Priyanka Mohan: பூ மழை பொழிந்து கொண்டிருக்க திடீரென சரிந்து விழுந்த மேடை..விபத்தில் சிக்கிய பிரியங்கா மோகன் - விடியோ

பலரும் எனக்கு அக்கறையுடன் அனுப்பிய நலம் விசாரிப்புகளுக்கு நன்றி சொல்லிக்கொள்கிறேன்." என குறிப்பிட்டுள்ளார்.

காங்கிரஸ் கட்சி பொறுப்பாளர் மருத்துவமனையில் அனுமதி

தொரூர் பகுதி இடம்பிடித்திருக்கும் பாலகுருதி சட்டப்பேரவை தொகுதியின் காங்கிரஸ் கட்சி பொறுப்பாளராக அக்கட்சியின் முக்கிய தலைவர்களுள் ஒருவரான ஜான்சி ரெட்டி உள்ளார்.

இதையடுத்து இவரும் இந்த ஷாப்பிங் மால் திறப்பு விழா நிகழ்ச்சிக்கு சென்றிருந்தார். இந்தி நிகழ்ச்சியில் நடிகை பிரியங்கா மோகன் காண்பதற்கு அங்கு கட்டுக்கடங்காத அளவில் கூட்டம் கூடியது.

அப்போது நிகழ்ச்சி நடக்கும் மேடையில் தோன்றிய பிரியங்கா மோகன், ஜான்சி ரெட்டி ஆகியோர் மக்களை பார்த்து கையசைத்துள்ளனர். அப்போது எதிர்பாராத விதமாக மேடை சரிந்து விழுந்துள்ளது.

இந்த விபத்தில் ஜான்சி ரெட்டிக்கு காயம் ஏற்பட்ட நிலையில் அவர் மருத்துவமனையில் சிகிச்சைக்காக அனுமதிக்கப்பட்டுள்ளார். மேடை சரிந்ததில் அருகே நின்று கொண்டிருந்து பொதுமக்களு்ம, மேடையில் இருந்த சிலரும் காயமடைந்துள்ளனர். இதுதொடர்பான விடியோக்களும் சமூக வலைத்தளங்களில் வெளியாகி வைரலாகி வருகின்றன.

பிரியங்கா மோகன் புதிய படம்

பிரியங்கா மோகன் நடிப்பில் சமீபத்தில் வெளியான படம் சூர்யாவின் சனிக்கிழமை. இந்த படத்தில் நானி, எஸ்.ஜே.சூர்யா உள்பட பலரும் நடித்திருப்பார்கள். படத்தில் பிரியங்கா மோகன் போலீஸ் கான்ஸ்டபிளாக நடித்திருப்பார். இந்த படம் கடந்த வாரம் நெட்பிளிக்ஸ் ஓடிடியில் வெளியாகியுள்ளது.

அத்துடன் தனுஷ் இயக்கத்தில் உருவாகி வரும் நிலவுக்கு என்மேல் என்னடி கோபம் படத்தில் பிரியங்கா மோகன் நடனம் ஆட கோல்டன் ஸ்பாரோ என்ற பாடல் கடந்த சில நாள்களுக்கு முன் வெளியாகி வைரலாகி வருகிறது.

தமிழில் ஜெயம் ரவி ஜோடியாக பிரியங்கா மோகன் பிரதர் என்ற படத்தில் நடித்துள்ளார். இந்த படத்தை ராஜேஸ் எம் இயக்கியுள்ளார். விரைவில் இந்த படம் திரைக்கு வர இருக்கிறது.