‘சமந்தா பான் இந்திய சூப்பர் ஸ்டார்..’ புகழ்ந்து தள்ளி.. பாட்டு பாடி ஆசையை சொன்ன ஆலியா பட்!

இதைத்தொடர்ந்து, ஹைதராபாத்தில் ஜிக்ரா படத்தின் புரொமோஷன் நிகழ்ச்சி நடைபெற்றது. அதில், ஜிக்ரா படக்குழுவினருடன், பல திரைப்பிரபலங்களும் பங்கேற்றனர்.

அந்த நிகழ்ச்சியில் பேசிய ஆலியா பட், ஜிக்ரா படத்தில் நான் சத்யா என்ற கதாப்பாத்திரத்தில் நடித்துள்ளேன். இந்தப் படத்தில் என் சகோதரரை காப்பாற்றும் பாசமுள்ள பெண்ணாக நடித்துள்ளேன். வரும் வெள்ளிக் கிழமை வெளியாகும் இந்தப் படம் நிச்சயம் உங்களுக்குப் பிடிக்கும் என்றார்.

ஆலியாவின் ஆசை

ஆலியாவின் ஜிக்ரா பட விழாவில், நடிகை சமந்தா, இயக்குனர் த்ரிவிக்ரம் ஸ்ரீனிவாஸ் உள்ளிட்ட பலர் கலந்து கொண்டனர். அப்போது பேசிய ஆலியா, இயக்குநர் இயக்குனர் த்ரிவிக்ரம் ஸ்ரீனிவாஸிடம் ஒரு வேண்டுகோளை முன்வைத்தார். நடிகை சமந்தாவும் நானும் நீங்கள் இயக்கும் படத்தில் ஒன்றாக நடிக்க விரும்புகிறேன். 

இந்த மேடையில் இப்படி பேசினால், என் படத்திற்கும் எனக்கும் விளம்பரம் கிடைக்கும் என இதைக் கூறவில்லை. பொதுவாகவே நடிகைகள் ஒருவருக்கொருவர் போட்டி போடுவர். ஆனால், இது அப்படிப்பட்டது அல்ல. எனது கோரிக்கைக்கு இயக்குநர் செவிசாய்க்க வேண்டும் என்றார்.

சமந்தாவை புகழ்ந்த ஆலியா பட்

"என் அன்பான சமந்தா, நீங்கள் திரையிலும் வெளியிலும் ஒரு ஹீரோ. உங்கள் திறமை, உங்கள் நெகிழ்ச்சி, உங்கள் வலிமை ஆகியவற்றை நான் மிகவும் பாராட்டுகிறேன். ஒரு ஆணின் உலகில் ஒரு பெண்ணாக இருப்பது எளிதல்ல, ஆனால் நீங்கள் பாலினத்தை மிஞ்சிவிட்டீர்கள். 

நீங்கள் உங்கள் இரண்டு கால்களில் உயர்ந்து நிற்கிறீர்கள், உங்கள் திறமை மற்றும் உங்கள் வலுவான எழுச்சி அனைவருக்கும் ஒரு முன்மாதிரியாக இருக்க வேண்டும். இந்த நிகழ்வுக்கான சமந்தாவை அழைத்தபோது, அவர் சில வினாடிகளிலே நிகழ்ச்சிக்கு வர சம்மதித்தார். 

என் படத்தின் நிகழ்ச்சியில் ஒரு பான் இந்தியா சூப்பர் ஸ்டார் வந்தது எனக்கு மிகவும் மகிழ்ச்சி எனக் கூறி சமந்தாவை புகழ்ந்து தள்ளினார்.

ஆலியாவை ரசித்த சமந்தா

நிகழ்ச்சிகள் நடந்து கொண்டிருக்கும் போது, பான் இந்தியா திரைப்படமான புஷ்பா படத்தில் சமந்தா நடனமாடிய ஓ அன்டாவா பாடல் ஒலிபரப்பப்பட்டது. அதை ரசித்த ஆலியா, அந்தப் பாடலை மிகவும் ரசித்து பாடி வந்தார். இதைக் கவனித்த சமந்தா, சிரித்தபடியே ஆலியாவை ரசித்து வந்தார். இந்த வீடியோ தற்போது வைரலாகி வருகிறது.

சமந்தாவின் பயணம்

சமந்தா திரையுலகில் பீக்கில் இருந்த சமயத்தில் நடிகர் நாக சைதன்யாவை காதலித்து திருமணம் செய்து கொண்டார். பின் இவர்களுக்குள் ஏற்பட்ட கருத்து வேறுபாடு காரணமாக இருவரும் பரஸ்பரமாக பிரிந்து வாழ்ந்து வந்தனர். அந்த சமயத்தில் சமந்தா உடல்நலக் குறைவால் பாதிக்கப்பட்டார். இதன் காரணமாக சில காலம் சினிமாவிலிருந்தும் ஓய்வில் இருந்தார். 

பின், அவர் தனது உடல்நிலையை சீராக்கி நடிக்க வந்ததிலிருந்து அவர் டாப் கியரில் பறந்து வருகிறார். திரைப்படங்கள், வெப் தொடர்கள், தொழில் முதலீடு என பல துறைகளிலும் சிறந்து விளங்குகிறார். இதை குறிப்பிடும் வகையில் தான் ஆலியா அவரை பான் இந்தியா சூப்பர் ஸ்டார் என அழைத்து பெருமை படுத்தினார். அத்துடன் அவருடன் நடிக்கவும் ஆசைப்பட்டார்.