Tamil Top 10 News: டோல்கேட் கட்டணம் உயர்வு முதல் டொனால்ட் ட்ரம்ப் எச்சரிக்கை வரை - காலை டாப் 10 செய்திகள்!
Tamil Top 10 News: டோல்கேட் கட்டணம் உயர்வு, டாக்காவில் மீண்டும் மாணவர் போராட்டம், டொனால்ட் ட்ரம்ப் எச்சரிக்கை உள்ளிட்ட டாப் 10 செய்திகளை இந்த தொகுப்பில் காணலாம்.
Morning Tamil Top 10 News: உள்ளூர் முதல் உலகம் வரை, தமிழகம் முதல் தேசம் வரையிலான அனைத்துவிதமான முக்கிய செய்திகளை இந்தத் தொகுப்பில் தெரிந்துகொள்ளலாம்.
டோல்கேட் கட்டணம் உயருகிறது
தமிழகத்தில் உள்ள 25 சுங்கச்சாவடிகளில் வருகிற 1ஆம் தேதி முதல் டோல்கேட் கட்டணம் உயருகிறது. ஆண்டுதோறும் ஏப்ரல், செப்டம்பரில் இக்கட்டணம் உயர்த்தப்படும். அதன்படி, கடந்த ஏப்ரலில் அமலாக இருந்த கட்டண உயர்வு தேர்தல் காரணமாக ஒத்திவைக்கப்பட்டு ஜூனில் அமல்படுத்தப்பட்டது. இதையடுத்து வருகிற செப்.1இல் 5%-7% வரை கட்டணம் உயருகிறது. இதனால் வாகன ஓட்டிகள் ரூ.5 முதல் ரூ.150 வரை கூடுதல் கட்டணம் செலுத்த வேண்டியிருக்கும்.
வானிலை ஆய்வு மையம் தகவல்
வடமேற்கு மத்திய பிரதேசம் மற்றும் அதனை ஒட்டிய கிழக்கு ராஜஸ்தான் பகுதியில் மையம் கொண்டிருந்த காற்றழுத்த தாழ்வு மண்டலம், மேற்கு - தென்மேற்கு திசையில் நகர்ந்து ஆழ்ந்த காற்றழுத்த தாழ்வு மண்டலமாக வலுப்பெற்றது. தொடர்ந்து மேற்கு-தென்மேற்கு திசையில் தெற்கு ராஜஸ்தான், குஜராத் வழியே நகர்ந்து வடகிழக்கு அரபிக்கடல் பாகிஸ்தான் கடற்கரை பகுதியை 29ம் தேதி காலையில் அடைய கூடும் என வானிலை ஆய்வு மையம் தகவல்.
டாக்காவில் மீண்டும் மாணவர் போராட்டம்
மாணவர் சங்க ஒருங்கினைப்பாளர் ஹஸ்னட் அப்துல்லா போராட்டத்திற்கு அழைப்பு யூனுஸ் அரசு மாணவர்கள் நலனை புறந்தள்ளி அன்சார் பாஹினி என்ற 6 மில்லியன் உள்ள ஆயுதம் தாங்கிய குழுக்கு ஆதரவு தெரிவிப்பதாக குற்றச்சாட்டு.
கும்மிடிப்பூண்டியில் 2 கல்லூரி மாணவர்கள் கைது
கும்மிடிப்பூண்டி மின்சார ரயிலில் நேற்று பட்டாக்கத்தியுடன் சென்ற 2 கல்லூரி மாணவர்கள் கைது செய்யப்பட்டனர். சென்னை கல்லூரியில் முதலாம் ஆண்டு படித்து வரும் 2 கல்லூரி மாணவர்கள் பட்டாக்கத்தியை மறைத்து வைத்துக் கொண்டு மின்சார ரயிலில் சென்றுள்ளனர். இதைக் கண்ட பயணிகள் ரயில்வே போலீசாருக்கு தகவல் கொடுத்தனர். விரைந்து வந்த போலீசார் அவர்களிடம் கத்தியை பறிமுதல் செய்து இருவரையும் கைது செய்தனர்.
