Top 10 Cinema : கங்குவா ரிலீஸுக்கு மீண்டும் சிக்கல்.. சிவகார்த்திகேயனின் அடுத்த அதிரடி.. புஷ்பா 2 அப்டேட்!
Top 10 Cinema : கங்குவா ரிலீஸுக்கு மீண்டும் சிக்கல், சிவகார்த்திகேயனின் அடுத்த அதிரடி, புஷ்பா 2 அப்டேட் என இன்றைய முக்கிய டாப் 10 சினிமா செய்திகளை பார்க்கலாம்.
நடிகர் சிவகார்த்திகேயன் அடுத்ததாக இயக்குனர் சுதா கொங்கரா யக்கும் படத்தில் நடிக்க இருப்பதாக தகவல், லக்கி பாஸ்படம் வெளியாகி 12 நாட்கள் நிறைவடைந்த நிலையில், தெலுங்கில் 32.09 கோடி ரூபாயும், தமிழில் 9.38 கோடி ரூபாயும், இந்திய அளவில் 63.05 கோடி ரூபாயும், உலகளவில் 86.25 கோடி ரூபாய் வசூல் என இன்றைய முக்கிய டாப் 10 சினிமா செய்திகளை பார்க்கலாம்.
நடிகர் சிவகார்த்திகேயனின் அடுத்த அதிரடி!
நடிகர் சிவகார்த்திகேயன் அடுத்ததாக இயக்குனர் சுதா கொங்கரா யக்கும் படத்தில் நடிக்க இருப்பதாக தகவல் வெளியாகி உள்ளது. இறுதிசுற்று படத்தை இயக்கியதன் மூலம் பிரபலமான இயக்குனர் சுதா கொங்கரா, நடிகர் சூர்யாவை வைத்து சூரரை போற்று படத்தை இயக்கி இருந்தார். இந்த இரு படங்களும் வசூல் ரீதியாகவும், விமர்சன ரீதியாகவும் மக்களிடத்தில் பெரும் வரவேற்பை பெற்றிருந்தது. இந்நிலையில் சில மாதங்களுக்கு முன்பு அவர் நடிகர் சூர்யாவை வைத்து புறநானூறு எனும் படத்தை இயக்கி வருவதாக தகவல் வெளியிடப்பட்டது. இருப்பினும் சூர்யா அப்படத்தில் இருந்து விலகியதால் படப்பிடிப்பு கைவிடப்பட்டது. தற்போது இந்த படத்தில் நடிகர் சிவகார்த்திகேயன் கமிட் ஆக உள்ளார் எனத் தகவல் வெளியாகியுள்ளது.
புஷ்பா 2 அப்டேட்
புஷ்பா 2 திரைப்படம் வருகின்ற டிசம்பர் மாதம் 5-ஆம் தேதி உலகம் முழுவதும் வெளியாகவுள்ளது. படம் வெளியாக இன்னும் சில நாட்கள் மட்டுமே இருக்கும் நிலையில், படத்திற்கான ப்ரோமோஷன் பணிகள் இப்போது படக்குழு தொடங்கி விட்டது. புஷ்பா 2 படத்தின் டிரைலர் வெளியாகும் தேதி குறித்த தகவலும் தற்போது வெளியாகியுள்ளது. அதன்படி, பெரிதும் எதிர்பார்க்கப்பட்ட புஷ்பா 2 படத்தின் டிரைலர் வரும் நவம்பர் மாதம் 17-ஆம் தேதி வெளியாகும் என அறிவிக்கப்பட்டுள்ளது.
லக்கி பாஸ்கர் பாக்ஸ் ஆபிஸ் வசூல்
நடிகர் தனுஷின் வாத்தி படத்தை இயக்கிய தெலுங்கு இயக்குநர் வெங்கி அட்லூரி பொருளாதார குற்றப் பின்னணியை மையமாக வைத்து இயக்கிய படம் லக்கி பாஸ்கர். இந்தப் படத்தில் துல்கர் சல்மான், மீனாட்சி சவுத்ரி, ராம்கி, சச்சின் கடேக்கர் உள்ளிட்ட பலர் நடித்துள்ளனர். லக்கி பாஸ்கர் திரைப்படம் தீபாவளி பண்டிகையை முன்னிட்டு திரையரங்குகளில் வெளியானது. இந்நிலையில் படம் வெளியாகி 12 நாட்கள் நிறைவடைந்த நிலையில், தெலுங்கில் 32.09 கோடி ரூபாயும், தமிழில் 9.38 கோடி ரூபாயும், இந்திய அளவில் 63.05 கோடி ரூபாயும், உலகளவில் 86.25 கோடி ரூபாய் வசூலும் பெற்றுள்ளதாக sacnilk.com இணையதளம் தெரிவித்துள்ளது.
