என்னை ஒரு சேலை மட்டும் தான் காப்பாத்திச்சு.. உயிரே போய்விடும் என பயந்துட்டேன்.. நடிகை பகிர்ந்த தகவல்

மாபெரும் வெற்றி பெற்ற தேவாரா

இத்திரைப்படம் கடந்த மாதம் 27ம் தேதி தெலுங்கு மட்டுமின்றி தென்னிந்திய மொழிகளிலும், ஹிந்தியிலும் வெளியாகி பெரும் வெற்றியை தந்தது. படம் வெளியான சில நாட்களில் அதிகம் எதிர்மறையான கருத்துகள் மட்டுமே வந்த நிலையில், தற்போது படம் மாபெரும் வெற்றியை பெற்றுள்ளது.

சாதித்த ஜூனியர் என்டிஆர்

படம் வெளியாகி தற்போது 16 நாட்கள் நிறைவடைந்த நிலையில், இத்திரைப்படம் 500 கோடி ரூபாய் வசூலை பெற்றுள்ளதாக படக்குழு அறிவித்துள்ளது. இது இந்த ஆண்டில் வெளியாகி 500 கோடி வசூலை பெற்ற இரண்டாவது படம் என்ற பெயரையும் பெற்றுள்ளது. அத்துடன் இந்தத் திரைப்படமே ஜூனியர் என்டிஆர் நடித்து அதிக வசூலை பெற்ற படம் என்ற சாதனையையும் பெற்றுள்ளது.

ஜான்வி கபூர் பகிர்ந்த ரகசியம்

இது இப்படி இருக்க, இந்த படத்தின் படப்பிடிப்பின் போது நடைபெற்ற சில சம்பவங்கள் குறித்து பேசியுள்ளார் நடிகை ஜான்வி கபூர். இவர் இதுகுறித்து அவரது இன்ஸ்டாகிராமில் தெரிவித்திருந்த செய்தியின் அடிப்படையில், படப்பிடிப்பின் போது அவர் மிகவும் அச்சமடைந்துள்ளது தெரியவந்துள்ளது.

இதுதொடர்பாக அவர் வெளியிட்டுள்ள வீடியோவில், தேவரா படத்தில்ஹிட் அடித்த சுட்டமல்லே பாடலுக்கான படப்பிடிப்பிற்காக நாங்கள் அனைவரும் தாய்லாந்திற்கு சென்றோம். அங்கு, நாங்கள் ஒரு நீர்நிலைக்கு முன்னாள் நடனமாட ஒத்திகை பார்த்துக் கொண்டிருந்தோம். அந்த சமயத்தில் அங்கு உயிருக்கு ஆபத்தான ஜெல்லி மீன்கள் இருந்தது. அதைக் கண்டதும் எனக்கு மிகவும் பயம் ஏற்பட்டுவிட்டது.

சேலை மட்டும் தான் காப்பாற்றியது

அவைகளிடமிருந்து என்னைக் காப்பாற்றிக் கொள்ள வெறும் மெலிதான சேலை மட்டுமே இருந்தது. ஆனால், அந்த ஜெல்லி மீன்களிடமிருந்து நான் உயிர் பிழைப்பேன் என நம்பிக்கை கொண்டிருந்தேன். இந்த திரைப்படத்தின் பாடல் காட்சிகள் என் வாழ்வில் மறக்க முடியாத ஒன்றாக இருக்கும் என நினைக்கிறேன் எனக் கூறியிருந்தார்.

இந்தப் பதிவில், தேவரா படப்பிடிப்பில் நடந்த இந்தச் சம்பவங்களை இப்போது பதிவிடுகிறேன். இந்த சம்பவம் நடந்து நீண்ட நாட்கள் ஆகவில்லை என நினைக்கிறேன் எனக் கூறியுள்ளார்.

மேலும் அந்தப் பதிவில், அவர் நீர்நிலையில் மேற்கொண்ட பயணம், ஜெல்லி மீன்கள் குறித்த எச்சரிக்கை பலகை மற்றும் புகைப்படங்களை பகிர்ந்துள்ளார்.

தேவாரா 2

முன்னதாக இந்தப் படத்தில் ஜான்வி நடித்தது குறித்து பேசிய படத்தின் இயக்குநர் கொரட்டல சிவா, ஜான்வி தென்னிந்தியாவிற்கான பெண். அவரும் ஜூனியர் என்டிஆரும் நல்ல ஜோடி எனக் கூறியிருந்தார். இந்நிலையில், இந்தப் படத்தின் 2ம் பாகம் வருவது குறிப்பிடத்தக்கது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.