என்னை இழு இழு இழுக்குதடி.. வழு வழு வழுக்குதடி.. விவாகரத்து அறிவிப்புக்குப் பின்.. ஃபிரெஷ்ஷாக ஏ.ஆர்.ரஹ்மான் மற்றும் ரவி

இப்படத்தின் போஸ்டரில் ஜெயம் ரவி ஒரு மாய விளக்கிலிருந்து வெளியே வரும் பூதம்போல் நடித்திருக்கிறார். வாமிகா கபி ஏஞ்சல் போல் தோற்றமளிக்கிறார். தவிர, கீர்த்தி ஷெட்டி ஒரு பக்கமும், கல்யாணி பிரியதர்ஷன் மற்றொரு பக்கமும், தேவயானி இன்னொரு பக்கமும் காட்சியளித்தனர்.

காதலிக்க நேரமில்லை படக்குழுவினர் யார்?:

இந்நிலையில் ’காதலிக்க நேரமில்லை’ என்னும் படத்தில் ஜெயம் ரவி நடித்து வந்தார். இப்படத்தில் ஜெயம் ரவி மற்றும் நித்யா மேனன் ஆகியோர் கதையின் நாயகன் ஆகவும், கதையின் நாயகியாகவும் நடித்துள்ளனர். இப்படத்தினை கிருத்திகா உதயநிதி இயக்கியிருக்கிறார். படத்தை ரெட் ஜெயிண்ட் மூவிஸ் தயாரித்துள்ளது.

இப்படத்தில் இவர்கள் தவிர, யோகி பாபு, வினய் ராய், டி.ஜே. பானு, ஜான் கொக்கேன், லால், லட்சுமி ராமகிருஷ்ணன், பாடகர் மனோ, வினோதினி, ரோஹன் சிங் ஆகியோரும் நடித்துள்ளனர். இந்நிலையில் இப்படத்துக்குண்டான இசையினை ஏ.ஆர்.ரஹ்மான் செய்திருக்கிறார்.

என்னை இழுக்குதடி பாடல்: ஏ.ஆர்.ரஹ்மான்!

இந்நிலையில் காதலிக்க நேரமில்லை படத்தின் முதல் பாடல் ரிலீஸாகியிருக்கிறது. இப்பாடலை கவிஞர் விவேக் எழுதியிருக்கிறார். பாடலை ஏ.ஆர். ரஹ்மானும், தீ-யும் கூட்டாக சேர்ந்து பாடியுள்ளனர்.

இப்பாடல் இளைஞர்கள் பலரையும் ஈர்க்கும் வகையில் செம ப்ரெஷ்ஷாக இருக்கிறது. இதுதொடர்பாக இப்பாடலுக்குக் கீழே கமெண்ட் போட்டிருக்கும் நெட்டிசன் ஒருவர், ‘’ வயசானாலும் சிங்கம் சிங்கம்தாயா ஏ.ஆர். ரஹ்மான்’’ எனக் குறிப்பிட்டிருக்கிறார். இன்னொருவர், '’சமீபத்தில் வந்த காட்டுக்கத்தல் பாடல்களில் இருந்து விலகி தன் அதிரடி இசையிலும் ஒரு அழகான மெல்லிசை கொடுப்பதில் ரஹ்மான் என்றைக்கும் கிங் தான். தலைவருக்கு வயசே ஆகாது போல இப்போதும் டிரெண்டிங்கா பாட்டு கொடுப்பதில் வல்லவர்’’ என அந்தப் பாடலுக்குக் கீழே கமெண்ட் செய்து இருக்கிறார்.

சமீபத்தில் இசைப்புயல் ஏ.ஆர். ரஹ்மானும், முன்னணி நடிகர் ஜெயம் ரவியும் தனது மணவாழ்க்கையில் இருந்து விலகிய, மிகவும் இக்கட்டான சூழலிலும் கூட, தங்களது சினிமாப் பணி குறைவில்லாமல் செய்துள்ளனர் என்பது குறிப்பிடத்தக்கது.