பாலத்தில் இருந்து கீழே விழுந்த சிவகார்த்திகேயன்.. மொத்தமாக குவிந்த மக்கள்.. ஜாம் ஆன சென்னை..

இந்த நிலையில், சிவகார்த்திகேயன் நடிக்கும் அடுத்த படத்தின் படப்பிடிப்பு தற்போது சென்னையில் நடைபெற்று வருகிறது. சென்னை தாம்பரம் அடுத்த சதானந்தபுரம் பகுதியில் நடிகர் சிவகார்த்திகேயனின் புதிய படத்திற்கான படப்பிடிப்பு நடைபெறுவதால் நெடுங்குன்றம் வண்டலூர் ஆலப்பாக்கம் ஆகிய பகுதிகளில் கடுமையான போக்குவரத்து பாதிப்பு ஏற்பட்டுள்ளதாகத் தகவல் வெளியாகி உள்ளது.

பாலத்தில் இருந்து விழுந்த சிவகார்த்திகேயன்

சதானந்தபுரம் பகுதியில் நடக்கும் இந்தப் படப்பிடிப்பில், புதியதாக கட்டப்பட்ட மேம்பாலத்தில் இருந்து சிவகார்த்திகேயன் கீழே குதிக்கும் காட்சி படமாக்கப்பட்டு வருகிறது. இந்த படப்பிடிப்பைக் காண வாகன ஓட்டிகள் ஆங்காங்கே நின்று கொண்டு வேடிக்கை பார்ப்பதால் அந்தப் பகுதியில் வாகனங்கள் அணிவகுத்து போக்குவரத்து நெரிசல் ஏற்பட்டுள்ளது எனத் தெரியவந்துள்ளது.

புதிய ஆளுமையாக உருவெடுக்கும் சிவகார்த்திகேயன்

தமிழ் சினிமாவின் மற்றொரு பெரிய ஆளுமையாக நடிகர் சிவகார்த்திகேயன் உருவெடுத்து உள்ளார். அதிலும் இ வர் தேர்ந்தெடுத்து நடிக்கும் படங்களும் அவருக்கான சிறப்பான வரவேற்பை பெற்று வருகிறது. கடந்த தீபாவளி அன்று வெளியான அமரன் திரைப்படம் ரூ.270 கோடியை கடந்து வசூலை அள்ளிக் குவித்து வருகிறது.

மேலும் அமரன் படத்தில் இராணுவ வீரர் முகுந்த் வரதாராஜனாகவே தெரிந்தார் எனப் பலரும் கூறி வரும் நிலையில், பல அரசியல் தலைவர்களும் இப்படத்தை பாராட்டி வருகின்றனர். மற்ற மொழி ரசிகர்களும் அமரன் படத்தை பெரிதும் கொண்டாடி வருகின்றனர்.

அடுத்தடுத்த படங்களில் பிஸியான எஸ்கே

இந்த நிலையில் தற்போது இயக்குனர் ஏ. ஆர். முருகதாஸ் இயக்கத்தில் ஒரு படத்தில் நடித்து வருகிறார். இதைத் தொடர்ந்து இயாயக்குனர் சிபி சக்கரவர்த்தி மற்றும் நெல்சன் தீலீப் குமார் ஆகியோர் இயக்கத்திலும் இரண்டு படங்களில் கமிட் ஆகியுள்ளார்.

சுதா கொங்கரா இயக்கத்தில் சூர்யா நடித்து வந்த புறநானூறு படம் கைவிடப்பட்ட நிலையில், தற்போது சூர்யாவிற்கு பதில் சிவகார்த்திகேயன் நடிக்க உள்ளார்.

வலிமையான கூட்டணி

தமிழ் சினிமா உலகின் பார்வையே சிவகார்த்திகேயன் மீது மாற்றம் அடைந்து வருகிறது. வித்தியாசமான கதையை தேர்ந்தெடுத்து வருவதால் இனி இவர் நடிக்கப் போகும் படங்களிலும் நிச்சயமாக இணைவார் என ரசிகர்கள் எதிர்ப்பார்த்துள்ளனர்.

இந்நிலையில், தற்போது சென்னையில் சிவகார்த்திகேயனின் எந்தப் படத்தின் படப்பிடிப்பு நடந்து வருகிறது? ஏன் அவர் பாலத்தில் இருந்து குதிக்கிறார்? இது சண்டைக் காட்சியா போன்ற பல கேள்விகள் ரசிகர்களுக்கு எழுந்து வருகிறது. இவர், லோகேஷ் கனகராஜின் இயக்கத்தில் உருவாகிவரும் கூலி படத்தில் நடிகர் ரஜினி காந்த்துடன் இணைந்து பணியாற்ற உள்ளார் என பல தகவல்கள் பரவி வரும் நிலையில், இந்தப் படப்பிடிப்பு கூலி படத்திற்காக இருக்குமோ என பலரும் சந்தேகித்து வருகின்றனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.