அரசுப் பள்ளி கட்டடத்தின் தன்மையை ஆராய ஆணை
அரசுப் பள்ளிகளில் செய்ய வேண்டிய தற்காலிக பராமரிப்பு பணி குறித்த விவரங்களை சமர்பிக்க, தொடக்கக் கல்வித்துறை உத்தரவிட்டுள்ளது. ▪️. அதன்படி, பள்ளி கட்டடங்கள் 100% உறுதியுடன் உள்ளதா என்பதை ஆராய்வதுடன், பராமரிப்புப் பணி தேவைப்படும் வகுப்பறை, கட்டடங்களின் விவரங்களை சமர்பிக்க அறிவுறுத்தப்பட்டுள்ளது. இந்த பட்டியலை 2 வாரத்தில் அனுப்பவும், அனைத்துப் பள்ளிகளுக்கும் தொடக்கக் கல்வித்துறை உத்தரவு பிறப்பித்துள்ளது.
ரேஷன் பொருள் தட்டுப்பாடுக்கு 90% தீர்வு: அமைச்சர் முத்துசாமி
ரேஷன் பொருள் தட்டுப்பாடு பிரச்னைக்கு 90% தீர்வு காணப்பட்டுள்ளதாக அமைச்சர் முத்துசாமி கூறியுள்ளார். ரேஷனில் பொருள்கள் வழங்குவதில் தொய்வு ஏற்பட்டது உண்மைதான் என ஒப்புக்கொண்ட அவர், விரைவில் முழுமையாக தீர்வு காணப்பட்டு மக்களுக்கு தடையின்றி பொருள்கள் கிடைக்க ஏற்பாடு செய்யப்படும் என உறுதி தெரிவித்தார். கடந்த 3 மாதங்களாக ரேஷனில் பருப்பு, பாமாயில் கிடைப்பதில் சற்று தட்டுப்பாடு நிலவியது குறிப்பிடத்தக்கது.
ஃபாக்ஸ்கான் வேலைவாய்ப்பில் பெண்களுக்கு முன்னுரிமை
ஃபாக்ஸ்கான் நிறுவன வேலை வாய்ப்பில் பெண்களுக்கு முன்னுரிமை தரப்படும் என, அதன் தலைவர் யங் லியு கூறியுள்ளார். வேலை வாய்ப்பு வழங்குவதில் தங்கள் நிறுவனம் பாலின பாகுபாடு பார்ப்பதில்லை எனக் குறிப்பிட்டுள்ள அவர், இந்தியாவில் தொழில்நுட்பத்துறையில் பெண்கள் முன்னணி வகிப்பார்கள் என எதிர்பார்ப்பதாகவும் தெரிவித்துள்ளார். தமிழ்நாட்டில் சுங்குவார்சத்திரம், ஸ்ரீபெரும்புதூரில் ஃபாக்ஸ்கான் ஆலை உள்ளது.
குரங்கு அம்மை
வெளிநாடுகளில் இருந்து தமிழகம் வந்த யாருக்கும் குரங்கு அம்மை அறிகுறிகள் இல்லை என்று பொது சுகாதாரத் துறை இயக்குநர் செல்வவிநாயகம் தெரிவித்தார்.
அண்ணாமலை திட்டவட்டம்
தமிழகத்தில் திராவிட கட்சிகளை அகற்ற பாஜகவால் மட்டுமே முடியும் என சென்னையில் நடந்த பொதுக்கூட்டத்தில் அக்கட்சியின் மாநில தலைவர் அண்ணாமலை உறுதிபட தெரிவித்தார்.
3ஆம் உலகப்போர் மூளும்: டிரம்ப்
3ஆம் உலகப்போர் மூளும் அபாயம் உள்ளதாக டிரம்ப் எச்சரித்துள்ளார். ▪️. இது தொடர்பான X பதிவில், மத்திய கிழக்கு நாடுகளில் தொடர்ச்சியாக குண்டுகள் வீசப்படுவது கவலை அளிப்பதாக கூறியுள்ளார். இதே நிலைமை நீடித்தால் 3ஆம் உலகப்போர் மூளும் எனக் குறிப்பிட்ட அவர், இதுகுறித்து பேச்சுவார்த்தை நடத்துவது யார்? என கேள்வி எழுப்பி உள்ளார். மேலும், அமெரிக்க அதிபர் தேர்தல் நடைபெறும் நவம்பர் 5 ஆம் தேதி வரலாற்றில் முக்கிய நாள் எனவும் கூறியுள்ளார்.
டாபிக்ஸ்