CWG 2022: ஸ்டேடியத்தில் கீழே விழுந்த ஸ்பிக்கர் - மல்யுத்த போட்டி நிறுத்தம்

பெர்மிங்ஹாமில் நடைபெற்று வரும் காமன்வெல்த் போட்டிகளின் அமைப்பாளர்களுக்கு சங்கடத்தை ஏற்படுத்தும் விதமான நிகழ்வு ஒன்று நடைபெற்றுள்ளது. மல்யுத்த போட்டிகள் நடைபெற்ற செவென்டரி ஸ்டேடியத்தில் முதல் நாளின்போது யாரும் எதிர்பாராத விதமாக மேற்கூரை மீது பொருத்தப்பட்டிருந்த ஸ்பீக்கர்கள் கீழே விழுந்தது.

இன்றைய ஆட்டத்தின் முதல் செஷன் தொடங்கி சில நிமிடங்களுக்கு பிறகு இந்த சம்பவம் நிகழ்ந்துள்ளது. இதனால் 5 போட்டிகள் மட்டுமே நடைபெற்ற நிலையில், பாதுகாப்பு காரணங்களுக்காக ஆட்டங்கள் நிறுத்தப்பட்டதுடன், பார்வையாளர்கள் வெளியேற்றப்பட்டனர்.

இன்று நடைபெற்ற ஐந்து ஆட்டங்களில் 86 கிலோ பிரிவு ஆட்டத்தில் இந்தியாவின் தீபக் புனியா வெற்றி பெற்றார். இந்த ஆட்டத்துக்கு பின்னர் இப்படியொரு எதிர்பாராத சம்பவம் நிகழ்ந்தது. இதைத்தொடர்ந்து இரண்டு மணி நேரம் தாமதத்துக்கு பிறகு போட்டிகள் மீண்டும் தொடங்கப்பட்டன.