காதலனை அறிமுகப்படுத்திய நடிகை..அஜித்குமார் ரேஸிங் அணியின் இணையத்தளம் - இன்றைய டாப் 10 சினிமா செய்திகள்

மீண்டும் அம்மாவாகிறார் எமி ஜாக்சன்

பிரிட்டனில் மிஸ் டீன் பட்டம் வென்ற எமி ஜாக்சன், தமிழில் மதராசபட்டினம் படம் நடிகையாக அறிமுகமானார். தொடர்ந்து, தமிழ், பாலிவுட்டில் ஒரு சில படங்களில் நடித்து தாயானார். இதன் பின்னர் பாய்பிரண்டை திருமணம் செய்து கொண்ட எமி தற்போது இரண்டாவது முறையாக கர்ப்பமாகியுள்ளார். தனது கணவருடன் கர்ப்பம் தரித்த லுக்கில் இருக்கும் புகைப்படங்களை சமூக வலைத்தளங்களில் பதிவேற்றி வைரலாகியுள்ளார்.

கேப்டன் பிரபாகரன் 2 படத்துக்கு ரெடி -மன்சூர் அலிகான்

கடந்த 1991இல் ஆர்.கே. செல்வமணி இயக்கத்தில் விஜயகாந்தின் 100வது படமாக வெளியான கேப்டன் பிரபாகரன் சூப்பர் டூப்பர் ஹிட்டானது. இதையடுத்து இந்த படத்தில் வில்லனாக நடித்த மன்சூர் அலிகான் தனது இன்ஸ்டா பக்கத்தில் குதிரை சவாரி புகைப்படம் ஒன்றை பகிர்ந்து "கேப்டன் பிரபாகரன் பார்ட் 2 நான் ரெடி. சண்முக பாண்டியன் ரெடியா? இந்த படத்தை ஆர்.கே. செல்வமணி மட்டும்தான் இயக்க வேண்டும்" என குறிப்பிட்டுள்ளார். இதன் மூலம் கேப்டன் பிரபாகரன் 2 மீதான ஆர்வத்தை ஏற்படுத்தியுள்ளார்.

சிம்பொனி இசை வெளியீடு குறித்து இளையராஜா ஷேரிங்

இசைஞானி இளையராஜா தனது எக்ஸ் பக்கத்தில் வெளியிட்டுள்ள பதிவில், "அனைவருக்கும் தீபாவளி திருநாள் நல்வாழ்த்துகள். இந்த நன்னாளில் லண்டனில் எனது சிம்பொனி இசையை ரெக்கார்ட் செய்தேன் என்பதையும், அந்த சிம்பொனி இசை அடுத்த ஆண்டு ஜனவரி 26ஆம் தேதி வெளியிடப்படும் என்பதையும் உலகெங்கிலும் உள்ள இசை ஆர்வலர்களுக்கு மகிழ்ச்சியுடன் தெரிவித்துக் கொள்கிறேன்” என குறிப்பிட்டுள்ளார்.

மறைந்த பாடகி பவதாரணியின் கடைசி படம் வெளியீடு

இசையமைப்பாளர் இளையராஜாவின் மகளும், யுவன் சங்கர் ராஜாவின் சகோதரியுமான பவதாரணி கடந்த ஜனவரி 25ம் தேதி புற்றுநோய் பாதிப்பால் உயிரிழந்தார். இதையடுத்து பவதாரணியின் இசையமைப்பில் உருவான 'புயலில் ஒரு தோணி' படத்தின் பாடலை யூடியூப்பில் படக்குழுவினர் வெளியிட்டுள்ளனர். கருகருவா என்ற இந்தப் பாடலை சிநேகன் எழுதியுள்ளார். இசையமைப்பாளர் ஜி.வி.பிரகாஷ் குமார் மற்றும் பாடகி எம்.எம்.மானசி பாடியுள்ளனர்.

காதலனை அறிமுகப்படுத்திய நடிகை

பிரபல டப்பிங் கலைஞராகவும், நடிகையாகவும் இருப்பவர் ரவீனா ரவி. தமிழ் ஹீரோயின்களான காஜல் அகர்வால், எமி ஜாக்சன், ராஷி கண்ணா, மாளவிகா மோகனன் போன்ற பல நடிகைகளுக்கு டப்பிங் பேசியிருக்கும் இவர் லவ் டுடே படத்தில் யோகி பாபு மனைவியாக நடித்திருப்பார். அதேபோல் மாமன்னன் படத்தில் பகத் பாசிலின் மனைவியாக வசனமே பேசாமல் நடித்திருப்பார். கடந்த ஆண்டு மலையாளத்தில் தேவன் ஜெயக்குமார் இயக்கத்தில் வெளியான 'வாலாட்டி" என்ற படத்தில் ரவீனா ரவி நடித்திருந்தார். அப்போது இப்படத்தின் இயக்குனருடன் ரவீனாவுக்கு காதல் ஏற்பட்டதாக கூறப்பட்ட நிலையில், இருவரும் ஜோடியாக இருக்கும் புகைப்படத்தை சமூக வலைதள பக்கத்தில் பகிர்ந்து தனது காதலரை அறிமுகப்படுத்தியுள்ளார். விரைவில் இவர்களுக்கு திருமணம் நடக்க இருப்பதாக கூறப்படுகிறது

