அல்லு அர்ஜூன் விடுவிப்பு, தமிழுக்கு வரும் கேரள வரவு..ஓவியா நடிக்கும் புதிய படம்! இன்றைய டாப் சினிமா செய்திகள்

இந்த வழக்கில் அல்லு அர்ஜுன், தனது நெருங்கிய நண்பர் கிஷோர், நந்தியாலயா தொகுதியில் போட்டுவிட்டதால் அவருக்கு வாழ்த்து தெரிவிக்க அவரது வீட்டுக்கு சென்றதாகவும், அதனை அறிந்த ரசிகர்கள் அங்கு திரண்டு வந்து விட்டதாகவும் தெரிவித்திருந்தார். எனவே தனக்கு எதிரான வழக்கை ரத்து செய்யும்படி நீதிமன்றத்தில் மனுதாக்கல் செய்திருந்தார். இந்த வழக்கில் ஆந்திர உயர் நீதிமன்றம் இந்த வழக்கில் இருந்து அல்லு அர்ஜுனை விடுவித்துள்ளது.

சாய் பல்லவி ராமாயணம் ரிலீஸ் தேதி அறிவிப்பு

நிதிஷ் திவாரி இயக்கத்தில் ராமாயணத்தை மையமாக வைத்து அதே பெயரில் உருவாகி வரும் படத்தில் சாய் பல்லவி சீதையாக நடிக்கிறார். ரன்பிர் கபூர் ராமனாக நடிக்கிறார். கேஜிஎஃப் யாஷ் ராவணனாக நடிக்கிறார். அனுமானாக சன்னி தியோல், கும்பகர்ணனாக பாபிதியோல் ஆகியோர் நடிக்கின்றனர். இந்த படம் மூலம் பாலிவுட்டில் என்ட்ரி கொடுக்கிறார் சாய் பல்லவி.

மூன்று பாகங்களாக உருவாகி வரும் படத்தின் முதல் இரண்டு பாகங்களை ரிலீஸ் தேதி அறிவிக்கப்பட்டுள்ளது. முதல் பாகம் 2026 தீபாவளிக்கும், இரண்டாம் பாகம் 2027 தீபாவளிக்கும் வெளியாகும் என தெரிவிக்கப்பட்டுள்ளது.

ஹர்பஜன் சிங்குடன் நடிக்கும் ஓவியா

ஓவியா, ஹர்பஜன் சிங், விடிவி கணேஷ், ஜிபி முத்து பிரதான கதாபாத்திரத்தில் நடிக்க சேவியார் என்ற புதிய படம் உருவாகிறது. இதன் போஸ்டரை வெளியிட்டு படக்குழுவினர் அறிவித்துள்ளனர். படத்தில் மேற்கூறிய கதாபாத்திரங்கள் நடிக்கும் கேர்கடர்களுக்கும் தனித்தனியே போஸ்டர் வெளியிடப்பட்டுள்ளன. கிரிக்கெட் வீரர் ஹர்பஜன் சிங்கும் இந்த படம் குறித்து தனது எக்ஸ் பக்கத்தில் பகிர்ந்துள்ளார்.

தமிழுக்கு வரும் மற்றொரு கேரளா அழகி

கடந்த 2022இல் மிஸ் மலபார், 2023இல் மிஸ் குயின் கேரளா போட்டியி ரன்னர் அப், மிஸ் செளத் இந்தியா போட்டியில் மூன்றாவது இடம் பிடித்தவர் மாடல் அழகி ரோஸ்மின். மலையாளத்தில் திலீப் நடித்த பவி கேர் டேக்கர் படத்தின் மூலம் அறிமுகமான இவர், தற்போது தமிழில் காந்தி கிருஷ்ணா இயக்கத்தில் உருவாகி வரும் பிரேக் பாஸ்ட் என்ற படம் தமிழில் அறிமுகமாகவுள்ளாராம்.

