சூப்பர் ஸ்டார் எல்லாம் இனி சும்மா! ஒத்த படத்துக்கு கத்தையாக காசு வாங்கிய நடிகர்!

100 கோடி பென்ச் மார்க்

இதனால், நடிகர்கள் அவர்களின் மார்க்கெட்டிற்கு தகுந்தார் போல தங்களது சம்பளத்தில் கோடிகளை அதிகரித்து வருகின்றனர். அப்படிப் பார்த்தால் சில நாட்களுக்கு முன் அதிகபட்ச சம்பளமே 100 கோடி ரூபாய் என்ற பென்ச் மார்க் இருந்தது. ஆனால், அமிதாப் பச்சன், ரஜினி காந்த், ஷாருக் கான், சல்மான் கான், விஜய் என முன்னணி நடிகர்கள் அவர்களது சம்பளத்தை 100 கோடியிலிருந்து உயர்த்தினர்.

ரஜினி- விஜய் போட்டி

சமீபத்திய தகவலின் படி, நடிகர் ரஜினி காந்த் அவரின் ஜெயிலர் படத்திற்கு 250 கோடி ரூபாய் சம்பளம் வாங்கியதே அதிகம் எனக் கூறப்பட்டது. பின், இதனை நடிகர் விஜய் முறியடித்து அவரது நடிப்பில் கடைசியாக வெளியான கோட் படத்திற்கு 250 கோடி ரூபாய் சம்பளத்தை வாங்கினார். இதன் மூலம் இந்தியத் திரையுலகில் அதிகம் சம்பளம் வாங்கும் நடிகர்களாக கோலிவுட்டைச் சேர்ந்த நடிகர்கள் ரஜினி காந்த்தும், விஜய்யும் இருந்து வந்தனர்,

முன்னேறி வந்த டோலிவுட் ஹீரோ

தற்போது இவர்களை எல்லாம் ஓரம்கட்டும் விதமாக டோலிவுட் நடிகர் ஒருவர் உள்ளே வந்துள்ளார். டோலிவுட்டின் சாக்லெட் பாயாக இருந்த அல்லு அர்ஜூன் சுகுமார் இயக்கத்தில் புஷ்பா தி ரைஸ் திரைப்படத்தில் நடித்தார். இந்தப் படம் தெலுங்கில் மட்டுமல்ல, தமிழ், இந்தி என பல மொழிகளில் ஹிட் அடித்தது. இதனால், இந்தப் படத்திற்கான மார்க்கெட் வேல்யூ அதிகரித்தது. இதன் அடுத்த பாகம் எப்போது வரும் எனவும் பலரும் காத்திருந்தனர்.

இந்தப் படத்தின் கதை, அல்லு அர்ஜூனின் நடிப்பு, வசனம், படத்தின் ஒளிப்பதிவு, இசை, பாடல் என அனைத்தும் ரசிகர்களைக் கவர்ந்தது. முதலில் படத்தைப் பார்க்க விரும்பாதவர்கள் கூட தற்போது புஷ்பாவின் ரசிகர்களாகி விட்டனர்.

ஹைப்பை ஏற்றிய பிரபலங்கள்

புஷ்பா படத்தில் வரும் பஞ்ச் வசனங்கள் ஹிட் அடித்த நிலையில், கிரிக்கெட் வீரர் வார்னர் தன் குடும்பத்துடன் ரீல்ஸ் எடுத்து தன் பங்குக்கு ஹைப் கொடுத்தார். அதுமட்டுமின்றி, சமந்தா ஆடிய ஊ சொல்றியா மாமா பாடல் உலகளவில் பல சாதனைகளை முறியடித்தது. இதனால், இந்தப் படம் உலக அரங்கில் பலரின் கவனத்தையும் இழுத்தது.

இதனால், இப்படத்தின் இயக்குநர் சுகுமார் படத்தின் 2ம் பாகத்தை மிகுந்த சிரத்தையுடன் எடுத்து வருகிறார். புஷ்பா 2 படம் அடுத்த மாதம் வெளியாக உள்ள நிலையில் படத்தில் பணியாற்றியவர்களுக்கு வழங்கப்பட்ட சம்பள விவரம் வெளியாகியுள்ளது.

புஷ்பா தி ரூல் சம்பளம்

அதன்படி, படத்தின் இயக்குநர் சுகுமார் 15 கோடி ரூபாய் சம்பளம் பெற்றுள்ளார். படத்தில் வில்லனாக வரும் பகத் பாசில் 8 கோடி ரூபாய் சம்பளமாக பெற்றுள்ளாராம். இசையமைப்பாளர் தேவி ஸ்ரீ பிரசாத் 5 கோடி ரூபாயும், ஒரே பாடலுக்கு ஆட வந்த ஸ்ரீலீலா 2 கோடி ரூபாயும் பெற்றுள்ளார்.

மேலும், இந்தப் படத்தின் கதாநாயகனான அல்லு அர்ஜூனுக்கு 300 கோடி ரூபாய் சம்பளம் வழங்கப்பட்டுள்ளது. இதை வைத்துப் பார்க்கும் போது, தற்போது இந்திய அளவில் அதிகம் சம்பளம் வாங்கும் நடிகர்கள் இடத்தில் அல்லு அர்ஜூன் முதல் இடத்தில் உள்ளார்.

வெளியாகும் முன்னே வசூல்

புஷ்பா தி ரூல் படம் சுமார் 1000 கோடி ரூபாய் வசூலை எட்டும் என எதிர்பார்த்து வருகின்றனர். மேலும் இந்தப் படம் வெளியாகும் முன்பே பல கோடி ரூபாய் வசூல் செய்துள்ளதாகவும், இதனால், நிச்சயம் மக்கள் எதிர்பார்ப்பை பூர்த்தி செய்து வசூல் வெற்றி பெரும் என்றும் கூறி வருகின்றனர்.