அமரன் பாக்ஸ் ஆபிஸ் வசூல்
அமரன் திரைப்படம் தீபாவளி பண்டிகை பண்டிகையன்று அக்டோபர் 31ம் தேதி திரையரங்குகளில் வெளியானது. இந்தப் படம் வெளியாகும் முன்னரே ப்ரீ புக்கிங்கில் அதிக வசூலைப் பெற்ற நிலையில், வெளியான 12 நாட்களிலும் மக்களிடம் நல்ல வரவேற்பு கிடைத்துள்ளது. இந்திய அளவில் பார்க்கும் போது படம் 12 நாட்களில் 177 கோடி ரூபாய் வசூலை பெற்றுள்ளது. மேலும், உலகளவில் 248 கோடி ரூபாய் வசூலை பெற்றுள்ளதாக sacnilk.com இணையதளம் கூறியுள்ளது.
செல்லா அய்யாவு தனுஷூடன் இணைய இருப்பதாக தகவல்
கட்டா குஸ்தி திரைப்படத்தை இயக்கிய பிரபல இயக்குநரான செல்லா அய்யாவு தனுஷூடன் இணைய இருப்பதாக தகவல் வெளியாகின. அவர் சொன்ன கதை தனுஷூக்கு பிடித்திருந்தாலும், கதையில் பல்வேறு மாற்றங்களை செய்ய சொல்லி இருக்கிறார் தனுஷ். அதனை அவர் செய்து வந்த போதும் தனுஷூக்கு அதில் உடன்பாடு ஏற்படவில்லையாம். இறுதியில் தனுஷ் மற்றும் செல்லா அய்யாவு இணைவதாக இருந்த படம் கைவிடப்பட்டதாக தகவல்கள் வருகின்றன.
தயாரிப்பாளர் எஸ்.நந்தகோபால் மனைவி காலமானார்
ரோமியோ ஜூலியட், கத்திசண்டை , 96 போன்ற படங்களை தயாரித்த மெட்ராஸ் எண்டர்பிரைசஸ் தயாரிப்பாளர் எஸ்.நந்தகோபால் மனைவி திருமதி N.அமுதா நேற்று மாலை காலமானார். அம்மையாரது உடல் No.54,வேலாயுதம் காலணி இரண்டாவது தெரு, சாலிகிராமத்தில் உள்ள அவரது அலுவலகத்தில் அஞ்சலிக்காக இன்று காலை வைக்கப்படுகிறது.
கங்குவா ரிலீஸுக்கு மீண்டும் சிக்கல்
ரூபாய் 20 கோடியை வரும் 13 ஆம் தேதிக்குள் உயர் நீதிமன்ற சொத்தாட்சியருக்கு செலுத்தாமல் கங்குவா திரைப்படத்தை வெளியிடக் கூடாது என ஸ்டூடியோ கிரீன் நிறுவனத்திற்கு சென்னை உயர் நீதிமன்றம் உத்தரவு பிறப்பித்துள்ளது. இதனால், கங்குவார் ரிலீஸுக்கு மீண்டும் சிக்கல் ஏற்பட்டுள்ளது.
அவதார்: ஃபயர் அண்ட் ஆஷ் படத்தின் பர்ஸ்ட் லுக்
ஜேம்ஸ் கேமரூன் இயக்கத்தில் உருவாகி வரும் அவதார்: ஃபயர் அண்ட் ஆஷ் படத்தின் பர்ஸ்ட் லுக் போஸ்டரை பகிர்ந்துள்ளார். இது அவதார் உலகத்தின் பண்டோரா உலகம் குறித்தான எதிர்ப்பார்ப்பை பார்வையாளர்களுக்கு வழங்குகிறது.
பதிலடி கொடுத்த இயக்குநர் ராஜ்குமார் பெரியசாமி
அமரன் திரைப்படத்தில் முகுந்தின் அடையாளம் காண்பிக்கப்படவில்லை, விக்ரம் சிங் சொன்ன வார்த்தை வேறு மாதிரியாக இருந்தது என்று விமர்சனங்கள் எழுந்த நிலையில், அதற்கு பதிலடி கொடுத்திருக்கும் அந்தப்படத்தின் இயக்குநர் ராஜ்குமார் பெரியசாமி, “ `போல் பஜ்ரங் பாலி கி ஜே' என்பது ராஜ்புட் ரெஜிமென்ட்டின் 44 RR பெட்டாலியனின் போர்க்குரல். அதை நான் வேறு மாதிரி மாற்றி எடுக்க முடியாது. அதை மாற்றி எடுத்தால் பிழையாகி விடும்.
டாபிக்ஸ்