இயக்குநர் மீதான மஞ்சு வாரியர் வழக்கு தள்ளுபடி

மோகன்லால், மஞ்சு வாரியர், பிரகாஷ் ராஜ் நடித்த ‘ஓடியன்’ என்ற படத்தை இயக்கியவர் ஸ்ரீகுமார் மேனன். இவர் மீது மலையாள நடிகையான மஞ்சு வாரியர் புகார் ஒன்றை அளித்துள்ளார்.

கடந்த 2019இல் அளித்த அந்த புகாரில் "தன்னையும் தனது நண்பர்களையும் சமூக வலைதளங்களில் ஸ்ரீகுமார் மேனன் தொடர்ந்து அவமானப் படுத்தி வருகிறார். அவரால் தனது உயிருக்கு ஆபத்து இருப்பதாக" தெரிவித்திருந்தார்.

இது தொடர்பான வழக்கு திருச்சூர் முதலாவது மாஜிஸ்திரேட் நீதிமன்றத்தில் நடந்து வந்தது. இந்த வழக்கு விசாரணைக்கு மஞ்சு வாரியர் ஆஜராகவில்லை. இதையடுத்து மஞ்சு வாரியர் கூறிய குற்றச்சாட்டுகளுக்கு போதுமான ஆதாரம் இல்லை என்று கூறி நீதிமன்றம் வழக்கைத் தள்ளுபடி செய்து நீதிமன்றம் உத்தரவிட்டது.

மாதவன் வீட்டில் அஜித் - வைரலாகும் புகைப்படங்கள்

விடாமுயற்சி படப்பிடிப்பில் நிஜமாக நடந்த விபத்து குறித்து ஸ்டன்ட் மாஸ்டர் சுப்ரீம் சுந்தர் பேட்டியளித்துள்ளார். இதற்கிடையே துபாயில் உள்ள நடிகர் மாதவின் வீட்டில் அவரை சந்தித்துள்ளார் அஜித்குமார். இதன் புகைப்படம் வெளியாகி வைரலாகியுள்ளன. தீபாவளி கொண்டாட்டத்தின்போது இந்த சந்திப்பு நிகழ்ந்திருப்பதாக கூறப்படுகிறது. மாதவனுடன் இணைந்து அஜித்தும் தனது குடும்பத்துடன் தீபாவளி கொண்டாட்டத்தில் ஈடுபட்டதாக தகவல்கள் உலா வருகின்றன.

தவெக மாநாட்டில் வாகனம் ஓட்டிய ட்ரைவருக்கு மிரட்டல்

தவெக மாநாட்டுக்கு வந்தவர்களை அழைத்துச் சென்ற தற்போதுவரை பணம் தராமல் அலைக்கழித்து, மிகவும் மோசமாக நடத்தி கொலை மிரட்டல் விடுப்பதாக வேன் ஓட்டுநர் ஒருவர் புகார் அளித்துள்ளனர். இதுகுறித்து பாதிக்கப்பட்ட ஓட்டுநர் செய்தியாளர்களிடம், "அபிராமபுரம் பகுதி துணைச் செயலாளர் மோகன் என்பவர் எங்களை அணுகி தவெக மாநாட்டுக்கு தொண்டர்களை அழைத்துச் செல்ல வேண்டும் என கோரிக்கை விடுத்தார். அதை ஏற்றுக் கொண்டு, நாங்களும் அவரிடம் வண்டி வாடகை, சம்பளம் ஆகியவற்றை முறையாகப் பேசிவிட்டு மாநாட்டுக்கு கிளம்பினோம்.

தொண்டர்களை அழைத்துக் கொண்டு மாநாட்டுக்கு செல்லும் போதே வாகனத்துக்குள் அவர்கள் மது குடித்து விட்டு ரகளையில் ஈடுபட்டனர். பிறகு அவர்களை குடி போதையிலே தான் நாங்கள் மாநாட்டில் இறக்கி விட்டோம். அவர்கள் குடி போதையில் இருந்ததால், தங்களுக்கு சொன்னபடி சாப்பாடு வாங்கித் தரவில்லை என ஆரம்பத்தில் நினைத்தோம்.