கொலை செய்து கொண்டிருக்கிறீர்கள் - வைரமுத்து பகீர்

மக்கள் அனைவரும் திபாவளியைக் கொண்டாடுவதாக நினைத்து காற்றை கொலை செய்து வருவதாக பாடலாசிரியர் வைரமுத்து கருத்து தெரிவித்துள்ளார். இதுகுறித்து தனது எக்ஸ் பக்கத்தில் வைரமுத்து பகிர்ந்திருக்கும் பதிவில், "விழாக்கள் புதியவை அல்ல. தொழில் சார்ந்தும், பருவங்கள் சார்ந்தும் ‘விழவு மலி மூதூர்’களைத் தமிழகம் சங்ககாலத்திலேயே கண்டிருக்கிறது

தீபாவளி கொண்டாடுவது என்பது அவரவர் அறிவு, அவரவர் தெளிவு, அவரவர் முடிவு. ஆனால், விழாக்கள் காற்றைக் கொலைசெய்து விடக்கூடாது. சுற்றுச்சூழலின் சுத்தத்தில்" என குறிப்பிட்டுள்ளார்.

பிளாக் ஓடிடியில் ரிலீஸ்

வேட்டையன் வசூலுக்கு வேட்டு வைத்த படமாக இருந்த ஜீவா - பிரியா பவானி ஷங்கர் நடித்த பிளாக் படம் சர்ப்ரைஸாக ஓடிடியில் வெளியாகியுள்ளது. தீபாவளி ஸ்பெஷலாக அனைவரும் பார்த்து ரசிக் வேண்டிய படமாகவும் பிளாக் இருந்து வருகிறது. திகல் கலந்த த்ரில்லர் படமான பிளாக் அமேசான் ப்ரைம் ஓடிடியில் வெளியாகியிருக்கிறது

பட்டையை கிளப்பும் லக்கி பாஸ்கர்

மலையாள நட்சத்திரம் துல்கர் சல்மான் டோலிவுட்டில் ஹாட்ரிக் ஹிட் அடித்துள்ளார். தீபாவளி நாளில் வெளியான வெளியான லக்கி பாஸ்கரும் நேர்மறையான விமர்சனங்களைப் பெற்றது. வாத்தி படத்தை இயக்கிய தெலுங்கு இயக்குநர் வெங்கி அட்லூரி இயக்கியிருக்கும் இந்த படம். முதல் நாளில் ரூ. 7.50 கோடி வசூல் செய்துள்ளதாக தகவல் வெளியாகி உள்ளது. வரும் நாள்களில் படத்தின் வசூல் உயரும் என கணிக்கப்பட்டுள்ளது.

இணையத்தளத்தை தொடங்கிய அஜித்குமார் ரேஸிங் அணி

விடா முயற்சி, குட் பேட் அக்லி ஆகிய படங்களில் நடித்து வரும் அஜித்குமார், வீனஸ் மோட்டர் சைக்கிள் டூர்ஸ் என்ற நிறுவனத்தை தொடங்கியுள்ளார். இந்த நிறுவனம் பைக் ரைடிங் ஆர்வலர்களுக்கு வணிக நோக்கில் ரைடிங் சார்ந்த சேவைகளை வழங்கி வருகிறது. இதுதவிர அடுத்த ஆண்டு நடைபெற இருக்கும் கார் ரேசிங் பந்தயத்தில் அஜித்குமார் ரேஸிங் என்ற அணியும் பங்கேற்கிறது. இதையடுத்து அஜித் குமார் ரேசிங் கார் பந்தைய அணிக்கு தற்பொழுது https://ajithkumarracing.com/ என்ற புதிய இணையதளத்தை உருவாக்கப்பட்டுள்ளது

மீண்டும் நாயகியாக களமிறங்கும் தேவையானி

1990களில் முன்னணி ஹீரோயின்களில் ஒருவராக இருந்தவர் தேவையானி. இவர் 6 ஆண்டுகளுக்கு பிறகு ஹீரோயினாக நடித்து வருகிறார். நிழற்குடை என்ற படத்தில் கதையின் நாயகியாக நடிக்க, ஹீரோவாக புதுமுகம் நடிக்கிறார். கடந்த 2018ம் ஆண்டில் விவேக்குடன் இணைந்து எழுமின் படத்தில் ஹீரோயினாக நடித்திருந்தார் தேவையானி. தற்போது மீண்டும் ஹீரோயின் அவதாரம் எடுத்துள்ளார்.