IPL 2024 Orange Cap list: ஆரஞ்ச் கேப் லிஸ்டில் ரிஷப் பந்த்துக்கு எத்தனையாவது இடம்? முதலிடத்தில் யார்?

நடப்பு ஐபிஎல் 2024 சீசனில் லக்னோ சூப்பர் ஜெயண்ட்ஸ் அணியை 6 விக்கெட் வித்தியாசத்தில் வீழ்த்தி டெல்லி கேபிடல்ஸ் அணி இரண்டாவது வெற்றியை பதிவு செய்தது. 168 ரன்கள் எடுத்தால் வெற்றி என்ற இலக்குடன் களமிறங்கிய டெல்லி அணி 18.1 ஓவர்களில் 4 விக்கெட் இழப்புக்கு 170 ரன்கள் எடுத்தது. டெல்லி கேப்டன் ரிஷப் பந்த் 24 பந்துகளில் 41 ரன்கள் குவித்தார். எல்.எஸ்.ஜி அணியின் பந்துவீச்சாளர் ரவி பிஷ்னோய் 2 விக்கெட்டுகளை வீழ்த்தினார்.

ஆரம்பத்தில் ஆயுஷ் பதோனி 35 பந்துகளில் 55 ரன்கள் எடுத்து ஆட்டமிழக்காமல் இருக்க, எல்எஸ்ஜி அணி 20 ஓவர்களில் 7 விக்கெட் இழப்புக்கு 167 ரன்கள் எடுத்தது. டெல்லி அணி தரப்பில் குல்தீப் யாதவ் 3 விக்கெட்டுகளையும், கலீல் அகமது 2 விக்கெட்டுகளையும் வீழ்த்தினர்.

போட்டிக்குப் பிறகு பேசிய ரிஷப் பந்த், "கொஞ்சம் நிம்மதியாக இருக்கு. நாங்கள் ஒரு வெற்றியை விரும்பினோம். நாங்கள் சாம்பியன்களைப் போல சிந்திக்க வேண்டும், நாங்கள் தொடர்ந்து கடுமையாகப் போராட வேண்டும் என்று நான் எங்கள் அணி வீரர்களிடம் பேசினேன். பந்துவீச்சில் இன்னும் முன்னேற வேண்டியுள்ளது. சில தனிநபர்கள் அதற்கு பொறுப்பேற்க வேண்டும். இருப்பினும், நாங்கள் ஒரு குழுவாக ஒன்றிணைகிறோம். சில விஷயங்களை உங்களால் கட்டுப்படுத்த முடியும், சில விஷயங்களை நம்மால் கட்டுப்படுத்த முடியாது.

நாங்கள் சரியான பிளேயிங் லெவனை நெருங்கி வருகிறோம் என்று நினைக்கிறேன், ஆனால் இந்தக் குழுவில் எங்களுக்கு பல காயங்கள் ஏற்பட்டுள்ளன. இருப்பினும், நாங்கள் அதைப் பற்றி புகார் செய்ய முடியாது. (ஃப்ரேசர்-மெக்கர்க் மீது) எங்கள் புதிய நம்பர் 3 பேட்டிங் வரிசையை நாங்கள் கண்டுபிடித்துவிட்டோம் என்று நம்புகிறோம், அதைப் பற்றி அதிகம் சிந்திக்கவில்லை. அவர் தொடர முடியும் என்று நம்புகிறேன்" என்று அவர் மேலும் கூறினார்.

ஐபிஎல் 2024 ஆரஞ்சு கேப்

எல்எஸ்ஜி vs டிசிக்குப் பிறகு

ஐபிஎல் 2024 ஆரஞ்சு தொப்பி பந்தயத்தில் விராட் கோலி 319 ரன்களுடன் முதலிடத்தில் உள்ளார். ராஜஸ்தான் ராயல்ஸ் அணியின் நட்சத்திர வீரர் ரியான் பராக் 261 ரன்களுடன் 2-வது இடத்திலும், ஜிடி கேப்டன் ஷுப்மன் கில் 255 ரன்களுடன் 3-வது இடத்திலும் உள்ளனர். ராஜஸ்தான் ராயல்ஸ் கேப்டன் சஞ்சு சாம்சன் (246) நான்காவது இடத்திலும், ஜிடி பேட்ஸ்மேன் சாய் சுதர்சன் (226) ஐந்தாவது இடத்திலும் உள்ளனர். பந்த் (194), டிரிஸ்டன் ஸ்டப்ஸ் (189) முறையே ஆறாவது, ஏழாவது இடத்தில் உள்ளனர் என்பது குறிப்பிடத்தக்கது.

ஐபிஎல் தொடங்கியதில் இருந்து ஒவ்வொரு ஆண்டும், ஒரு சீசனில் அதிக ரன்கள் எடுத்த பேட்ஸ்மேனுக்கு ஆரஞ்சு தொப்பி வழங்கப்படுகிறது. இதுவரை 16 சீசன்கள் முடிந்துள்ளன. மொத்தம் 13 வீரர்கள் இந்த ஆரஞ்சு தொப்பியை வென்றுள்ளனர். டேவிட் வார்னர் மூன்று முறை இந்தத் தொப்பியை வென்றுள்ளார் என்பது குறிப்பிடத்தக்கது. 2015, 2017 மற்றும் 2019 சீசன்களில் லீக்கில் அதிக ரன்கள் அடித்தவர் என்ற ஆரஞ்சு தொப்பியை வார்னர் பெற்றார். இந்த மூன்று சீசன்களிலும் சன்ரைசர்ஸ் ஹைதராபாத் அணிக்காக விளையாடினார். சிக்ஸர் மன்னரான கிறிஸ் கெய்ல் 2011 மற்றும் 2012ல் இரண்டு முறை ஆரஞ்சு தொப்பியை வென்றார். அவர் அந்த இரண்டு சீசன்களிலும் முறையே 608 மற்றும் 733 ரன்கள் எடுத்தார்.