அஜித் ரசிகர்களுக்கு ட்ரீட் கொடுத்த புஷ்பா 2 ஆடியோ லான்ச்.. குட் பேட் அக்லி ரிலீஸ் அறிவிப்பால் தாறுமாறு கொண்டாட்டம்

இந்த 2 படங்களும் படப்பிடிப்பின் இறுதி கட்டத்தை எட்டியுள்ள நிலையில், போஸ்ட் புரொடக்ஷன் பணிகள் இருப்பதாக அறிவிக்கப்பட்டுள்ளது. இதனால், அஜித்தின் தரிசனத்தை எப்போது திரையில் பார்க்க முடியும் என்ற எதிர்பார்ப்பில் அவரது ரசிகர்கள் சுற்றி வருகின்றனர்.

இந்த நிலையில் தான், அஜித் குமாரின் குட் பேட் அக்லி திரைப்படத்தின் தயாரிப்பாளரான மைத்ரி மூவிஸ் நவீன் யெர்னேனி, அத்திரைப்படத்தின் ரிலீஸ் தேதி குறித்து ஹிண்ட் கொடுத்து ரசிகர்களை குஷியில் ஆழ்த்தியுள்ளார்.

புஷ்பா 2 விழா

டோலிவுட் நடிகர் அல்லு அர்ஜூனின் பான் இந்தியா படமான புஷ்பா 2 படத்தை மைத்ரி மூவிஸ் தயாரிக்கிறது. இந்தப் படத்தின் இசை வெளியீட்டு விழா நேற்று சென்னை தாம்பரத்தில் நடைபெற்றது. இதில் அல்லு அர்ஜூன், ராஷ்மிகா மந்தனா, ஸ்ரீலீலா, படத்தின் தயாரிப்பாளர் நவீன் உள்ளிட்டோர் பங்கேற்று பேசினர்.

குட் பேட் அக்லி ரிலீஸ் எப்போது?

புஷ்பா 2 படத்தைப் பற்றி தயாரிப்பாளர் நவீன் பேசிக் கொண்டிருக்கும் போது, நடிகர் அஜித் குமாரின் குட் பேட் அக்லி திரைப்படம் குறித்து ஏதாவது அப்டேட் தருமாறு தொகுப்பாளர்கள் கேட்டனர்.

அதற்கு பதிலளித்த நவீன், குட் பேட் அக்லி திரைப்படம் இறுதிக் கட்ட படப்பிடிப்பில் உள்ளது. அந்தப் படத்தில் இன்னும் 7 நாள் ஷீட்டிங் தான் மிச்சம் உள்ளது. இதையடுத்து போஸ்ட் புரொடக்ஷன் பணிகள் முடிந்ததும் அநேகமாக பொங்கலுக்கு ரிலீஸ் ஆக வாய்ப்புள்ளது எனக் கூறினார்.

ஆனால், இந்தத் தகவலை அவர் உறுதிப்படுத்தவில்லை. மேலும், இது மைத்ரி மூவிஸின் முதல் தமிழ் படம். இந்த படம் பிளாக் பஸ்டர் வெற்றி பெறும் என்ற நம்பிக்கை உள்ளது எனக் கூறினார்.

பொங்கல் ரேலிஸ் இருந்து நழுவிய விடாமுயற்சி

முதலில் தொடங்கப்பட்ட அஜித்தின் விடாமுயற்சி திரைப்படமே பொங்கல் பண்டிகைக்கு வெளியாகும் என்று கூறப்பட்டது. இந்த நிலையில் தற்போது பொங்கல் பண்டிகைக்கு அஜித்தின் குட் பேட் அக்லி வருவது உறுதியாகி இருக்கிறது. 

அதன் காரணமாக விடாமுயற்சி திரைப்படத்தின் ரிலீஸ் தேதி தள்ளி வைக்கப்படுவதாக சொல்லப்படுகிறது. ஆகையால் பொங்கல் ரேசில் ஷங்கர் இயக்கி ராம் சரண் நடித்து இருக்கும் கேம் சேஞ்சர், விக்ரமின் வீர தீர சூரன் உள்ளிட்ட திரைப்படங்களோடு அஜித்தின் குட் பேட் அக்லி திரைப்படமும் வெளியாக இருப்பது உறுதியாகி இருக்கிறது.

ரசிகர்களை கவர்ந்த போஸ்டர்

குட் பேட் அக்லி திரைப்படத்திற்கு தேவிஸ்ரீபிரசாத் இசையமைத்து இருக்கிறார். முன்னதாக, படத்தில் அவரது லுக்கை பாதுகாக்க வேண்டும் என்பதால், படப்பிடிப்பில் அஜித்குமாருடன் செல்ஃபி எடுக்க படக்குழு தடை விதித்திருந்தது. இதைக்கேள்விபட்ட அஜித் படத்தின் ஃபர்ஸ்ட் லுக்கை ரிலீஸ் செய்யுமாறு கூறினார். அதன் படி படத்தின் ஃபர்ஸ்ட் லுக் வெளியிடப்பட்டது. அஜித்தின் மூன்று விதமான கேரக்டர் ஷேடுகளில் வெளியான அந்த போஸ்டர் வரவேற்பை பெற்றது.

விலைமதிப்பற்ற தருணங்கள்

குட் பேட் அக்லி படத்தின் இயக்குநர் ஆதிக் ரவிச்சந்திரன் படம் தொடர்பாக முன்பு கூறும் போது "ஒவ்வொருவரின் வாழ்க்கையிலும், தொழில் வாழ்க்கையிலும் விலைமதிப்பற்ற தருணங்கள் உள்ளன. இது எனது நம்பிக்கைக்கு அப்பாற்பட்டது. அஜித் குமார் சாருடன் பணிபுரிவது எனக்கு ஒரு நீண்ட கனவாக இருந்தது. அவருடன் பணிபுரிவதில் நான் எமோஷனலாக இருக்கிறேன். இந்த வாய்ப்பை வழங்கிய தயாரிப்பாளர்கள் நவீன் யெர்னேனி சார் மற்றும் ரவிசங்கர் சார் ஆகியோருக்கு நன்றி’’ எனத் தெரிவித்து இருந்தார்.