மாநாடு முடிந்த பின் அனைவரையும் பத்திரமாக சென்னைக்கு அழைத்து வந்தோம். அப்போதும் மோகன் தங்களிடம் பேசியபடி நடக்கவில்லை. மாநாடு முடிந்த பிறகும் அவர் தொடர்ந்து சம்பளம் தராமலே இருந்தார். இதுகுறித்து கேட்டால், ட்ரைவர் நாயிக்கு ஆபிஸில் என்ன வேலை. உன் பணத்தை எல்லாம் தரமுடியாது எனக் கூறி மிரட்டினர்.

நான் அபிராமிபுரம் போலீஸ் ஸ்டேஷனில் புகாரளித்தேன். இதை விசாரித்த போலீசார், கட்சியினருடன் பேசி விட்டோம். பணத்தை வாங்கிக் கொள்ளுங்கள் எனக் கூறினர். அதை நம்பி அங்குச் சென்றால், என்னை மிகவும் மரியாதைக் குறைவாக நடத்தினர். அங்குள்ள சிலர் அடிக்கப் பாய்ந்தனர். மேலும், டிரைவர்களை தரக்குறைவாக பேசி முடிந்தால் பணத்தை வாங்கிக் கொள்ளுமாறு கூறியதுடன் கொலை மிரட்டலும் விடுத்துள்ளனர். இது அங்குள்ள சிசிடிவி கேமிராவில் பதிவாகியுள்ளது." என்றார்.

பாக்ஸ் ஆபிஸ் வசூலில் முன்னேறும் லக்கி பாஸ்கர்

தெலுங்கில் துல்கர் சல்மான் நடிப்பில் தீபாவளி ரிலீசாக வெளியாகியிருக்கும் படம் லக்கி பாஸ்கர். பொருளாதார குற்றப் பின்னணியைக் கொண்டு உருவாக்கப்பட்ட இந்த படம் ரசிகர்களை வெகுவாக கவர்ந்துள்ளது. படம் வெளியான 6 நாட்களில் தற்போது ரூ. 53 கோடி வசூலைப் பெற்றுள்ளது. படத்தின் வசூல் நாளுக்கு நாள் அதிகரித்து வருவதாக பாக்ஸ் ஆபிஸ் வட்டார தகவல்கள் தெரிவிக்கின்றன

முடிவுக்கு வரும் பாக்கியலட்சுமி சீரியல்

விஜய் டிவியில் நீண்ட காலமாக ஒளிபரப்பாகி வரும் சீரியலாக பாக்கியலட்சுமி இருந்து வருகிறது. அதிக டிஆர்பி ரேட்டிங் கொண்ட சீரியலாக இருந்து வந்த நிலையில், தற்போது ரேட்டிங் வெகுவாக குறைந்துள்ளதாக கூறப்படுகிறது. எனவே இந்த சீரியலை விரைவில் முடிக்க முடிவு செய்திருப்பதாக தகவல்கள் உலா வருகின்றன.

கோலாகலமாக தொடங்கிய நெப்போலியன் மகன் திருமண விழா

தமிழ் சினிமாவில் ஹீரோவாக நடித்த நெப்போலியன் மகன் தனுஷ் என்பர் தசை சிதைவு நோயால் பாதிக்கப்பட்டவராக இருக்கிறார். இவருக்கும் நெல்லை மாவட்டத்தை சேர்ந்த அக்‌ஷயா என்பவருக்கும் திருமணம் நிச்சயக்கப்பட்டநிலையில், நவம்பர் 7ஆம் தேதி ஜப்பானில் நடக்கிறது. இதையடுத்து தனுஷின் திருமண விழா தொடங்கியிருக்கும் நிலையில் தமிழ் சினிமாவில் இருந்து சரத்குமார் குடும்பம், மீனா, கலா மாஸ்டர் போன்ற பல்வேறு பிரபலங்கள் நெப்போலியன் மகன் திருமணத்துக்கு ஜப்பான் சென்றுள்ளனர்.