Mitchell Starc: ஒரே ஓவரில் 28 ரன்கள் வாரி வழங்கிய ஸ்டார்க்..பிரித்தெடுத்த இங்கிலாந்து பேட்ஸ்மேன்! அதிரடி விடியோ
Published Sep 28, 2024 01:52 PM IST
Mitchell Starc: ஒரே ஓவரில் 28 ரன்கள் வாரி வழங்கிய ஸ்டார்க், ஆஸ்திரேலியா பவுலர்களில் மோசமான சாதனை ஒன்றையும் நிகழ்த்தியுள்ளார். ஸ்டார்க் தனது அதிரடியால் பிரித்தெடுத்த இங்கிலாந்து பேட்ஸ்மேன் லிவிங்ஸ்டன் சிக்ஸர்கள் பறக்க விட்ட அதிரடி விடியோ வைரலாகி வருகிறது.
Mitchell Starc: ஒரே ஓவரில் 28 ரன்கள் வாரி வழங்கிய ஸ்டார்க்..பிரித்தெடுத்த இங்கிலாந்து பேட்ஸ்மேன்! அதிரடி விடியோ (AFP)
இங்கிலாந்து சுற்றுப்பயணம் செய்திருக்கும் ஆஸ்திரேலியா டி20, ஒரு நாள் என வெள்ளை பந்து கிரிக்கெட் தொடரில் விளையாடி வருகிறது. முதலில் நடைபெற்ற 3 போட்டிகள் கொண்ட டி20 தொடர் 1-1 என்ற கணக்கில் டிரா ஆகியுள்ளது.
இதைத்தொடர்ந்து 5 போட்டிகள் கொண்ட ஒரு நாள் தொடர் நடைபெற்று வருகிறது. முதல் மூன்று போட்டிகளில் ஆஸ்திரேலியா 2, இங்கிலாந்து ஒரு போட்டியில் வெற்றியை பெற்றுள்ளது.
இதையடுத்து இரு அணிகளுக்கு இடையிலான நான்காவது ஒரு நாள் போட்டி லார்ட்ஸ் மைதானத்தில் நடைபெற்றது. இதில் முதலில் பேட் செய்த இங்கிலாந்து 39 ஓவரில் 5 விக்கெட் இழப்புக்கு 312 ரன்கள் எடுத்தது.