தமிழ் செய்திகள்  /  Astrology  /  A 190 Tonne Single Stone Statue Of Arulmigu Puliakulam Mundhi Vinayagar

HT Yatra: ஒரே கல்.. 190 டன் எடை.. ஆசியாவிலேயே மிகப்பெரிய முந்தி விநாயகர்

Suriyakumar Jayabalan HT Tamil
Mar 16, 2024 06:00 AM IST

Mundhi Vinayagar Temple: தமிழ் புத்தாண்டு தினத்தன்று இங்கு வீற்றிருக்கக்கூடிய விநாயகருக்கு 5 டன் எடை கொண்ட காய்கறிகள், பழங்கள் உள்ளிட்டவைகளால் அலங்காரம் செய்யப்படுவது மிகப்பெரிய சிறப்பாகும். நவராத்திரி திருநாளில் இங்கு வீற்றிருக்கக்கூடிய விநாயகருக்கு ராஜ அலங்காரம் செய்யப்படும்.

அருள்மிகு முந்தி விநாயகர் திருக்கோயில்
அருள்மிகு முந்தி விநாயகர் திருக்கோயில்

ட்ரெண்டிங் செய்திகள்

விநாயகர் பெருமானை வணங்கி விட்டு அடுத்த செயலை செய்ய வேண்டும் என்பதற்காகவே அமைத்துக் கோயில்களிலும் முதன்மை நாயகனாக வீற்றிருக்கிறார் விநாயகர். தனக்கென மற்ற கடவுள்கள் தனி கோயில்கள் கொண்டிருந்தாலும் வெறும் மரத்தடியில் பக்தர்களுக்கு அருள் பாலித்து வரும் கடவுளாக விநாயகர் விளங்கி வருகின்றார்.

இவருக்கு பல்வேறு சிறப்பு மிக்க கோயில்கள் உள்ளது. அப்படி சிறப்பு வாய்ந்த கோவில்களில் ஒன்றுதான் கோயம்புத்தூர் புளியகுளம் முந்தி விநாயகர் திருக்கோயில். ஆசியாவிலேயே மிகப்பெரிய சிலை கொண்ட திருக்கோயிலாக இந்த முந்தி விநாயகன் திருக்கோயில் விளங்கி வருகின்றது.

தலத்தின் பெருமை

 

சங்கடஹர சதுர்த்தி, சித்திரை திருநாள் என அனைத்து திரு நாட்களிலும் இங்கு விநாயகருக்கு விசேஷ பூஜைகள் நடைபெறுவது வழக்கம். பக்தர்கள் வேண்டிக் கொள்ளும் வேண்டுதலை அப்படியே இந்த விநாயகப் பெருமான் நிறைவேற்றுவார் என நம்பப்படுகிறது.

தினமும் இந்த விநாயகருக்கு 3 டன் எடை கொண்ட மலர்களால் மாலை அணிவிக்கப்பட்டு ராஜா அலங்காரம் செய்யப்படுகின்றது. விழா காலங்களில் ஆயிரக்கணக்கான பக்தர்கள் இவரை காண்பதற்காக இங்கு வருகின்றனர்.

தமிழ் புத்தாண்டு தினத்தன்று இங்கு வீற்றிருக்கக்கூடிய விநாயகருக்கு 5 டன் எடை கொண்ட காய்கறிகள், பழங்கள் உள்ளிட்டவைகளால் அலங்காரம் செய்யப்படுவது மிகப்பெரிய சிறப்பாகும். நவராத்திரி திருநாளில் இங்கு வீற்றிருக்கக்கூடிய விநாயகருக்கு செய்யப்படும் ராஜ அலங்காரத்தை காண்பதற்காகவே ஆயிரக்கணக்கான பக்தர்கள் இங்கு குவிந்து வருகின்றனர்.

ஆசியாவிலேயே மிகப்பெரிய விநாயகர் சிலையாக இந்த திருக்கோயிலில் வீற்றிருக்கக்கூடிய விக்ரகம் விளங்கி வருகின்றது. இவருடைய நெற்றி மட்டுமே இரண்டடி அகலம் ஆகும். நான்கு திருக்கரங்கள் கொண்ட இவர், வலது முன் கரத்தில் தந்தமும், பின்கரத்தில் அங்குசமும் இடது பக்கம் முன்புறத்தில் இருக்கக்கூடிய கரத்தில் பலாப்பழமும், அதே பக்கத்தில் பின்பக்கத்தில் இருக்கக்கூடிய கரத்தில் பாசக்கயிறு கொண்டு முந்தி விநாயகர் காட்சி கொடுத்து வருகிறார்.

தல வரலாறு

 

மிகப்பெரிய உருவம் கொண்ட இந்த விநாயகர் பெருமானின் நெற்றி மட்டும் இரண்டு அடி அகலம் கொண்டதாகும். கோயம்புத்தூர் மாவட்டத்தில் புளியகுளம் பகுதியில் அமைந்துள்ள இந்த முந்தி விநாயகர் திருக்கோயில் ஆசியாவிலேயே மிகப்பெரிய உருவம் கொண்டவராக திகழ்ந்து வருகின்றார்.

இந்த விநாயகர் 19 அடி பத்துவங்களை உயரம் கொண்டவராகவும், 11 அடி பத்து அங்குள்ள அகலம் கொண்டவராகவும் திகழ்ந்து வருகின்றார். கிட்டத்தட்ட இந்த விநாயகர் 190 டன் எடை கொண்டவர் ஆவார். திருப்பூர் மாவட்டத்தில் இருக்கக்கூடிய ஊத்துக்குளி என்ற இடத்தில் 20 அடி ஆழத்திலிருந்து எந்த பாதிப்பும் ஏற்படாது சிறப்பான பாறைகளை தேர்வு செய்து வெட்டி எடுத்து 21 சிற்பக் கலைஞர்கள் சேர்ந்து உழைத்து இந்த சிலையை உருவாக்கியுள்ளனர்.

இந்த சிலையை எடுத்து வருவதற்காக தனி வாகனம் உருவாக்கி அதிலிருந்து கோயிலுக்கு எடுத்து வந்துள்ளனர். மேலும் கர்ப்ப கிரகத்தில் வைப்பதற்காக பிரத்தியேகமாக சாய்வு தளம் உருவாக்கப்பட்டு 18 நாட்கள் சிரமப்பட்டு படுக்கை பாட்டில் சரியான அமைப்பில் நுணுக்கமாக வேலை செய்துள்ளனர். இதில் சிறப்பு என்னவென்றால் இந்த சிலையின் எடையானது ஒரு லட்சத்து 90 ஆயிரம் கிலோ ஆகும். ஒரே கல்லில் செதுக்கப்பட்ட ஆசியாவிலேயே மிகப்பெரிய விநாயகர் சிலையாக முந்தி விநாயகர் திகழ்ந்து வருகின்றார்.

WhatsApp channel