந்து தாக்க, ஒரு கட்டத்தில் அவர் அழுதே விட்டார்.

பின்னர், அவரை அனைவரும் சமாதானம் செய்தனர். இதற்கு நடுவே, ஆண்கள் அணியில் இருக்கும் வி ஜே விஷால், பெண்கள் அணியில் இருக்கும் பவித்ராவை ‘டி’ போட்டுக்கூப்பிட முதல் நாள் அப்படி என்னை கூப்பிடாதே என்று மரியாதையாகச் சொன்ன பின்னரும் விஷால் அப்படியே கூப்பிட, கடுப்பான அவர் விஷாலிடம் சண்டைக்கு நின்றார்.

ரஞ்சித் - ரவீந்தர் சண்டை

இந்த சண்டையில் சமாதானம் பேச வந்த ரஞ்சித்தும், ரவீந்தருக்கும் இடையே ஒரு கட்டத்தில் வாக்கு வாதம் மூண்டது. அந்த வாக்குவாதம் ஒரு கைகலப்பு வரைக்கும் சென்றது. அந்த சண்டையில் இடையே வந்த அருணை ரஞ்சித் தள்ளி விட்டார். இதில் அவருக்கு கையில் அடிபட்டது. இறுதியில், ஆண்கள் அணியில் ரவீந்தரும், ரஞ்சித்தும் ஒரு கட்டத்தில் கட்டிப்பிடித்துக்கொண்டது அவர்கள் சண்டைப்போட்டுக்கொண்டது ஏமாற்று வேலை என்பதை வெளிச்சத்திற்கு கொண்டு வந்தது.

இந்த நிலையில் இந்த வாரம் ரவீந்தர்தான் எலிமினேட் ஆக இருக்கிறார் என்று தகவல் வெளியாகி இருக்கிறது. ஆரம்பத்தில் இருந்தே தன்னுடைய பேச்சுத்திறமையால் ஸ்டாராங்கனா போட்டியாளர் என பெயர் பெற்ற ரவீந்தர், பிக்பாஸ் சீசனில் கடைசிக்கட்டம் வரை வருவார் என்று எதிர்பார்க்கப்பட்டது.

ஆனால், வீட்டிற்குள்ளேயே அவர் செய்த சேட்டைகள் அவரை எலிமினேட் செய்ய பிக்பாஸை தள்ளி இருக்கலாம் என்று சொல்லப்படுகிறது. அதுமட்டுமல்லாமல், அவரும் பிக்பாஸ் வீட்டில் இருந்து இந்த வாரம் வெளியேறப்போவது நான்தான் என்று வீட்டிற்குள் சொன்னார். இந்த நிலையில், வார இறுதியில் வந்த விஜய்சேதுபதி, நீங்கள் ஏன் அப்படி ஒரு ஸ்டேட்மெண்டை சொன்னீர்கள் என்று கேட்க, ரவீந்தர் நான் பண்ண சேட்டை அப்படி என்று கூறினார். இன்னொன்று அவரின் உடல் பருமனும் அவருக்கு பெரிய தலைவலியாக இருப்பதாகவும், அதற்காவும் அவர் எலிமினேட் செய்யப்பட்டிருக்கலாம் என்றும் நெட்டிசன்கள் கூறுகின்றனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.