தமிழ் செய்திகள்  /  Cricket  /  Shubman Gills Split-second Decision-making Reminds Ipl Fans Of Rohit Sharma

Shubman:டாஸ் ஜெயிச்சதும் ஃபர்ஸ்ட் பேட்டிங்னு சொல்லிட்டு உடனே முடிவை மாத்தின கில்-ரோகித்தை நினைவூட்டியதாக கூறிய ஃபேன்ஸ்

Manigandan K T HT Tamil
Mar 27, 2024 08:19 AM IST

Shubman Gill: சுப்மன் கில்லின் இரண்டாவது முடிவு சிஎஸ்கேவுக்கு எதிரான குஜராத் டைட்டன்ஸ் போட்டிக்கு முன்பு ரோஹித் சர்மாவை ஐபிஎல் ரசிகர்களுக்கு நினைவூட்டியது. ரோகித் சர்மா நியூசிலாந்துக்கு எதிரான ஒரு நாள் கிரிக்கெட்டில் டாஸ் வென்ற பிறகு இதேபோல் முடிவை சட்டென மாற்றினார்.

டாஸ் ஜெயித்ததும் முடிவை மாற்றிய கில்.
டாஸ் ஜெயித்ததும் முடிவை மாற்றிய கில். (AFP-PTI)

ட்ரெண்டிங் செய்திகள்

சிஎஸ்கேவின் கோட்டையில் டாஸ் வென்ற பிறகு, தொடக்க வீரர் சுப்மன் கில், குஜராத் முதலில் பேட்டிங் செய்யும் என்று கூறினார். இருப்பினும், கில் உடனடியாக திருத்தங்களைச் செய்து போட்டி நடுவர் முன்னிலையில் தனது முடிவை மாற்றி பவுலிங்கை செய்வதாக கூறினார். எம்.எஸ்.தோனியின் ஆலோசனையில் இயங்கி வரும் சிஎஸ்கே அணிக்கு எதிரான ஐபிஎல் 2023 இறுதிப் போட்டிக்கு பிறகு மீண்டும் குஜராத் டைட்டன்ஸ் பேட்டிங் செய்வதற்கு பதிலாக பீல்டிங் செய்வதை உறுதிப்படுத்திய பின்னர் ஜிடி கேப்டன் புன்னகைத்தார். டாஸ் போட்ட பிறகு இந்தியாவின் முன்னாள் பேட்ஸ்மேன் மஞ்ச்ரேக்கருடன் பேசிய சுப்மன் கில், சூப்பர் கிங்ஸுக்கு எதிராக 2022 வெற்றியாளர்கள் மாற்றமின்றி உள்ளனர் என்பதை வெளிப்படுத்தினார்.

நரேந்திர மோடி ஸ்டேடியத்தில் மும்பை இந்தியன்ஸுக்கு எதிரான குஜராத் டைட்டன்ஸின் ஐபிஎல் 2024 தொடக்க ஆட்டத்தையும் சுப்மன் நினைவு கூர்ந்தார். நாங்கள் முதலில் பந்து வீசியிருந்தால் அந்த (மும்பை இந்தியனுக்கு எதிராக) போட்டி உடல் ரீதியாகவும் மனரீதியாகவும் சோர்வடைந்ததிருக்கும். ஆனால் நாங்கள் முதலில் பேட்டிங் செய்தோம். அனைவரும் நன்றாக ஓய்வெடுத்து, விளையாடி வருகின்றனர். போட்டிகளுக்கு இடையில் எங்களுக்கு போதுமான ஓய்வு நேரம் கிடைக்கிறது. இது அணியின் தன்மையை காட்டுகிறது, மும்பைக்கு எதிராக எங்கள் பந்துவீச்சாளர்கள் பவுன்ஸ் செய்த விதம் அபாரம்" என்று டாஸ் வென்ற பின்னர் சுப்மன் கூறினார். 

முதலில் பேட் செய்த சென்னை சூப்பர் கிங்ஸ், 206 ரன்கள் குவித்தது. சிஎஸ்கே டாப் ஆர்டர் அதிரடியாக பேட் செய்த நிலையில் டூபே 51 , ரச்சின் ரவீந்திரா 46, ருதுராஜ் கெய்க்வாட் 46 ரன்கள் எடுத்தனர்.

குஜராத் பவுலர்கள் ரஷித் கான் 2, சாய் கிஷோர், ஸ்பென்சர் ஜான்சன், மோகித் ஷர்மா ஆகியோர் தலா ஒரு விக்கெட்டை எடுத்தனர்.

இதைத்தொடர்ந்து 207 ரன்கள் என்ற இமாலய இலக்கை சேஸ் செய்த குஜராத் டைட்டன்ஸ் 20 ஓவரில் 8 விக்கெட் இழப்புக்கு 143 ரன்கள் எடுத்தது. இதனால் சிஎஸ்கே அணி 63 ரன்கள் வித்தியாசத்தில் மிகப் பெரிய வெற்றியை பெற்றது.

குஜராத் அணியில் அதிகபட்சமாக சாய் சுதர்சன் 37, மில்லர் 21, விருத்திமன் சாஹா 21 ரன்கள் எடுத்தனர். சிஎஸ்கே பவுலர்களில் தீபக் சஹார், துஷார் தேஸ்பாண்டே, முஸ்தபிசுர் ரஹ்மான் ஆகியோர் தலா 2 விக்கெட்டை எடுத்தனர்.

முதல் போட்டியில் 4, இந்த போட்டியில் 2 என தற்போது வரை 6 விக்கெட்டை கைப்பற்றியிருக்கும் முஸ்தபிசுர் ரஹ்மான், அதிக விக்கெட்டுகளை எடுக்கும் பவுலருக்கு கொடுக்கப்படும் பர்பிள் தொப்பியை தன் வசம் வைத்துள்ளார்.

IPL_Entry_Point